ភ្នំពេញ៖តារាសម្ដែង,ម៉ូឌែល និងស្ពតពាណិជ្ជកម្មកញ្ញាអូ ដាវី បានបង្ហើបឲ្យដឹងថានាងមានបុរសគ្រប់ទម្រង់តាមស្រលាញ់ តែបើឲ្យរកអ្នកពិសេសវិញគឺមិនទាន់ឃើញនោះទេ ពោលគឺស្ថិតក្នុងវ័យ២២ឆ្នាំនេះនាងថាបេះដូងនៅទំនេរ។នាងថាអ្នកស្រលាញ់ចេះតែមានជាហូហែ ហើយយើងមិនអាចហាមឃាត់គេបានឡើយ តែអត់ទាន់មិនច្បាស់លាស់ទេ ព្រោះនាងមិនទាន់បានជួបបុរសត្រូវចិត្តឡើយ ។ ដោយឡែកទាក់ទងរូបសម្រស់វិញក្រមុំមកពីខេត្តកណ្ដាលអះអាងថាសម្ផស្ស របស់នាងនៅហ្សីន១០០%ព្រោះគ្មា្មនបានកែកុនត្រង់ផ្នែកត្រង់ណាមួយនោះទេ ។ដាវី និយាយដោយមិនស្ទាក់ស្ទើក្នុងចិត្តថាបច្ចុប្បន្ននាងផ្ដោតលើការងារសិល្បៈនិងការកស៊ីច្រើនជាងគិតទៅលើរឿងស្នេហា ហើយបុរសដែលនាងនឹងជ្រើសរើសគឺដាច់ខាតត្រូវតែចូលស្ដីដណ្ដឹងនិងរៀបការតាប្រពៃណីខ្មែរទើបអាចទៅរួច។
អូ ដាវី ថានៅថ្ងៃអនាគតនាងគ្មានគម្រោងកែសម្រស់ផ្នែកណាមួយនោះទេគឺចង់រក្សាររបស់ធម្មជាតិជារៀងរហូត។នាងថាក្រៅពីអាជីពសិល្បៈនាងជាអ្នកលក់សម្លៀកបំពាក់និងបាយក្ដាំងផងដែរ ខណៈដែលគេឃើញស្រីស្អាតរូបនេះលេចធ្លោខ្លាំងរបស់ផលិតផលNK7 ដោយដាវី វាចារថាទោះជាសម្រស់របស់នាងមានអំណោយផលពីធម្មជាតិ យ៉ាងណាក៍មិនភ្លេចជាមួយការប្រើប្រាស់ផលិតផលខាងលើដែរ។តារាដែលថាតស៊ូពីបាតដៃទទេ ក្នុងសិល្បៈរហូតលេចមុខតាមភាពយន្ដនិងស្ពតជាច្រើនរូបនេះថានាងមិនធ្លាប់មានការឧបត្ថម្ភលុយកាក់ពីអ្នកណាផ្សេងក្រៅពីលោកស្រីលោកស្រីលី ឡាយ ជាម្ចាស់ហាងSalita’s Design & Tailoring នេះឡើយ។
អូ ដាវី បានបញ្ចប់ការសិក្សារត្រឹមថ្នាក់ទី១១ដើម្បីហក់ចូលចាប់អាជីពសម្ដែងដោយដំបូងនាងបានចូលប្រលងក្នុងកម្មវិធីMiss Planet និងបន្ទាប់មកឈានមកថតសម្អាងការរួមទាំងស្ពតធំៗជាបន្ដបន្ទាប់ដូចជាមីជាតិ,ស្រាបៀរកម្ពុជា ,ក្រុមហ៊ុនជីពម៉ុងហ្គោលដិនផាក និងហ្វតជាដើម។ទាក់ទងការថតភាពយន្ដវិញដាវី ថានាងបានថត៤រឿងមកហើយដូចជានៅទូរទស្សន៍Pnn ,Ctn និងTv5 ជាដើម។ចំពោះរឿងដែលត្រូវបានទស្សនិកជនស្គាល់និងចាប់អារម្មណ៍មានដូចជារឿង”មន្ដស្នេហ៍ចៅស្រី”,”បាបស្នេហ៍អតីត”និងរឿង២ផ្សេងទៀត។
មហាជនរងចាំមើលថាតើការតាំងចិត្តរបស់ស្រីស្អាតអូ ដាវី ថានឹងមិនជ្រើសវិធីប្រើកាំបិតវះកាត់កែសម្ផស្ស ជាដាច់ខាតនោះអាចរក្សារបានដូចការតាំងចិត្តរបស់នាងជារៀងរហូតបានដែរ ឬទេ ព្រោះក្នុងពិភពសិល្បៈតារាល្បីៗក្រៅពីត្រូវប្រកួតប្រជែងផ្នែកសម្ភារៈនិយមនោះពួកគេក៍លេងសម្រស់ដើម្បីដណ្ដើមភាពលេចធ្លោរផងដែរ។ដោយឡែកដាវី វិញថាក្នុងអាជីពសិល្បៈនេះនាងខ្លាចបំផុតគឺរឿងអាស្រូវស្នេហា ហេតុនេះហើយ នឹងព្យាយាមគេចមិនឲ្យជួបនាំឲ្យប៉ៈពាល់ដល់អាជីពដែលនាងកំពុងស្រលាញ់នេះឡើយ ៕
