យោងតាមប្រភពព័ត៌មានThe sun ចេញផ្សាយកាលពីថ្ងៃចន្ទទី ១០ មករា ២០២២ បានអោយដឹងថា Paris SG ក្លឹបកំពូលតារាងបារាំងD1គ្រោងចំណាយលុយ៧៥,៥លានផោនស្មើនឹង ជាង១០២ លានដុល្លារ នាំយកកីឡាករខ្សែប្រយុទ្ធ Romelu Lukakuដែលកំពុងមានរឿងចម្រូងចម្រាស់គ្រូបង្វឹកលោក Thomas Tuchel បើទោះជាបានបញ្ចប់ជម្លោះតាមរយៈការសុំទោសទៅហើយក្តី។ក្លឹបយក្សនៅបារាំង D1 ចាប់អារម្មណ៍ចង់បាន Romelu Lukaku ស្របពេលដែល Kylian Mbappe អាចនឹងចាកចេញពី ParcdesPrinces នៅពេលដែលកិច្ចសន្យារបស់គាត់ផុតកំណត់នៅក្នុងខែមិថុនា ហើយទៅរួមរស់ជាមួយក្លឹបReal Madrid ។
ប្រធានក្លឹប Paris SG លោក Nasser Al-Khelaifi ត្រូវាបានគេដឹងថាជាអ្នកគាំទ្រ Lukaku ហើយចង់នាំយកកីឡាកររូបនេះមកជំនួសកីឡាករសញ្ជាតិបារាំង Kylian Mbappe ។Les Parisiens ក៏ត្រូវបានផ្សារភ្ជាប់ជាមួយនឹងការចង់បានCristiano Ronaldo របស់ក្រុម Man Utd ផងដែរ ប៉ុន្តែ Lukaku ត្រូវបានគេមើលឃើញថាជាការវិនិយោគដ៏សមហេតុផលជាងដោយសារអាយុរបស់គាត់។
កីឡាករវ័យ២៨ ឆ្នាំរូបនេះបានចាកចេញពីក្លឹប Inter ទៅកាន់កីឡដ្ឋាន Stamford Bridge កាលពីរដូវក្តៅមុនក្នុងការផ្លាស់ប្តូរតម្លៃជាង១៣២លានដុល្លារ កំពុងរងសម្ពាធផ្លូវចិត្តយ៉ាងខ្លាំងក្នុងរយៈពេលប៉ុន្មានសប្តាហ៍ថ្មីៗនេះបន្ទាប់ពីផ្តល់បទសម្ភាសន៍មួយនៅប្រទេសអ៊ីតាលី។
នៅក្នុងបទសម្ភាសន៍នោះខ្សែប្រយុទ្ធសញ្ជាតិបែលហ្ស៊ិកត្រូវបានពិន័យមិនអោយចូលរួមប្រកួតបន្ទាប់ពីបានបង្ហាញថាគាត់មិនសប្បាយចិត្តនៅជាមួយក្លឹប Chelsea ក្រោមការដឹកនាំរបស់លោក Thomas Tuchel ហើយគាត់ក៏បានប្រកាសពីការសោកស្តាយរបស់គាត់ដែលបានចាកចេញពីក្លឹប Inter Milan ខណៈដែលគាត់បានសច្ចាថានឹងត្រលប់ទៅទីនោះវិញ។
យោងតាមប្រភពពី El Nacional បានអះអាងថាម្ចាស់ក្លឹបតោខៀវលោក Roman Abramovich ដែលកំពុងផ្តល់ការគាំទ្រពេញទំហឹងដល់ Tuchelកំពុងពិចារណាការលក់ខ្សែប្រយុទ្ធដ៏មានសក្តានុពល។ពួកគេក៏បញ្ជាក់ផងដែរថាសុខចិត្តលក់ ប្រសិនបើក្លឹបអាចយកបានមកវិញនូវប្រាក់ភាគច្រើនដែលពួកគេបានលះបង់សម្រាប់គាត់៕
