ភ្នំពេញ៖ឪពុកលោកករុណា ពេជ្រ ដែលមានជំងឺលើសឈាមនិងដាច់សសៃក្នុងខួក្បាលព្យាបាលរយៈពេលជាង៣ឆ្នាំមកនេះបានទទួលមរណភាពទៅហើយនៅថ្ងៃទី១៤ខែតុលាឆ្នាំ២០២១នេះដោយលោកពជ្រ បានសរសេសារថា”ប៉ា ខ្ញុំទៅចោលខ្ញុំហើយ សូមប៉ាទៅឲ្យសុខ បើមានជាតិក្រោយកូនសូមកើតជាកូនប៉ាទៀត ហើយស្ថិតក្នុងគ្រួសារមួយ ដែលពោពេញទៅដោយសុភមង្គល”។
លោកករុណា ពេជ្រ ធ្លាប់បានប្រាប់ថារយៈពេលជាង៣ឆ្នាំដែលឪពុកលោកធ្លាក់ខ្លួនឈឺនេះលោកបានចំណាយថវិការព្យាបាលអស់ជាង២០ម៉ឺនដុល្លារហើយតែងតែយកលោកទៅពេទ្យយ៉ាងទៀងទាត់ ខណៈពេលពុកលោកសម្រាកនៅផ្ទះមានគ្រូពេទ្យតាមដានសុខភាពលោកជាប្រចាំ។ប៉ុន្ដែឪពុកលោកក្លាយជាមនុស្សរុក្ខជាតិមិនអាចនិយាយស្ដីបានទេ និងញាំអាហារតាមរយៈការបាញ់ចូលតាមទុយោ។
លោកថាបានសម្រេចបំណងធំជូនឪពុកតាមរយៈការសង់ផ្ទះវីឡារអស់ប្រាក់ជាង៤០ម៉ឺនដុល្លារនៅខណ្ឌសែនសុខ ដើម្បីឲ្យ ឪពុកបានសម្រាកនៅផ្ទះនោះជាលើកចុងក្រោយ។តែអ្វីដែលពេលនេះលោកស្រណោះខ្លួននោះ គឺលោកជាកូនទោល ក្រោ យអស់ពីឪពុកកាន់តែមានអារម្មណ៍ឯកោ ខណៈដែលម្ដាយដែលបានចែកផ្លូវគ្នាជាមួយឪពុករបស់លោកកំពុងរស់នៅប្រទេស បារាំងនោះក៍ទើបតែបានធូស្រាលពីជំងឺស្រដៀងគ្នានិងពុកលោកកាលពីពេលថ្មីៗនេះដែរ៕
