ភ្នំពេញ៖ស្រីស្អាតហ៊ិន ច័ន្ទនីរ័ត្ន ដែលត្រូវគេសង្ស័យថាមានគូសង្សារថ្មីជាតារាចម្រៀងលោកចេនី ម្ចាស់បទ”អាក្របី”នោះម៉ារយៈចុងក្រោយនេះគេឃើញនាងបែជាបង្ហាញភាពស្និតស្នាលគ្នាយ៉ាងចម្លែកជាមួយតារាសម្ដែងលោកសេង មង្គល (ហូ ប៉ូសេង)ទៅវិញទើបធ្វើឲ្យគេសង្ស័យថានីរ័ត្ន និងមង្គល កំពុងតែមានទំនាក់ទំនងស្នេហាជាមួយគ្នាយ៉ាងពិសេស។ការលើកឡើងបែបនេះដោយសារតែស្រីស្រស់ប្រុសសង្ហារ១គូនេះស្អិតល្មូតគ្នាខុសធម្មតា ហើយច័ន្ទនីរ័ត្ន ក៍ផ្អាកកៀកកើយជាមួយលោកចេនី ដូចមុនទៀតដែរ។
ក្នុងជំនួបផ្ទាល់លោកសេង មង្គល មិនប្រកែកនោះទេ ដោយអះអាងថាទំនាក់ទំនងរវាងរូបលោកនិងច័ន្ទនីរ័ត្ន ពិតជាយល់ចិត្តគ្នាល្អែន គឺតាំងពីក្រោយថតភាពយន្ដរឿង”ទាសីបេះដូង”របស់ទូរទស្សន៍បាយ័នមកម្លេះ។លោកសេង ហៅមង្គល បានឲ្យដឹងទៀតថានៅពេលដែលលោកធ្វើកិច្ចការអ្វីមួយជាមួយនីរ័ត្ន គឺតែងតែជោគជ័យនិងសម្រេចតាមអ្វីដែលចង់បាន ព្រោះពិតជាយល់ចិត្តគ្នាមែន។ប៉ុន្ដែទាក់ទងរឿងថាតើលោកនិងនីរ័ត្ន មានទំនាក់ទំនងស្នេហាជាមួយគ្នាឬអត់នោះលោកថាស្រេចតែលើទស្សនិកជនមើលឃើញថាម៉េចគឺអីចឹងទៅចុះចំពោះលោកមិនដឹងថានិយាយយ៉ាងម៉េចឡើយ ព្រោះថ្មីៗនេះលោកនិងនីរ័ត្ន ហាក់រយាលពីគ្នាបន្ដិចដោយសារតែនាងជាប់ថតភាពយន្ដខ្នាតធំមួយជាប្រវត្តិរបស់សម្ដេចតេជោ ខណៈដែលលោកក៍ត្រៀមថតរឿងថ្មីឲ្យទូរទស្សន៍មួយទៀតផងដែរ។
ហ៊ិន ច័ន្ទនីរ័ត្ន បានក្លាយទៅជាតួឯកស្រីក្នុងភាពយន្ដប្រវត្តិរបស់សម្ដេចតេជោហ៊ុន សែន រឿង”កូនប្រុសក្រោម ពន្លឺព្រះចន្ទពេញបូណ័មី” ស្របពេលដែលលោកសេង មង្គល ចាប់អាជីពពិធីករ,តារាបង្ហាញម៉ូដនិងតារាសម្ដែង ហេតុនេះហើយបើពួកគេក្លាយទៅជាគូស្នេហ៍និងគ្នានោះច្បាស់ជាសាកសមហើយចល់ចិត្តគ្នារឹតតែច្បាស់ថែមទៀតជាមិនខានឡើយ។លោកមង្គល ជាអតីតម្ចាស់ជ័យលាភីលេខ១កម្មវិធីKhmer Super Model 2009 នោះបន្ថែមថាឆ្នាំនេះលោកមានអាយុ៣១ឆ្នាំហើយ ហេតុនេះហើយការរកគូស្រកមិនយូឆ្នាំទៀតនោះទេ គឺដល់វ័យមានប្រពន្ធហើយ។ប៉ុន្ដែលោកថាមិនអាចកំណត់បានថាគូតែយកប្រពន្ធជាតារាដូចគ្នា ឬអ្នកនៅក្រៅរង្វង់សិល្បៈនោះទេ ព្រោះមិនចង់និយាយទុកមុន។លោកថាអាជីពសិល្បៈមិនថិតថេនោះទេ ហើយលោកក៍មិនអាចថតសម្ដែងអស់១ជីវិតបានឡើយ។លោកថាបានត្រៀមបង្កើតមុខរបរមួយក្រៅសិល្បៈនាពេលខាងមុខ តែមិនទាន់បាននិយាយពីការរកស៊ីនេះជាមួយនីរ័ត្ន ឡើយ៕
