ទោះបីទទួលបានតំណែងត្រឹមតែជាគ្រូបង្វឹកបណ្តោះអាសន្ន តែលោក Santiago Solari បានប្តេជ្ញាចិត្តថា នឹងដឹកនាំក្លឹប Real Madrid ឲ្យទទួលបានជោគជ័យសម្រាប់ការប្រកួតបន្ទាប់។
លោក Solari គ្រូបង្វឹកក្លឹបយុវជន Real Madrid B បានចូលមកស្នងតំណែងលោក Julen Lopetegui ដែលត្រូវបានក្លឹបបណ្តេញចេញ កាលពីថ្ងៃអង្គារ កន្លងទៅ។
តំណែងរបស់លោក Solari ក៏ទំនងជាមិនអាចនៅបានយូរដែរ ដោយសារតែលោក Conte កំពុងស្ថិតនៅកៅអីបំរុង។
តាមពិតទៅ ក្លឹប Real Madrid មានគម្រោងតែងតាំងលោក Conte ស្នងតំណែងលោក Julen Lopetegui តែទីបំផុតតែងតាំងSolari បណ្តោះអាសន្នសិន។
គ្រូបង្វឹកវ័យ៤២ឆ្នាំ បានថ្លែងប្រាប់អ្នកសារព័ត៌មានថា “ខ្ញុំនឹងកែប្រែក្លឹបនេះឲ្យបានឆាប់បំផុត។ ធ្វើការជាមួយក្លឹប Real Madrid គឺជាឱកាសមួយដ៏អស្ចារ្យ។ ខ្ញុំនឹងប្រឹងប្រែងឲ្យអស់ពីសមត្ថភាព ដើម្បីជួយក្លឹបឲ្យបានទទួលបានជោគជ័យ”៕