គូស្នេហ៍ពិធីការិនីនិងពិធីករដែលមានឈ្មោះដូចគ្នាជីមមី-ជីមមី ត្រូវបានគេកត់សម្គាល់ថាអ្នកទាំង២ទៅណាក៍ត្រូវបានគេចាប់អារម្មណ៍ច្រើនជាងគេបើប្រៀបធៀបទៅនិងគូសង្សារតារាផ្សេងទៀតពោលគឺមិនចាញ់តារាអ៊ឺរ៉ុបពេលដែលពួកគេបណ្ដើរសង្សារនោះទេ។
ចំណុចលេចធ្លោរបស់ជីមមី និងសង្សារគឺពួកគេមានំពស់ខ្ពស់ស្រឡះនិងមានរូបរាងសង្ហារដូចគ្នាតែម្ដងហើយជាទូទៅអ្នកទាំង២និយាយភាសារទាក់ទងគ្នារាល់ថ្ងៃគឺអង់គ្លេសព្រោះលោកជីមមី ជាកូនខ្មែរដែលកើតលើដីអាមេរិកនិងបានមករស់នៅស្រុកខ្មែររយៈពេលជិត១០ឆ្នាំមកហើយ ខណៈដែលជីមមី នាងជាពិធីការិនីដែលអាចធ្វើMCបានដល់ទៅ៤ភាសារគឺខ្មែរ,អង់គ្លេស,ថៃ និងចិន ។
ជីមមី ដែលមានឈ្មោះដើមថាម៉េង ឃុននី ជាពិធីការិនីដែលមានដងខ្លួនជាតារាម៉ូដែលរាងស្វែលហើយនាងជាប់ងារជាតារាដែលមានកំភួនជើងស្រឡូនស្រស់ស្អាតគូរឲ្យទាក់ទាញ។តារារូបនេះអាចរកប្រាក់ចំណូលបានជាច្រើនពាន់ដុល្លារក្នុង១ខែៗព្រោះតែនាងធ្វើពិធីការិនី១កម្មវិធីស៊ីថ្លៃ៥០០ដុល្លារក្នុងរយៈពេល៣ម៉ោងពោលគឺតម្លៃខ្លួនជីមមី ត្រដុំត្រសងជាមួយអ្នកនាងខៀវ សានសាណា និងVj ណាណា ដែរ។
ប៉ុន្ដែដោយសារតែកូវីដបណ្ដារកម្មវិធីទាំងឡាយត្រូវបានបឹទអស់នោះទើបជីមមី ក៍ដូចជាពិធីការិនីផ្សេងៗទៀតដែរបានធ្លាក់ប្រាក់ចំណូលយ៉ាងគំហ៊ុគដូចគ្នាទើបប៉ុន្មានខែចុងក្រោយនេះគេឃើញជីមមី មានពេលវេលាទៅថតរូបអនុស្សាវរីយ៍និងដើរកម្សាន្ដជាមួយគូស្នេហ៍កាន់តែច្រើន ប៉ុន្ដែមិនទាន់មានដំណឹងថាពួកគេនឹងចូលរោងការជាមួយគ្នានៅពេលណាឡើយ។
ក្រៅពីជីមមី តារាដែលជ្រើសស្នេហ៍ជាអ្នកសិល្បៈដូចគ្នាជាគូស្នេហ៍តែមិនទាន់ចូលរោងការមានដូចជានាងពេជ្រ សោភា,ទេព បូព្រឹក្ស,ប៉ាច គីមមួយ,សុខ សោម៉ាវត្តី និងម៉ា នីកា ជាដើមដែលពួកគេសាងស្នេហ៍ជាចំហព្រមគ្នាតែម្ដង។អ្នកយកព័តមានយើងព្យាយាមទូរស័ព្ទទៅជីមមី កាលពីរសៀលថ្ងៃទី៦ខែកញ្ញា តែតេមិនចូលឡើយទើបមិនអាចសួរនាំនាងពីគម្រោងរៀបការជាមួយលោកជីមមី បានទេ។ទោះជាយ៉ាងណាជីមមី ធ្លាប់ប្រាប់អ្នកសារព័តមានថានាងមិនទាន់គិតដល់មង្គលការជាមួយគូស្នេហ៍នោះទេក្រោយចំណងស្នេហាជាសាធារណៈស្រីស្រស់ជីមមី និងប្រុសសង្ហារជីមមី ឈានដល់គម្រប់ខួប១ឆ្នាំគត់នៅខែកញ្ញាឆ្នាំ២០២១នេះ៕