លោកដួង ដារ៉ា បានបង្ហាញការខកចិត្តជាខ្លាំងចំពោះមន្ត្រីម្នាក់ដែលខ្វះភាពរួសរាយរាក់ទាក់ និងមិនអំពើចំពោះបញ្ហាបរបស់លោក នៅពេលដែលទៅរកសាវាសាធារណនៅក្នុងខណ្ឌមួយ។
លោកដួង ដារ៉ា បានបង្ហោះសារថា “អរគុណសន្តិភាព មុននេះបន្តិចខ្ញុំមកសុំបញ្ជាក់ក្រដាសស្នាម សំបុត្រកំណើត សំបុត្រអាពាហ៍ពិពាហ៍ និងអត្តសញ្ញាណប័ណ្ណនៅច្រកចេញចូលតែមួយ របស់ខណ្ឌមួយ នៅភ្នំពេញ។
ខ្ញុំពិតជាខកចិត្តនិងសោកស្តាយចំពោះសេវាកម្មបម្រើប្រជាលរដ្ឋនៅទីនោះ ដែលខ្វះភាពរស់រាយរាក់ទាក់ នឹងមិនបានបង្ហាញខ្ញុំឲ្យច្បាស់ថា ត្រូវទៅតុណាមួយ…ជួបអ្នកណា…។
មន្រ្តីក្មេងៗ ក្រៅពីសមត្ថភាពចំណេះដឹង ត្រូវមានសមត្ថភាព សុជីវធម៌ និងគុណធម៌ក្នុងខ្លួន ហើយមានបេះដូងថ្លើមប្រមាត់រីករាយក្នុងការបម្រើប្រជាពលរដ្ឋពិតប្រាកដ។
យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម និង សូមមានចិត្តអាណិតស្រឡាញ់ពលរដ្ឋយើងគ្រប់ទីកន្លែង”។
យ៉ាងណា លោកដួង ដារ៉ា មិនបានបញ្ជាក់ថា មន្ត្រីនោះមានឈ្មោះអ្វី ហើយបង្ហាញឲ្យចំឈ្មោះខណ្ឌដែលលោកទៅរកសេវានោះទេ៕