កាលពីថ្ងៃពុធទី ៨ធ្នូ ២០២១ ប្រទេសបង់ក្លាដែសបានកាត់ទោសប្រហារជីវិតនិស្សិតសាកលវិទ្យាល័យចំនួន20នាក់ពីបទ ឃាត កម្មដ៏ឃោរឃៅកាលពីឆ្នាំ 2019លើយុវជនម្នាក់ដែលបានរិះគន់រដ្ឋាភិបាលនៅលើប្រព័ន្ធផ្សព្វផ្សាយសង្គម។មេធាវីជនជាប់ចោទបាននិយាយថា ការកាត់ទោសនេះនឹងត្រូវប្តឹងឧទ្ធរណ៍។ នេះបើយោងតាមការ ចេញផ្សាយ របស់ទីភ្នាក់ងារសារព័ត៌មាន បារាំង AFP ។សាកសពរបស់ Abrar Fahad អាយុ 21 ឆ្នាំត្រូវបានគេរកឃើញនៅក្នុងអន្តេវាសិកដ្ឋាន សាកលវិទ្យាល័យរបស់ គាត់បន្ទាប់ ពីគាត់បានសរសេរបង្ហោះនៅលើ Facebookស្តីបន្ទោសនាយករដ្ឋមន្ត្រីSheikhHasinaសម្រាប់ការចុះ ហត្ថលេខាលើ កិច្ច ព្រមព្រៀងចែករំលែកទឹកជាមួយប្រទេសឥណ្ឌា។គាត់ត្រូវបានវាយដោយដំបងច និងវត្ថុមិនច្បាស់ផ្សេងទៀតអស់រយៈពេលប្រាំមួយម៉ោងដោយសិស្សរួមគ្នា 25 នាក់ ដែល ពេលនោះជាសមាជិកនៃសម្ព័ន្ធនិស្សិត Awami League ដែលកំពុងកាន់អំណាច គឺសម្ព័ន្ធ Bangladesh Chhatra League (BCL)។លោក Barkat Ullah ឪពុករបស់ Fahad បានប្រាប់អ្នកយកព័ត៌មាននៅខាងក្រៅតុលាការបន្ទាប់ពីសាលក្រមថា៖ «ខ្ញុំសប្បាយចិត្តនឹងសាលក្រមនេះ។ ខ្ញុំសង្ឃឹមថាទណ្ឌកម្មនឹងត្រូវបានអនុវត្តក្នុងពេលឆាប់ៗ»។ព្រះរាជអាជ្ញា Abdullah Abu បានប្រាប់ AFP ថា ជនដៃដល់ ៥ នាក់ទៀតត្រូវបានកាត់ទោស ឱ្យជាប់ពន្ធនា គារអស់មួយជីវិត។អ្នកដែលត្រូវកាត់ទោសប្រហារជីវិតទាំងអស់ នោះមានអាយុចន្លោះពី20ទៅ22ឆ្នាំហើយបានចូលរៀននៅ សកលវិទ្យាល័យវិស្វកម្ម និងបច្ចេកវិទ្យា ។
តុលាការកំពូលថៃ កាត់ទោសមហាសេដ្ឋី ជាប់ពន្ធនាគារជាងបីឆ្នាំ តុលាការកំពូលថៃកាលពីថ្ងៃពុធបានកាត់ទោសមហាសេដ្ឋីសំណង់លោក Premchai Karnasuta ឱ្យជាប់ពន្ធនាគាររយៈពេល 3 ឆ្នាំ 2 ខែពីបទបរបាញ់សត្វនៅក្នុងដែនជម្រកសត្វព្រៃ Thungyai Naresuan ដែលបានកើតឡើងកាលជិត 4 ឆ្នាំមុន។សេចក្តីសម្រេចនេះត្រូវបានគេអាននៅសាលាដំបូងខេត្តThong Pha Phum កាលពីព្រឹកថ្ងៃពុធ។Premchaiត្រូវបានគេរកឃើញថា មិនមានពិរុទ្ធពីបទកាន់កាប់គ្រោងឆ្អឹងខ្លារខិននោះ ទេប៉ុន្តែគាត់ត្រូវបានកាត់ទោសពីបទ ប្រម៉ាញ់ ចំនួនបីផ្សេងទៀតហើយ ត្រូវបានកាត់ទោសឱ្យជាប់គុក 16 ខែហើយត្រូវបានសាលាឧទ្ធរណ៍លើកទៅបីឆ្នាំពីរខែ។ការប្រកាសនេះគឺជាការបញ្ចប់រឿង អាស្រូវដែលអូសបន្លាយពេលយូរដែលធ្វើអោយមានការខឹងសម្បារ ជាសាធារណៈចំពោះ និទណ្ឌភាពដែលគេយល់ឃើញ ថាតែងតែកើតមានទៅលើឥស្សរជន។នេះបើយោងតាមការចុះផ្សាយ របស់កាសែតបាងកក ប៉ុស្តិ៍ ។
លោក Premchai ប្រធានក្រុមហ៊ុន Italian-Thai Development Plc អាយុ ៦៦ ឆ្នាំ បានមកដល់តុលាការដើរដោយឈើច្រត និងបង់រុំលើភ្នែកឆ្វេងរបស់គាត់។ ជនជាប់ចោទពីរនាក់ផ្សេងទៀតក្នុងសំណុំរឿងក៏មានវត្តមាននៅតុលាការដែរ។អតីតអ្នកបើកបររបស់គាត់ លោក Yong Dodkruea អាយុ ៦៨ ឆ្នាំ ត្រូវបានកាត់ទោសឲ្យជាប់ពន្ធនាគារ ៣ ឆ្នាំ ៥ ខែ និងអ្នកប្រមាញ់របស់គាត់ ម្នាក់ទៀតគឹលោកThanee Thummat អាយុ ៥៩ ឆ្នាំ ត្រូវជាប់ពន្ធនាគារ ដល់ ៣ ឆ្នាំ ៩ ខែ។ជាមួយគ្នានេះដែរ លោក Premchai Karnasuta និងចុងចោទពីរនាក់ផ្សេងទៀតត្រូវបានបង្គាប់ឱ្យសងជំងឺចិត្តចំនួន 2 លានបាត (60,000 ដុល្លារអាមេរិក)។មហាសេដ្ឋីសំណង់ Premchai Karnasuta ត្រូវបានចាប់ខ្លួនក្នុងខែកុម្ភៈ ឆ្នាំ 2018 នៅពេលដែលមន្ត្រីឧទ្យានបានរកឃើញកាំភ្លើង គ្រោងឆ្អឹងសត្វ រួមទាំងសត្វស្លាប កាលីច សត្វខ្លាក្រហមមួយក្បាលនិងសំបកខ្លារខិនខ្មៅនៅឯកន្លែងបោះជំរុំរបស់គាត់៕