រូបភាពអមជាមួយវីដេអូមួយដែលបានផុសនៅលើផេក ម៉ែរួយ បានចេញទៅសួរសុខទុក្ខអ្នកមានគុណ ភ្ជាប់ជាមួយសម្ភារៈមួយចំនួនថែមទៀត។ កាយវិការញញឹមដាក់គ្នា បង្ហាញអំពីសុខសុភមង្គល ហើយពិតជារូបភាពមួយបង្ហាញថា កូនល្អ ពេលមានបាន មិនត្រូវមើលរំលង អ្នកមានគុណឡើយ។
អ្នកគ្រូរួយ ដែលជាម្ចាស់ក្រុមហ៊ុនគ្រឿងសម្អាង Rouy infinity Co.,ltd ដ៏ធំនៅប្រទេសកម្ពុជា បានទិញនូវកាដូជូនដល់ម្តាយ និងជីដូនរបស់គាត់ ដើម្បីអ្នកមានគុណសប្បាយចិត្ត ព្រោះ30ឆ្នាំកន្លងមកហើយ ដែលម្តាយ និងយាយរបស់គ្រូរួយ ហត់នឿយខ្លាំងស្រក់ញើសឈាម បីបាច់ចិញ្ចឹមគ្រួសារ។
ក្រោយពេលឪពុកគ្រូរួយ បានចែកឋានចោលទៅ ម្តាយគ្រូរួយ បានសម្រេចចិត្តទៅស៊ីឈ្នួលគេនៅប្រទេសថៃ ដើម្បីរកថវិការខ្លះៗចិញ្ចឹមកូន6នាក់ ចំណែកជីដូនវិញធ្វើស្រែចម្ការ បន្ថែមរកលុយឲ្យចៅទាំង6នាក់ទៅរៀន។
ថ្ងៃនេះម៉ោងនេះ ម្តាយនិងជីដូនរបស់គ្រូរួយ លែងលំបាកទៀតហើយ ដោយសារគ្រូរួយ បានផ្លាស់ប្តូរជីវិតយ៉ាងលឿន គ្រូរួយ ទំនុកបំរុងគ្រប់យ៉ាងផ្តល់ភាពកក់ក្តៅ និងលើកទឹកចិត្តដល់លោកមានគុណ ដើម្បីតបស្នងសងគុណលោកមានគុណទាំងពីរ។ កាដូ រួមមាន ខ្សែកមាស ចិញ្ជៀនពេជ្យ និងខ្សែដៃពេជ្រ ជូនទៅដល់លោកមានគុណទាំងពីរ។
គ្រូរួយ និយាយថា ការធ្វើបុណ្យ និងចេះដឹងគុណដល់អ្នកមានគុណ និងជួយឲ្យមនុស្សរីកចម្រើន ជីវិតជួបតែសេខក្តីសុខ ជោគជ័យ ស្តុកស្តម្ភយ៉ាងពិតប្រាកដ។ អ្វីដែលត្រូវដឹង រាល់ខែ គ្រូរួយ មានប្រាក់ខែជូនម៉ែ និងជីដូន ១ខែ ជាង១ពាន់ដុល្លារ និងប្រាប់បន្ថែមសម្រាប់ធ្វើបុណ្យ សរុបក្នុង១ខែ មិនក្រោម3000$ឡើយ។
តាមរយៈការលើកយក មកបង្ហាញនេះ ស្តែងឲ្យឃើញថា នេះជាបទពិសោធន៍មួយ ជូនបងប្អូនយើង ពិចារណា។ ពិសេស ម៉ែរួយ មិនដឹងជាអំណរបែបណានោះទេ បានសាងបុណ្យជាមួយអ្នកមានគុណតាមរយៈការធ្វើបុណ្យទាន់ខែភ្លឺនេះ៕