ដូចការសង្ស័យមែន វត្តមានរបស់កំពូលតារាចម្រៀង លោកព្រាប សុវត្ថិ ក្នុងផលិតកម្ម Galaxy Navatra ច្បាស់ជាអ្នកគ្រប់គ្រងផលិតកម្ម នឹងរៀបចំឲ្យច្រៀងរួមគ្នាជាមួយតារាចម្រៀងណាម្នាក់ជាក់ជាមិនខាន ហើយក្នុងនោះ តន់ ចាន់សីម៉ា គឺមានភាគរយខ្ពស់។
ការទន្ទឹងរង់ចាំអ៊ុតមើលនោះ នឹងចេញលទ្ធផលថ្ងៃស្អែកនេះហើយ គឺពួកគេពិតជាចេញបទចម្រៀងរួមគ្នា នៅថ្ងៃព្រហស្បត្តិ៍ ទី២១ ខែមករា ឆ្នាំ២០២១ នេះមែន។
តាមការបង្ហើបពីប្រភពច្បាស់ការមួយ បទចម្រៀងដែលលោកព្រាប សុវត្ថិ និង កញ្ញាតន់ ច័ន្ទសីម៉ា មានចំណងជើងថា “កាត់ឆុង” ជាបទបែបញាក់។
ប្រភពដដែលបានបន្តឲ្យដឹងថា ផលិតកម្ម Galaxy Navatra បានថត MV ចប់រួចរាល់ថ្មីៗនេះ ហើយគ្រោងនឹងបង្ហោះលើ Chanel Youtube របស់ខ្លួន នៅថ្ងៃស្អែកនេះតែម្ដង។
ការចាប់ដៃគូគ្នានេះ មិនមែនជារឿងចៃដន្យនោះឡើយ លុះត្រាតែតារាចម្រៀងលំដាប់ដូចគ្នា ទើបជាដៃគូលោកព្រាប សុវត្ថិ។ តន់ច័ន្ទស៊ីម៉ា វិញ អាចចាត់ទុកថា ក៏ជាកំពូលតារាចម្រៀងវ័យក្មេងដែរ ។
តាមទិន្នន័យរបស់ផលិតកម្ម Galaxy Navatra បញ្ជាក់ថា ចុងឆ្នាំនេះ តារាវ័យក្មេង តន់ ច័ន្ទសីម៉ា មានអ្នកទស្សនាដល់រហូតដល់ជាង500លានដង ក្នុងមួយឆ្នាំ ដោយសន្ទុះខ្លាំងមិនគួរជឿ វ៉ាដាច់គេទាំងអស់ ហេតុផលនេះហើយទើប តន់ ច័ន្ទសីម៉ា មានឱកាស ត្រូវបានលោកព្រាបសុវត្ថិ សម្រេចចិត្តចាប់ដៃគូបង្កើត Album ថ្មី។
គួរបញ្ជាក់ថា ព្រាប សុវត្ថិ គឺជាកំពូលតារាចម្រៀងដែលឈរលើគេ រយៈពេល២៣ឆ្នាំហើយនៅពេលចាប់ដៃគូជាមួយនរណាម្នាក់ តែងតែលេចធ្លោជានិច្ច តែតន់ ច័ន្ទសីម៉ា វិញ ក៏មិនណយដែរ ខ្លាំងរហូតគ្មានគូប្រៀបក្នុងឆ្នាំចុងក្រោយនេះ ហេតុនេះមហាជនរង់ចាំមើល ថា តើបទចម្រៀងរបស់អ្នកទាំងពីរ នៅអាល់ប៊ុមថ្មីនេះ មានអ្វីពិសេស ហើយនឹងផ្ទុះកម្រិតណា?៕