ការច្បាំងគ្នារវាងក្លឹបកាំភ្លើងធំ Arsenal និង ហង្សក្រហម Liverpool ក្នុងការដណ្តើមយកកីឡាករខ្សែប្រយុទ្ធ Christian Pulisic ពីក្លឹបបាល់ទាត់អាល្លឺម៉ង់Dortmund ត្រូវបានបញ្ចប់ហើយ បន្ទាប់ពីក្លឹបដែលកំពុងគ្រងតំណែងកំពូលតារាងអង់គ្លេសប្រឺមីញេលីក Liverpool ហ៊ានឲ្យថ្លៃជាង។
នេះបើយោងតាមប្រភពព័ត៌មាន The Sun ចេញផ្សាយកាលពីថ្ងៃសៅរ៍ ទី២៩ ខែធ្នូ ឆ្នាំ២០១៨ ។
ប្រភពពព័ត៌មានដដែលនោះ បានឲ្យដឹងទៀតថា ក្លឹប Liverpool ហ៊ានឲ្យតម្លៃខ្លួនកីឡាកររូបនេះ ៤៥លានផោន ស្មើនឹងជាង៥៧លានដុល្លារ លើសក្លឹបកាំភ្លើងធំ Arsenal ជាង១០លានដុល្លារ។ ការផ្តល់តម្លៃខ្លូនដ៏ថ្លៃបែបនេះ គឺជាការបិទផ្លូវមិនឲ្យក្លឹប Arsenal ធ្វើការចរចាជាមួយក្លឹប Dortmund បន្តទៀត។
លោក Jurgen Klopp ចង់បានកីឡាករសញ្ជាតិអាមេរិករូបនេះ យកមកពង្រឹងក្លឹបឆ្ពោះទៅរកជើងឯកប្រឺមីញេលីក រដូវកាលនេះ។
កីឡារដែលមានទេពកោសល្យលេងបាន៣តំបន់ បម្រើ ប្រយុទ្ធ និងការពារ ក៏ត្រូវបានក្លឹប Bayern ចង់បានផងដែរ តែទំនងជាមិនអាចយកឈ្នះក្លឹប Liverpool បានទេ។
កីឡាករវ័យ២០ឆ្នាំរូបនេះ នៅសល់កុងត្រាថ្មី រយៈពេល១៨ខែជាមួយក្លឹបLiverpool ។
លោក Jurgen Klopp គ្រូបង្វឹកក្លឹប Liverpool ចង់បានកីឡាកររូបនេះ មកពង្រឹងខ្សែប្រយុទ្ធជួរមុខបី សម្រាប់ការប្រកួតពាក់កណ្តាលរដូវកាលខាងមុខ។