ភ្នំពេញ៖កាលពីថ្ងៃព្រហស្បត្តិទី១៤ខែតុលាឆ្នាំ២០២១ អ្នកដឹកនាំកម្មវិធីសិល្បៈដ៍មានទេពកោសល្យ ពោពេញទៅដោយបទពិសោធន៍របស់ប៉ុស្ដិ៍បាយ័នលោកគង់ វិសាល បានចេញសាររំលឹកពីកម្រងអនុស្សាវរយ៍ស្នេហ៍ថ្ងៃខួបស្នេហ៍គម្រប់១០ឆ្នាំរវាងលោកនិងភរិយាដ៍ស្រស់ស្អាតអ្នកនាងហេង ហៀង ដែលខ្លឹមសារនោះបង្កប់ទៅដោយភារសារផ្អែមល្ហែមនិងបញ្ជាក់ពីទំហ៊ុំដួងចិត្តរបស់លោកស្មោះភក្ដីចំពោះភរិយាជាពិសេសឃ្លារថា”អូនជានារីដំបូងសម្រាប់ជីវិតជីវិតអាពាហ៍ពិពាហ៍របស់បង ហើយអូនក៍ជានារីចុងក្រោយដែលបងនឹងត្រូវកាន់ដៃជានិច្ចនិរន្ដរ៍”។ពាក្យពេជន៍ទាំងនេះគេជឿរថាវាជាការផ្ដល់ភាពកក់ក្ដៅបំផុតសម្រាប់ភរិយាហើយនារីទូទៅចង់បានប្ដីល្អបែបនេះគ្រប់ៗគ្នា។
លោកគង់ វិសាល បានព្រលែងសារទាំងមូលទាក់ទងខួបស្នេហ៍១០ឆ្នាំជាមួយភរិយារបស់លោកថា”សូមផ្ញើរកម្រងរូបភាព អនុស្សាវរីយ៍ ខ្ញុំនិងភរិយា រយៈពេល១០ឆ្នាំ មកដល់ថ្ងៃនេះយើងទាំងពីរនាក់បានឆ្លងកាត់វេលារស់នៅ ជាមួយគ្នាបាន១០ឆ្នាំហើយ ប្រសិនបេបើមិនមានរឿងអវិជ្ជមាន កើតឡើងទេយើងនឹងបន្តសាងអនុស្សាវរីយ៍ កាន់ដៃគ្នា១០ឆ្នាំ តៗទៅមុខ ព្រោះអូនជានារីដំបូងសម្រាប់ ជីវិតអាពាហ៍ពិពាហ៍របស់បង ហើយអូនក៏ជានារីចុងក្រោយដែលបងនឹងត្រូវកាន់ដៃជានិច្ចនិរន្តរ៍បងចង់ប្រាប់ថា បងជាបុរសម្នាក់មានសំណាងណាស់ ! នៅក្នុងចំណោម មិត្តភ័ក្ដិបងជិតដិត ចំនួន១០នាក់បងជាមនុស្សមានសំណាងជាងគេ ( ក៏ព្រោះតែបងបានភរិយាស្អាតដូចជារូបអូន ពូកែមើលថែរកូនៗនិងក្រុមគ្រួសារបានល្អណាស់) នេះជាភ័ព្វសំណាងមួយក្នុងចំណោមភ័ព្វសំណាងជាច្រើនរបស់មនុស្សនៅក្នុងលោកប៉ងប្រាថ្នា រយៈពេល១០ឆ្នាំកន្លងមកនេះពួកយើងទាំងពីរយល់ចិត្តគ្នាបានច្រើនគូរសម មានរឿងរកាំរកូស តិចតួចបំផុតដែលយើងខ្វែងគំនិតគ្នាមានហេតុផលមួយ ( មិនទាន់សម្រេចបាន) បើទោះបីជាយើងមិនទាន់ជោគជយ័រឿងទ្រព្យសម្បត្តិ តាមក្កីស្រម៉ៃចង់បាន…ក៏ហីទៅចុះ តែវាមិនមែនជាឧបសគ្គទេ ព្រោះយើងក៏ទទួលបានក្តីសុខមួយផ្នែក ក្នុងចំណោមក្តីសុខជាច្រើន សម្រាប់ជីវិត រស់នៅអំពើល្អ ប្រកបដោយគុណធម័ការព្យាយាម អត់ឆ្មត់ ការលះបង់ តស៊ូ និងភាពស្មោះត្រង់ រួមជាមួយ ទង្វើរត្រឹមត្រូវជាច្រើនដែលយើងបាន សាងកន្លងមក សង្ឃឹមថាទេវតាលោក នឹង មិនមើលរំលងសូមអោយគ្រប់យ៉ាងថ្ងៃនេះ គាប់ប្រសើរជាងថ្ងៃម្សិលមិញជានិច្ច។ថ្ងៃព្រហស្បតិ៍ទី ១៤ ខែតុលា ឆ្នាំ២០២១”។
ក្រៅពីលាតត្រដាងតាមរយៈសំណេរសារ ផ្ដល់ភាពជឿរជាក់ជម្រៅដួងចិត្តចេញពីបេះដូងចំពោះភរិយានោះលោកគង់ វិសាល ក៍បានបង្ហោះរូបភាពលោកជាមួយអ្នកនាងហេង ហៀង តាំងពីថ្ងៃផ្ដើមស្នេហ៍ដំបូងរហូតដល់ថ្ងៃអាពាហ៍ពិពាហ៍និងមកដល់បច្ចុប្បន្នដែលអ្នកទាំង២ទទួលបានចំណងដៃកូនស្រីប្រុស២នាក់នាក់ផងដែរក្នុងនោះកូនទី១ស្រីឈ្មោះវិសាល ហេងសុម៉ារីយ៉ា អាយុ៩ឆ្នាំនិងកូនទី២ប្រុសឈ្មោះវិសាល ហេងសុវិសុទ្ធ អាយុ៤ឆ្នាំ។
អ្នកសិល្បៈរួមអាជីពបានសរសើរលោកគង់ វិសាល ថាជាអ្នកដឹកនាំសិល្បៈម្នាក់ប្រកបដោយគុណធ័មហើយលោកបានជួយយឹតយោងឲ្យសិល្បករជាច្រើននាក់មកហើយឲ្យមានកេរ្ដិ៍ឈ្មោះក្នុងសិល្បៈមកដល់បច្ចុប្បន្នហេតុនេះហើយបានជាពួកគេមិនភ្លេចគុណនិងនៅតែគោរពលោកវិសាល ដែលបានធ្វើការមួយនេះអស់ជាង២០ឆ្នាំមកហើយ។អ្វីដែលគូរឲ្យកត់សម្គាល់នោះនៅថ្ងៃខួបស្នេហ៍១០ឆ្នាំលោកវិសាល ធ្វើឲ្យបុរសមិនតិចនាក់ទេដែលច្រណែននិងចង់បានសុភមង្គលដូចលោកដោយអ្នកខ្លះថាភរិយាលោកទោះជាមានកូនហើយតែសម្រស់នៅតែលេចធ្លោមិនចាញ់តារានោះទេ។ចំណែកលោកវិសាល សង្កត់ខ្លឹមសារលើសំណេរនោះថាក្នុងចំណោមមិត្តភក្ដិរបស់លោក១០នាក់លោកគឺជាមនុស្សម្នាក់ដែលមានសំណាងជាងគេព្រោះបានភរិយាមិនត្រឹមតែស្រស់ស្អាតនោះទេតែក៍ជានារីដ៍ច្នើមដែលចេះមើលថែកូនៗនិងក្រុមគ្រួសារបានល្អណាស់ ហើយលោកពិតជាបុរសមានមោទនភាពនិងសំណាងក្នុងជីវិតដែលរកបានប្រពន្ធល្អដូចក្នុងក្ដីស្រម៉ៃ៕