ភ្នំពេញ៖ស្រីស្រស់ម៉ាក សែនសូនីតា មិនខុសពីឱក សុគន្ធកញ្ញា នោះទេព្រោះមុនរៀបការស្វាមីរបស់ពួកគេមានតារាស្រីមួយចំនួនតោងស្នេហ៍ ប៉ុន្ដែក្រោយមានកូនម្នាក់១មកស្រាប់តែពេលនេះលោកប្ដីតារាទាំង២ស្រលាញ់ងប់ងប់តែប្រពន្ធ១។សម្រាប់តូតា វិញនាងត្រូវចងចិត្តប្ដីមិនឲ្យមើលឃើញស្រីណាផ្សេងក្រៅពីនាងទៀតនោះតាមរយៈការសម្រកទម្ងន់ឲ្យបាន៦គីឡូថែមទៀតពោលគឺបច្ចុប្បន្ននាងមានទម្ងន់៦២គីឡូ តែនាងថាប្រឹងគ្រប់យ៉ាងដើម្បីឲ្យសល់ត្រឹមតែ៥៦គីឡូទេ បន្ទាប់ពីក្រោយសម្រាលកូនរួចស្រកអស់១៨គីឡូ ព្រោះអំឡុងពេលពពោះនាងឡើងដល់ទៅ៨០គីឡូឯណ្ណោះ។តូតា ទទួលស្គាល់ថាក្រោយមានប្ដីនិងកូន១នេះរូបរាងនាងពិតជាមានភាពប្រែប្រួលខ្លះមែនដូចជាឡើងគីឡូ និងបែកសាច់ជាងមុន។ប៉ុន្ដែទាក់ទងអាជីពសិល្បៈវិញស្វាមីនាងនៅតែអនុញ្ញាត្តិឲ្យនាងបន្ដការងារចាស់តាមចិត្តចង់បើទោះជាលោកមានផលិតកម្មផ្ទាល់ខ្លួនក្ដី។តែតូតា ថាចិត្តនាងគឺមិនទាន់ចង់ថតភាពយន្ដឆាប់ៗនេះព្រោះកូននៅតូច ហេតុនេះហើយទទួលតែការងារសិល្បៈណាដែលខ្លីៗក៍ដូចជាថតត្រឹមស្ពតពាណិជ្ជកម្មសិនប៉ុណ្ណោះ។
តាមព័តមានថាក្រោយតូតា ក្លាយទៅជាប្រពន្ធរបស់លោកប៉ុល វិបូរ នៅនីត មកមានតារាស្រីស្អាតៗមួយចំនួនដែលធ្លាប់ស្និតស្នេហ៍លោកវិបូរ នោះបានដកខ្លួនចេញទៅវិញអស់ព្រមៗគ្នាដោយនាងនាងទាំងនោះនិយាយថាតូតា មិនមែនស្លូតឡើយ។យ៉ាងណាតូតា ដែលជាប់អន្ទាក់ស្នេហ៍លោកនីត រហូតក្លាយទៅជាភរិយានាពេលនេះដោយសារតែនាងត្រូវប្ដីថៅកែផលិតកម្មនេះលើកឲ្យធ្វើជាតួឯកជាបន្ដបន្ទាប់ផងដែរ ហេតុនេះហើយគេជឿរថាតូតា នឹងប្រើឥទ្ធិពលរបស់ខ្លួនតាមរយៈការជ្រើសរើសតួឯកនៅផលិតកកម្មប្ដីរបស់នាងដោយខ្លួនឯងជាមិនខានក្រោយពីនាងឡើងថាឋានៈជាថៅកែស្រីផលិតកម្មAngkor Picture ព្រោះបើឲ្យប្ដីលើកតារាស្រីស្អាតផ្សេងខ្លាចលោកនីត រកបានប្រពន្ធ១ទៀត។
ម៉ាក សែនសូនីតា បានផាត់ចោលសំណើរស្នេហ៍លោកឧកញ៉ាមេធាវីល្បីឈ្មោះម្នាក់និងមន្រ្ដីប៉ូលីសជាន់ខ្ពស់ម្នាក់ផងដែរ ដើម្បីមកភ្ជាប់ស្នេហ៍ជាមួយលោកពោះម៉ាយលោកប៉ុល វិបូរ ដោយមិនក្វល់តំណែងជំទាវ។តូតា បានដឹកដៃលោកនីត រៀបការកាលពីថ្ងៃទី១៦ខែមីនាឆ្នាំ២០២០ ហើយនាងសម្រាលកូនប្រុសថ្ងៃទី១៥ខែតុលាឆ្នាំ២០២០ ដោយដាក់ឈ្មោះថាប៉ុល បូនីតតូ ។ក្រោយមានប្ដីនិងកូន១នេះតូតា បានបង្កើតមុខរបរថ្មីដល់ទៅ៤ព្រមគ្នាគឺហាងលក់គ្រឿងអលង្ការ,ភោជនីយដ្ឋាន,កិសិដ្ឋានចិញ្ចឹមគោ និងចិញ្ចឹមពពែ។តារាកូន១តូតា ដែលធ្លាប់គ្រងតំណែងជាតួឯកធំៗជាច្រើនរឿងមកហើយនោះត្រូវបានគេមើលឃើញថានាងក៍ចុះខ្សោទីផ្សារសិល្បៈដូចតារាមួយចំនួនទៀតដែលមានកូន១ដែរមានដូចជានាងនៅ សុនិតា,ផាត់ ផាន់ណា និងលី ម៉ារីណា ជាដើម។ប៉ុន្ដែតូតា ធ្លាប់ប្រាប់ថាក្រោយមានស្វាមីនាងផ្ដោតលើការធ្វើជំនួញច្រើនជាងលេងសិល្បៈ៕