ស្ត្រីរូបស្រស់សិចស៊ីម្នាក់ ដែលជាអ្នកឡាយវីដេអូលក់ផលិតផលតាមអនឡាញ ត្រូវបានលោកស្នងការនគរបាលរាជធានីភ្នំពេញ បញ្ជាឲ្យកម្លាំងសមត្ថកិច្ចបើកការស្រាវជ្រាវនាំខ្លួននារីរូបស្រស់នោះមកសួរនាំ ដែលហ៊ានផ្គើននឹងប្រសាសន៍សម្តេចតេជោ ហ៊ុន សែន។
យោងតាមគណនីហ្វេសប៊ុកលោកផែង វណ្ណៈ បានបង្ហោះសារមុននេះបន្តិចថា ”ឯកឧត្ដមឧត្ដមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានឲ្យដឹងនៅមុននេះបន្តិចថា ឯកឧត្ដមឧត្ដមសេនីយ៍ឯក បានកំពុងបញ្ជាឲ្យការិយាល័យជំនាញ នៃស្នងការដ្ឋាននគរបាលរាជធានីភ្នំពេញ បើកការស្រាវជ្រាវដើម្បីនាំខ្លូនម្ចាស់គណនីហ្វេសប៊ុក ឈ្មោះ Saran Narita ដែលបានបង្ហោះរូបវីដេអូសិចស៊ីហួសហេតុ ធ្វើឲ្យប៉ះពាល់ដល់កិត្តិយស និងសេចក្ដីថ្លៃថ្នូររបស់ស្ត្រីខ្មែរ។ ជាពិសេស បំពាននឹងអនុសាសន៍ណែនាំរបស់សម្ដេចតេជោ ហ៊ុន សែន ដែលមិនអនុញ្ញាតឲ្យអ្នកលក់តាមអនឡាញ ឡាយលក់ផលិតផលរបស់ខ្លួនបញ្ចេញភាពសិចស៊ីហួសហេតុនោះទេ។
សង្ឃឹមថា ព្រាយ ហ្វេសប៊ុក ទើបនឹងរះនេះ នឹងបានចូលមកវាស់កំពស់ឆាប់ៗមិនខាន”។
បន្ទាប់ពីបង្ហោះសារបានបន្តិច ម្ចាស់គណនីហ្វេសប៊ុក Saran Narita បានបង្ហោះសារថា “ស្វាគមន៍ដោយក្តី រីករាយ នៅបុរីប៉េង ហួត បឹងស្នោ លោកផែង វណ្ណៈ 087 400000.
ព័ត៌មានបន្ថែម ឣត់ Sexy ទេ ពូ. ពូខុសហើយ. ពូហ្នឹងលួចមើល messenger ខ្ញុំម៉ង បានថា sexy គាត់ច្រឡំមាត់”។
ភ្លាមនោះ ក៏មានម្ចាស់គណនីហ្វេសប៊ុកឈ្មោះ Long Othdomsokha បានចូល Comment ថា “ឮថា នាយឧត្តមសេនី ស ថេត កំពង់តាមរកចាប់វាស់កំពស់ផង សូមប្រយ័ត្នផង បើជាយោបល់ខ្ញុំវិញ ឡាយសុំទោសគេទៅ កុំឲ្យមានរឿងធំអី ប្អូនស្រី”។ ស្រាប់តែកញ្ញា Saran Narita បាន Comment តបវិញថា ”ចង់ជួបគាត់ ទៅវាស់កម្ពស់ ឲ្យដឹងថាខ្ពស់”។
ម្ចាស់គណនីហ្វេសប៊ុក Saran Narita ក៏បានបង្ហោះសារបន្ថែមថា “ជ័យយោ ក្តីស្រមៃបាន សម្រេច”៕