ខេត្តកំពត ៖ បុរសប្រមឹកម្នាក់ វិលពីផឹក ស្រាស្រវឹង មកដល់ផ្ទះមិនឃើញប្រពន្ធ ក៏កើត ចិត្តប្រចណ្ឌសង្ស័យប្រពន្ធលួចទៅជួបប្រុសសហាយក៏តាមចាប់ប្រពន្ធធ្វើទារុណកម្មយ៉ាង សាហាវឃោរឃៅដោយចាប់សម្រាតខោអាវ ប្រពន្ធចេញអស់ននលគក រួចយកខ្សែគោ និង ខ្សែអង្រឹងមកចងដៃជើងប្រពន្ធ ព្រមទាំងយក ខ្សែរឹតក និងវាយដំប្រពន្ធ បណ្តាលឱ្យទទួល រងរបួសពេញខ្លួន បង្កឱ្យមានការភ្ញាក់ផ្អើល ឡើង កាលពីវេលា៦ព្រលប់ ថ្ងៃទី១៩ ខែមករា ឆ្នាំ២០១៧ នៅចំណុចភូមិកោះត្រាច ឃុំស្វាយ ទងខាងត្បូង ស្រុកកំពង់ត្រាច។
ជនបង្កហេតុជាប្តីដែលចាប់ប្រពន្ធធ្វើទារុណ- កម្មយ៉ាងព្រៃផ្សៃនោះ មានឈ្មោះអួន យន អាយុ៣១ឆ្នាំ មុខរបរកសិករ។ ចំណែកស្ត្រីរងគ្រោះជាប្រពន្ធ មានឈ្មោះពេជ គិ អាយុ ៣៣ឆ្នាំ។ ប្តីប្រពន្ធនេះ សព្វថ្ងៃស្នាក់នៅភូមិកើតហេតុខាងលើ។
តាមប្រភពពីកន្លែងកើតហេតុ បានឱ្យដឹង ថា ស្ត្រីរងគ្រោះធ្លាប់មានប្តីម្តងរួចមកហើយ និងរួមរស់បង្កើតបានកូន២នាក់ តែក្រោយមក ដោយសារតែការរួមរស់មិនចុះសម្រុងនឹងគ្នា ទើបឈានដល់ការលែងលះគ្នាទៅ។ បន្ទាប់ពី លែងលះប្តីទី១ដាច់ស្រេច ស្ត្រីរងគ្រោះបានភ្ជាប់ ទំនាក់ទំនងស្នេហាជាមួយជនបង្កហេតុឈ្មោះ អួន យន (ប្តីសព្វថ្ងៃ) ហើយក៏ចាប់ដៃគ្នារួមរស់ ជាប្តីប្រពន្ធរហូតមក។
ប្រភពដដែលបន្តថា អំឡុងពេលរួមរស់ នឹងគ្នាកន្លងមកនេះ គ្រួសារខាងលើ ហាក់គ្មាន សុភមង្គលទាល់តែសោះ ព្រោះតែងកើតមាន រឿងរ៉ាវឈ្លោះប្រកែកគ្នាជារៀងរាល់ថ្ងៃ មូល ហេតុក៏ដោយសារតែប្តីគឺជាមនុស្សប្រមឹកញៀន ញ៉ាមស្រលាញ់ស្រាជាងប្រពន្ធកូន មិនតែប៉ុណ្ណោះ បុរសជាប្តីនេះ គឺជាមនុស្សប្រចណ្ឌខុសរឿងឱ្យ តែស្រវឹងស្រាម្តងៗ តែងចោទប្រពន្ធថា មាន សហាយជាមួយអ្នកនេះ អ្នកនោះរហូត ទោះជា ប្រពន្ធព្យាយាមពន្យល់ប្រាប់យ៉ាងណា ក៏មិន ព្រមយកត្រចៀកស្តាប់ដែរ។
ប្រភពខាងលើ បានបញ្ជាក់ថា មុនពេល កើតហេតុ នៅថ្ងៃទី១៩ ខែមករា ឆ្នាំ២០១៧ ជនបង្កហេតុជាប្តី បានចេញទៅផឹកស្រាជាមួយ បនភឿនតាំងពីថ្ងៃរសៀល រហូតដល់វេលា ម៉ោង៦ព្រលប់ បន្ទាប់ពីស្រវឹងជោក ទើបវិល ត្រឡប់ចូលផ្ទះវិញ។ លុះពេលមកដល់ផ្ទះ ស្រប ពេលស្ត្រីរងគ្រោះជាប្រពន្ធមិននៅផ្ទះ ព្រោះ កូនឈឺនាំទៅរកពេទ្យក្នុងភូមិព្យាបាល ស្រាប់ តែជនបង្កហេតុជាប្តី ក៏ចាប់ផ្តើមស្រែកឡូឡា ជេរបញ្ចោរ ចោទប្រពន្ធថាមានប្រុសសហាយ រួចក៏តាមដើររកប្រពន្ធ រហូតបានជួបក៏អូសដៃ ប្រពន្ធមកផ្ទះចាប់ហែកខោអាវប្រពន្ធសម្រាត ចេញអស់ សល់តែខ្លួនននលគក រួចចងដៃជើង ជាប់នឹងអង្រឹងលើដីក្រោមផ្ទះ ហើយក៏ធ្វើសកម្មភាពយកខ្សែគោមករឹតកប្រពន្ធ និងវាយដំប្រពន្ធ យ៉ាងចាស់ដៃ បណ្តាលឱ្យស្ត្រីរងគ្រោះជាប្រពន្ធ ទទួលរងរបួសពេញខ្លួនតែម្តង។
ក្រោយកើតហេតុ អ្នកជិតខាងដែលប្រទះ ឃើញហេតុការណ៍ដ៏ឃោរឃៅនេះផ្ទាល់ភ្នែក ក៏នាំគ្នាចូលមកជួយឃាត់ស្រាយចំណង និង ស្លៀកពាក់ឱ្យស្ត្រីរងគ្រោះវិញ។ បន្ទាប់មក ក៏ បានរាយការណ៍សុំអន្តរាគមន៍ពីសមត្ថកិច្ចចុះ ចាប់ឃាត់ខ្លួនជនបង្កហេតុនាំយកទៅសាកសួរ។ ចំណែកស្ត្រីជាប្រពន្ធសមត្ថកិច្ចបានពិនិត្យឃើញ ថា មានស្នាមរបួសពេញផ្ទៃមុខ មានស្នាមរឹតក និងស្នាមរឹតកដៃ និងកជើងទាំងសងខាងទៀតផង។
នៅចំពោះមុខសមត្ថកិច្ច ជនបង្កហេតុឈ្មោះ អួន យន បានសារភាពថា រូបគេពិតជាបាន ចាប់ចងដៃជើងប្រពន្ធ និងសម្រាតសម្លៀក- បំពាក់នាងចេញ វាយដំប្រាកដមែន មូលហេតុ ដោយសារតែរូបគេផឹកស្រាស្រវឹងខ្លាំងពេក ម៉្យាង មានចិត្តប្រចណ្ឌ និងខឹងប្រពន្ធមិននៅផ្ទះផង សង្ស័យនាងលួចទៅជួបប្រុសសហាយទើបបញ្ចោញកំហឹង ទុកជាការព្រមានកុំ ឱ្យប្រពន្ធធ្វើ បែបនេះទៀត។
ជនបង្កហេតុ ត្រូវបានសមត្ថកិច្ចរៀបចំ កសាងសំណុំរឿង បញ្ជូនខ្លួនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធី៕