ភ្នំពេញ៖តារាចម្រៀងតន់ ច័ន្ទសីម៉ា ដែលរំពឹងផ្ទុះបទ”Are You Ok?”នោះស្រាប់តែក្រោយបញ្ចេញTrailer មិនបានប៉ុ ន្មានម៉ោងផងក៍ត្រូវថៅកែផលិតកម្មGalaxy លោកឡេង ណាវ៉ាត្រា បញ្ជារទៅលើអ្នកចាត់ការទូទៅផលិតកម្មមួយនេះ ឲ្យលុបចោលជាបន្ទាន់។ប្រតិកម្មរបស់ម្ចាស់ផលិតកម្មមួយនេះបន្ទាប់ពីមជ្ឈដ្ឋានមហាជនមានការិះគន់ទៅលើការឈុត ច័ន្ទសីម៉ា ស្លៀកពាក់ជាសិស្សសាលា កាន់កំាំភ្លើងជ័រថតMVក្នុងបន្ទប់រៀនហើយប៉ារ៉ូលបទនេះមានពាក្យថា”ផ្លាប់ៗ”ក្នុងclass room ទៀតផងទើបធ្វើឲ្យភាពចម្រូងចម្រាសចំពោះចម្រៀងមួយបទនេះ។
តារាចម្រៀងតន់ ច័ន្ទសីម៉ា ដែលជាម្ចាស់បទ”Are You Ok?”បានចេញសារថាបទចម្រៀងមួយនេះក្រុមការងារមានការប្រឹងប្រែងខ្លាំងដើម្បីឲ្យអន្ដរជាតិទទួលស្គាល់ ហើយបើមានកំហុសនាងជាអ្នកទទួល ព្រោះក្រុមផលិតគ្មានចេតនាណាមួយធ្វើឲ្យប៉ៈពាល់អារម្មណ៍បងប្អូននោះទេ។ដោយឡែកលោកយឹម តាស្រង់ ដែលជាអ្នកចាត់ការទូទៅផលិតកម្មGalaxy បានសម្ដែងការសោកស្ដាយចំពោះបទចម្រៀង”Are You Ok?”ត្រូវបានលុបចោលព្រោះតែចម្រៀង១បទនេះបានចំណាយអស់លុយដល់ទៅ៥ម៉ឺនដុល្លារ។យ៉ាងណាលោកថាក្នុងនាមជាអ្នកគ្រប់គ្រងលោកជាអ្នកទទួលកំហុសមួយនេះ ព្រោះកូនចៅលោកមិនខុសឡើយ។
បទ”Are You Ok?”ត្រូវបានGalaxyទិញកម្មសិទ្ធិបញ្ញាពីអ្នកលេងTik Tok ម្នាក់នូវតម្លៃដល់ទៅ១២០០០ដុល្លារដើម្បីឲ្យតន់ ច័ន្ទសីម៉ា ច្រៀងCover បទនេះនឹងផលិតជាMV ហើយច័ន្ទសីម៉ា មានការរំពឹងថានឹងផ្ទុះទៀតផង។ប៉ុន្ដែដោយសារតែការរិះគន់ច្រើនជាងគាំទ្រទើបបទនេះត្រូវបានលុបចោលយ៉ាងរហ័សទើបធ្វើឲ្យទស្សនិកជនលើកឡើងថាថៅកែGalaxyខាតអស់៥ម៉ឺនដុល្លារទទេ។
លោកហ៊ុន ជា ដែលជាក្មួយលោកនាយករដ្ឋមន្រ្ដីហ៊ុន សែន បានបញ្ចេញមតិជុំវិញបទ”Are You Ok?”នេះថា”ចេញមកឆ្កួតឡប់អីទៀតហើយ រត់ជាន់ជើងគ្នាឡូវហើយអញ តោះទៅ៩១១ហ្មងទៅពួកនាងៗ សម្ដែងគ្មានការអប់រំសោះមានខួអត់នាងៗនិងមេៗអ្នកនិពន្ធនិងបងៗរៀបចំកម្មវិធីសម្ដែងហ្នឹង?ថតនៅណាបាទទានម្ចាស់”។
តន់ ច័ន្ទសីម៉ា ជាតារាចម្រៀងស្នូលរបស់Galaxyក្រោយពីនាងត្រូវបានលោកយឹម តាស្រង់ ពេញចិត្តនិងធ្វើបទចម្រៀងសម្រិតសម្រាំងឲ្យនាងច្រៀងច្រើនជាងតារាផ្សេងទៀតនៅផលិតកម្មមួយនេះ។អតីតបេក្ខភាពThe Voice Cambodia រដូវកាលទី២រូបនេះឡើងកូដខ្លាំងក្រោយពីបានចាប់ដៃគូច្រៀងឆ្លើងឆ្លើយជាមួយកំពូលតារាចម្រៀងព្រាប សុវត្ថិ និងខេម រហូតត្រូវបានលោកតាស្រង់ ចាត់ទុកសីម៉ា ថាជាតារាលំដាប់Grade A ទៀតផង។អតីតអ្នកនិពន្ធថោន រូបនេះថែមទាំងកំណត់តម្លៃខ្លួនច័ន្ទសីម៉ា ថ្លៃខ្ពស់ជាងព្រាប សុវត្ថិ និងខេមរៈ សិរីមន្ដ ពោលគឺច្រៀងConcertធំ១កម្មវិធីស៊ីថ្លៃ៥០០០ដុល្លារ,ច្រៀងតាមប៉ុស្ដិ៍ទូរទស្សន៍ម្ដងថ្លៃពី១០០០ទៅ២០០០ដុល្លារនិងថតស្ពត១ចំណាយពេល១ទៅ២ថ្ងៃស៊ីថ្លៃ២០០០០ដុល្លារ។តែតាំងពីច័ន្ទសីម៉ា ត្រូវផលិតកម្មដាក់តម្លៃខ្ពស់បែបនេះមកគេមិនដែលឃើញនាងចេញច្រៀងសម្ដែងតាមឆាកតន្រ្ដីនៅតាមប៉ុស្ដិ៍ទូរទស្សន៍ជិត១ឆ្នាំទៅហើយ ខណៈដែលអ្នកដឹកនាំកម្មវិធីប្រគុំតន្ត្រីមួយចំនួនថ្ងូរដូចព្រាបថាសីម៉ា ថ្លៃពេកហើយ មិនមានលទ្ធភាពជួលទេ។ប៉ុន្ដែលោកតាស្រង់ តបថាបើសិនជាមានគេថាថ្លៃជ្រុល អត់ហ៊ានហៅច្រៀងក៍មិនអីដែរព្រោះផលិតកម្មមានលទ្ធភាពគ្រប់គ្រាន់ក្នុងការចិញ្ចឹមតារារបស់ខ្លួនឲ្យរស់បានស្រួលហើយ។តែអ្វីដែលគូរឲ្យស្ដាយនៅពេលដែលច័ន្ទសីម៉ា កំពុងតែឡើងកូដហើយរំពឹងថានឹងល្បីថែមទៀតក្រោយចេញMVបទ”Are You Ok?”នោះស្រាប់តែត្រូវបានថៅកែតម្រូវឲ្យលុបបទនេះចោលយ៉ាងទាន់ហន់ទៅវិញទើបធ្វើឲ្យស្រីស្រស់ដែលធ្លាប់លេចឭថាមានពោះម៉ាយម្នាក់តាមស្នេហ៍នោះគ្មានវាចារថ្លែងឡើយ៕
