សេតវិមានបាននិយាយនៅក្នុងសេចក្តីថ្លែងការណ៍មួយថា ប្រធានាធិបតីអាមេរិកលោកចូបៃឌិននិងសមភាគីចិនលោកស៊ីជីនពីង បាននិយាយអំពីការអនុវត្តរបស់ចិននៅក្នុងទីបេ ហុងកុង និងខេត្តស៊ីនជាំងក្នុងចំណោមរបៀបវារៈផ្សេងទៀតនៃការប្រេះស្រាំ នៅក្នុងការពិភាក្សាគ្នារយៈពេលជាងបីម៉ោងកាលពីថ្ងៃអង្គារថ្ងៃទី១៦ខែវិច្ឆិកា។ភាគីទាំងពីក៏បានសង្កត់ធ្ងន់លើការទទួលខុសត្រូវរបស់ពួកគេចំពោះពិភពលោកទាំងមូលក្នុងការបញ្ចៀសជម្លោះ។
នេះបើយោងតាមការចេញផ្សាយរបស់បណ្តាញសារព័ត៌មានប៊ីប៊ីស៊ី។
សេតវិមានបាននិយាយថាលោកចូបៃឌិនបានលើកឡើងពីការព្រួយបារម្ភអំពីការអនុវត្តសិទ្ធមនុស្សរបស់ ចិននៅក្នុង ស៊ីនជាំង,តៃប៉ិនិងហុងកុងក៏ដូចជាសិទ្ធិមនុស្សកាន់តែទូលំទូលាយ។
ជាមួយគ្នានេះដែរប្រធានាធិបតីអាមេរិកលោកក៏បានប្រាប់លោកស៊ីថាសហរដ្ឋអាមេរិកនៅតែប្តេជ្ញាចិត្តចំពោះគោលនយោបាយចិនតែមួយទាក់ទងនឹងតៃវ៉ាន់ហើយអ្នកទាំងពីរបានសន្យាថានឹងធ្វើការរួមគ្នាលើបញ្ហាថាមពល និងអាកាសធាតុ។
ប្រធានាធិបតីអាមេរិកបានប្រាប់សមភាគីចិន សហរដ្ឋអាមេរិកប្រឆាំងយ៉ាងខ្លាំងចំពោះ កិច្ចខិតខំប្រឹងប្រែងឯកតោភាគីដើម្បីផ្លាស់ប្តូរស្ថានភាពបច្ចុប្បន្ន ឬធ្វើឱ្យខូចសន្តិភាពនៅទូទាំងកោះតៃវ៉ាន់។
ឆ្លើយតបទៅនឹងក្តីកង្វល់រវបស់មេដឹកនាំអាមេរិកប្រព័ន្ធផ្សព្វផ្សាយរដ្ឋរបស់ចិនបាននិយាយថា លោក ស៊ីជីនពីងបានប្រាប់លោកបៃឌិនថាប្រទេសរបស់លោកនឹងត្រូវចាត់វិធានការយ៉ាងម៉ឺងម៉ាត់ ប្រសិនបើកងកម្លាំង គាំទ្រឯករាជ្យភាពតៃវ៉ាន់ ឆ្លងកាត់ បន្ទាត់ក្រហម។
ប្រព័ន្ធផ្សព្វផ្សាយរដ្ឋចិនបានអោយដឹងទៀតថា មេដឹកនាំចិនក៏បានព្រមានលោក បៃឌិន ផងដែរ ថាការគាំទ្ររបស់សហរដ្ឋអាមេរិកចំពោះឯករាជ្យភាពរបស់តៃវ៉ាន់នឹងដូចជាការលេងជាមួយភ្លើង។
លោកស៊ីជីនពីងត្រូវបានដកស្រង់សម្តីដោយទីភ្នាក់ងារសារព័ត៌មានរដ្ឋស៊ីន ហួ ដោយបន្ថែមថា អាជ្ញាធរតៃវ៉ាន់បានព្យាយាមម្តងហើយម្តងទៀតដើម្បី ពឹងផ្អែកលើសហរដ្ឋអាមេរិកសម្រាប់ឯករាជ្យភាព ។ មនុស្សមួយចំនួននៅអាមេរិកមានបំណងប្រើប្រាស់តៃវ៉ាន់ដើម្បីគ្រប់គ្រងចិន។គំនិតនេះវាគ្រោះថ្នាក់ហើយដូចជាលេងភ្លើង ហើយអ្នកដែលលេងភ្លើងនឹងត្រូវឆេះ។
ថ្លែងតាមរយៈអ្នកបកប្រែលោក ស៊ីបាននិយាយថា៖ «ក្នុងនាមជាប្រទេសមានសេដ្ឋកិច្ចធំជាងគេទាំងពីររបស់ពិភពលោក និងជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ។ទីភ្នាក់ងារព័ត៌មានស៊ីនហួរបានពណ៌នាកិច្ចប្រជុំនេះថាជាការនិយាយដោយស្មោះត្រង់ ស្ថាបនា សំខាន់ និងមានផ្លែផ្កា៕