កាលពីថ្ងៃព្រហសទី ១៧ មិថុនា ២០១៧ លោក Mark Milley ឧត្តមសេនីយ៍ជាន់ខ្ពស់សហរដ្ឋអាមេរិក បាននិយាយថា ក្នុងរយៈពេលដ៏ខ្លីខាងមុខនេះ ប្រទេសចិនមិនទាន់មានលទ្ធភាព នៅឡើយទេ ក្នុងការច្បាម យកតៃវ៉ាន់មកគ្រប់គ្រងតាមរយៈការប្រើប្រាស់យោធាហើយចិនត្រូវការរយៈពេលយូរទៅមុខទៀតដើម្បីអភិវឌ្ឍសមត្ថភាពរបស់ខ្លួន ប្រសិនបើចង់លេបកោះតៃវ៉ាន់។នេះបើយោងតាមការចេញផ្សាយរបស់សារព័ត៌មានរ៉យទ័រ។
ប្រធានអគ្គសេនាធិការចម្រុះលោក Mark Milley បានប្រាប់សមាជិកសភាថាខណៈដែលកោះតៃវ៉ាន់នៅតែជាផលប្រយោជន៍ជាតិស្នូលរបស់ប្រទេសចិន ឥឡូវនេះមានចេតនាតិចតួចឬការលើកទឹកចិត្តក្នុងការធ្វើវាដោយប្រើប្រាស់យោធា។
លោកបានបន្តទៀតថា គ្មានហេតុផលអ្វីដែលត្រូវធ្វើដោយយោធានោះទេហើយពួកគេដឹងអំពីរឿងនោះ។ ដូច្នេះខ្ញុំគិតថាលទ្ធភាពប្រហែលជាទាបណាស់ក្នុងអនាគតឆាប់ៗនេះ។
លោកបានបន្ថែមទៀតថាការវាយតម្លៃរបស់ខ្ញុំទាក់ទងនឹងសមត្ថភាពខ្ញុំគិតថាប្រទេសចិនមានវិធីដើម្បីអភិវឌ្ឍសមត្ថភាពច្បាស់លាស់ ដើម្បីធ្វើប្រតិបត្តិការយោធាដណ្តើមយកកោះតៃវ៉ាន់តាមរយៈមធ្យោបាយយោធាទាំងមូលប្រសិនបើពួកគេចង់ធ្វើនោះ។
កាលពីដើមសប្តាហ៍នេះយន្តហោះទ័ពអាកាសចិនចំនួន ២៨ គ្រឿងដែលក្នុងនោះមានទាំងយន្តហោះចម្បាំង និងយន្តហោះទម្លាក់គ្រាប់បែក ចូលក្នុងដែនអាកាស ADIZ របស់កោះតៃវ៉ាន់ដែលជាការលុកលុយ ធំជាងគេបំផុតមិនធ្លាប់មានពីមុនមក។
គួររំឭកថា អាមេរិក ជាបង្អែកដ៏សំខាន់បំផុតក្នុងឆាកអន្តរជាតិ និងជាប្រភពចម្បងក្នុងការផ្គត់ផ្គង់ សព្វាវុធ ទោះបីជាអាមេរិកគ្មានទំនាក់ទំនងការទូតជាផ្លូវការជាមួយតៃវ៉ាន់ក៏ដោយ។
ចិនតែងតែចាត់ទុកកោះតៃវ៉ាន់ជាផ្នែកមួយរបស់ខ្លួន ហើយហៅទំនាក់ទំនងណាមួយរវាងបរទេស និងកោះតៃវ៉ាន់ ជាការជ្រៀតជ្រែកចូលកិច្ចការផ្ទៃក្នុងរបស់ចិន៕
