ភ្នំពេញ៖ តារាចម្រៀងសាច់សខ្ចីនាងឃីន ស្រីនាថ ហៅអ៊ីវ៉ា កាន់តែបង្ហាញភាពស្អិតល្មូតជាមួយប្រុសក្មេងលោកវេហាស៍ ដូចគូស្នេហ៍ដោយនៅក្រៅឆាកពួកគេច្រើនតែទៅចូលរួមតាមបណ្ដារកម្មវិធីផ្សេងៗដោយលេចមុខព្រមគ្នាតែម្ដង។
អ្នកសិល្បៈរួមអាជីពមួយចំនួនបានចំអន់ឲ្យអ៊ីវ៉ា ថាតើនាងចង់ធ្វើប្អូនថ្លៃលោកមាស សាលី មែនបានជាដូចទុកចិត្តទៅលើប្អូនប្រុសតារាចម្រៀងរូបនេះខ្លាំងម្លេះ?ប៉ុន្ដែរអ៊ីវ៉ា មិនអើពើររឿងគេខ្សឹបខ្សៀវគ្នានោះឡើយ ហើយនាងនៅតែដើរចូលវេហាស៍ តទៅទៀត។
ការដែលអ៊ីវ៉ា ហ៊ានបណ្ដើរប្រុសក្មេងវេហាស៍ ជាចំហរបែបនេះគឺហាក់ដូចជានាងកំពុងតែប្រឆាំងគោលការណ៍របស់លោកអ៊ូ ចន្ថា ហៅអ៊ូ វ៉ាវ ដែលជាឪពុករបស់នាងតែម្ដងព្រោះលោកវ៉ាវ ធ្លាប់ប្រាប់អ្នកយកព័តមានយើងថាលោកមិនដែលចង់បានកូនប្រសារជាប្រុសក្មេងនោះទេ គឺចង់បានអ្នកអាយុច្រើនជាងអ៊ីវ៉ា ឬវ័យចំណាស់បន្ដិចក៍បានព្រោះអ្នកចាស់ទុំបន្ដិចគេក៍ចាស់គំនិតមិនឆេវឆាវដូចក្មេងឡើយ។លោកចន្ថា ថែមទាំងបញ្ជាក់ថាលោកចង់ឲ្យកូនស្រីមានគូស្រករឆាប់ៗទៀតផង មិនចង់ឲ្យកូនទុកជីវិតនៅលីវយូពេកនោះទេនាំតែចំណាយពេលវេលាអត់ប្រយោជន៍។
ដោយឡែកអ៊ីវ៉ា វិញធ្លាប់ប្រាប់ថានាងឆ្នាំនេះ អាយុ ២៨ឆ្នាំហើយអីចឹងត្រូវការពេលវេលា២ឆ្នាំ ទៀតទើបចង់រៀបការពោលគឺនាងនឹងរៀបការឲ្យបានមុនអាយុ៣០ឆ្នាំ។ប៉ុន្ដែរអ៊ីវ៉ា មិនប្រាប់ពីអត្តសញ្ញាណអនាគតស្វាមីរបស់នាងថាជាបុរសណាម្នាក់ឡើយ ក្រោយពីគេដឹងថានាងបានចែកផ្លូវគ្នា ជាមួយ លោក”ប”ដែលជាថៅកែក្លឹបនិងហាងបញ្ចាំនៅសៀបជាច្រើនឆ្នាំមក។
អ៊ីវ៉ា បានផាត់ចោលផលិតកម្មហង្សមាសនិងថោនតាមរយៈការបន្ដច្រៀងនៅសាន់ដេជាបន្ដទៀតដោយគ្មានកុងត្រាឡើយ។រយៈពេលចុងក្រោយនេះអ៊ីវ៉ា ហាក់មិនសូវមានបទល្បីៗដូចមុនទេធ្វើឲ្យនាងពិបាកទប់ទល់តារាចម្រៀងវ័យក្មេងរបស់Galaxy នាងតន់ ច័ន្ទសីម៉ា ដែលចេញបទចម្រៀងថ្មីៗស្ទើររាល់ថ្ងៃ៕
