តារាចម្រៀងសាន់ដេលោកសាន្ដ ពេជ្រសុភារិទ្ធិ ហៅអ៊ីណូ បានប្រាប់អ្នកកាសែតថាលោកបានធ្វើពិធីសែនព្រេនជាមួយនារីម្នាក់ឈ្មោះថៃ ម៉ានីតា អាយុ២២ឆ្នាំមានស្រុកកំណើតនៅខេត្តបន្ទាយមានជ័យ ក្រោយពីរូបលោកនិងនាងបានស្រលាញ់គ្នា២ឆ្នាំ។តារារហ័សនាមឈ្នះអស់មាសត្រូវរូបនេះថាការដែលលោកសែនជាមួយប្រពន្ធជាចំហនៅពេលនេះដោយសារតែកូវីដមិនស្ងាត់ទើបមិនអាចធ្វើពិធីធំដុំឬរៀបការបាន។យ៉ាងណាថៅកែហ្គារ៉ាស់ឡានរូបនេះថានឹងដឹកដៃប្រពន្ធរៀបការដោយហៅមិត្តភក្ដិមកជួបជុំនៅពេលដែលស្ងាត់កូវីដនៅពេលខាងមុខនេះ។
ជុំវិញតារាចម្រៀងអ៊ីណូ សែនប្រពន្ធផ្អើលអស់តារារួមអាជីពនេះធ្វើឲ្យមានការលើកឡើងពីមហាជនថាតើអ៊ីណូ សែនប្រពន្ធទីប៉ុន្មាន?ការជជែកគ្នាបែបនេះព្រោះធ្លាប់តែលេចឭថាអ៊ីណូ មិនមែននៅកំលោះនោះទេគឺលោកមានប្រពន្ធកូន២ទៅហើយ ប៉ុន្ដែក្នុងជំនួបជាមួយអ្នកកាសែតកន្លងមកអ៊ីណូ ថាលោកមិននិយាយរឿងប្រពន្ធកូនជាដាច់ខាតទើបធ្វើឲ្យរឿងស្នេហាតារាចម្រៀងសាន់ដេអាថ័កំបាំងអស់ជាច្រើនឆ្នាំ ហើយស្រាប់តែសា្ងត់ៗអ៊ីណូ អ៊ីណូ សែនប្រពន្ធក្មេងជាស្រីស្អាតជាចំហមានទាំងចាស់ទុំទាំងសងខាងចូលរួមធ្វើជាសាក្សីនៅពេលនេះតែម្ដង។
គូរំលឹកថាមុនអ៊ីណូ រកបានប្រពន្ធរូបស្រស់នេះលោកបានរងការរិះគន់តាមរយៈការច្រៀងសម្ដែងបទចម្រៀងមួយចំនួននៅរយៈពេលចុងក្រោយនេះថាចម្រៀងលោកលែងមានអ្វីថ្មីឬគ្មានគុណភាព ខណៈដែលកាលពីថ្ងៃទី២០ខែកញ្ញាឆ្នាំ២០២០ លោកពេជ្រសុភារិទ្ធិ បានរងភាពអម៉ាសព្រោះតែត្រូវប្ដីប្រពន្ធមួយគូតាមទារលុយដល់ហ្គារ៉ាសឡានហើយពេលអ៊ីណូ បាញ់ប្រាក់សងចំនួន១១៣៥០ដុល្លារ ទើបម្ចាស់បំណុលស្ងាត់មាត់។
ដោយឡែកក្រោយអ៊ីណូ សែនប្រពន្ធរួចភ្លាមគេឃើញលោកឡើងកាលីពជិះLand CruiserV8 យ៉ាងកាលីពជាមួយគូស្នេហ៍ទើបធ្វើឲ្យមនុស្សមួយជំនួនដែលធ្លាប់តែមើលងាយថាអ៊ីណូ ជួបវិបត្តិសេដ្ឋកិច្ចនោះលែងហ៊ានក្អក។ទស្សនិកជនរងចាំមើលថាតើអ៊ីណូ និងហ៊ានដឹកដៃគូស្នេហ៍ថ្មីរៀបការជាចំហនៅពេលខាងមុខមែនឬយ៉ាងណាព្រោះតែកន្លងមកធ្លាប់លេចឭថាមាននារីមួយចំនួនច្រើនតែខកស្នេហ៍ដោយសារតែអ៊ីណូ ពូកែញ៉ែធ្វើឲ្យនាងៗលង់ស្នេហ៍ហើយថៅកែលក់ឡានរូបនេះក៍ប្រែចិត្ត៕