ពេជ្រ សរីរ័ត្ន ដែលធ្លាប់ត្រូវគេរិះគន់ថា មានកូន២អត់ប្តីនោះ ស្រាប់តែពេលនេះ ធ្វើឱ្យអ្នកសិល្បៈរួមអាជីពស្រឡាំងកាំងមិនតិចទេ ព្រោះថា តារាដែលមានដើមទ្រូងទ្រលុកទ្រលន់រូបនេះ បានបង្ហាញភាពស្និទ្ធស្នាលគ្នាប្លែកជាមួយតាបារាំងម្នាក់ ហើយនាងបានហៅបុរសនោះ ថា “បណ្តូលចិត្ត (Honey) ទៀតផង។
អ្នកសិល្បរួមអាជីពមួយចំនួន បានសួរពេជ្រ សិរីរ័ត្ន ថា តើតាបារាំងនោះជាប្តីរបស់នាងពិតមែន ឬយ៉ាងណា? តែអតីតសង្សារលោកគង់ វិសាល រូបនេះ មិនប្រាប់ចម្លើយចំទេ គ្រាន់តែថា មើលតែរូបទៅដឹងហើយ។
ការបញ្ចោញរូបភាពកៀកកើយជាមួយតាបារាំងរបស់ពេជ្រ សិរីរ័ត្ន នៅពេលនេះ ដើម្បីជាការតបទៅមនុស្សមួយចំនួនដែលហៅ សិរីរ័ត្ន ថា “តារាមានកូនអត់ប្តី” ទើបធ្វើឱ្យសិរីរ័ត្ន លេងមួយក្បាច់តបទៅអ្នកពូកែដៀមដាមនាង តាមរយៈការឱបរឹតតាបារាំង ដូចគូស្នេហ៍។
ប៉ុន្តែយ៉ាងណា អ្នកស្និទ្ធពេជ្រ សិរីរ័ត្ន បានឱ្យដឹងថា តាបារាំង ដែលឱបសិរីរ័ត្ន នោះ មិនមែនជាឪពុករបស់កូនប្រុស-ស្រីរបស់នាងទាំង២ឡើយ ហើយការដែលសិរីរ័ត្ន ហៅ តាបរទេសនោះថា ជា (Honey) នៅពេលនេះ គ្រាន់តែជាការបន្លំភ្នែកលាក់បាំងប្តីពិតនៅក្រោយខ្នងប៉ុណ្ណោះ។
ប្រភពបានឱ្យដឹងថា ឪពុកកូនទាំង២របស់ សិរីរ័ត្ន គឺជាអ្នកជំនួញវ័យក្មេង ដែលពួកគេមានគម្រោងរៀបការជាមួយគ្នា កាលពីឆ្នាំ២០១៧ តែត្រូវបរាជ័យវិញ ដោយភរិយាបុរសនោះប្រឆាំង។ ប៉ុន្តែសិរីរ័ត្ន ធ្លាប់អះអាងថា ប្រុសឈ្មោះសុខា នោះ គ្រាន់តែជាក្មួយរបស់នាងទៅវិញ៕
