ភ្នំពេញ៖តារាចម្រៀងលោកប៉ុន សុណារិន ហៅខេម មិនសូវលេចធ្លោដូចមុនទេតាំងពីឈានចូលGalaxy ជាង១ឆ្នាំនេះបើទោះជាអ្នកចម្រៀងសំនៀងស្អករូបនេះស្ថិតក្នុងចំណោមតារាស្នូលទាំង៣របស់ផលិតកម្មថ្មីមួយនេះដែលថៅកែត្រូវឡង់សេរួមមានលោកព្រាប សុវត្ថិ ,តន់ ច័ន្ទសីម៉ា និងរូបលោក ក្ដី។អ្វីដែលគូរឲ្យកត់សម្គាល់ខេម ក្រោយចេញពីថោន ចូលGalaxy លោកក៍ទទួលបានប្រាក់ខែខ្ពស់ដូចតារាផ្សេងៗទៀតដែលជាប់កុងត្រារបស់ផលិតកម្មមួយនេះដែរពោលគឺបើគ្មានបទចម្រៀងចេញ ឬមិនឡើងច្រៀងConcerts ក៍ខេម មានប្រាក់ខែបើកជាប្រចាំដែរ។មិនមានតួលេខថាខេម បានប្រាក់ខែប៉ុន្មាននោះទេ ព្រោះតារារូបនេះមិនដែលនិយាយពីតម្លៃខ្លួន ខណៈដែលកន្លងមកលេចឭថាកំពូលតារាចម្រៀងព្រាប សុវត្ថិ បា្រក់ខែនៅGalaxy ជិត១ម៉ឺនដុល្លារ។អ្វីដែលគូរឲ្យកត់សម្គាល់នោះខេម ក៍មានដីធ្លីដែលត្រូវប៉ាន់មួយចំនួនផងដែរ តែរូបគេចូលចិត្តស្ងៀមស្ងាត់មិនអួតអាងដូចគេឡើយ។
សូមបញ្ជាក់ថាខេម ដើរចេញពីថោន គឺខុសពីមាស សុខសោភា ដែលត្រូវបានថ្នាក់ដឹកនាំប្រកាសស្វាគមន៍២៤ម៉ោងប្រសិនបើថ្ងៃណានាងចង់វិលវិញ។ប៉ុន្ដែខេម វិញបានផ្ទុះជម្លោះដ៍ចម្រូងចម្រាសជាមួយថៅកែថោន ធ្វើឲ្យតារាស្ទើទាំងអស់នៅថោន មិនពេញចិត្តអ្នកចម្រៀងរូបនេះឡើយ។តែខេម ធ្លាប់ប្រាប់អ្នកយកព័តមានយើងថាទំនាក់ទំនងរវាងលោកនិងថៅកែGalaxy ប្រៀបបានដូចជាបងប្អូនហេតុនេះហើយលោកមានក្ដីសុខនៅជាមួយផលិតកម្មនេះយូឆ្នាំតទៅទៀត។ចំណែកទស្សនិកជនចាប់អារម្មណ៍ថានៅចុងឆ្នាំ២០២១ និងដើមឆ្នាំ២០២២ ខេម កាន់តែបង្ហាញភាពផ្អែមល្ហែមស្នេហ៍ជាមួយភរិយាដែលជាអាណិកជនខ្មែរនៅបារាំងអ្នកនាងស្រីកា នោះដូចជាកៀកកើយគ្នាជាចំហ ហើយពេលចូលរួមមង្គលការមិត្តភក្ដិគឺខេម រាំអោបប្រពន្ធតែម្ដង។សកម្មភាពបែបនេះបញ្ជាក់ថាមិនយូនោះទេគឺខេម និងដឹកដៃភរិយាចូលរោងការនៅពេលខាងមុខនេះជាមិនខាន ។
តែខេម ធ្លាប់ប្រាប់អ្នកយកព័តមានយើងតាមទូរស័ព្ទថាលោកមិនទាន់អាចកំណត់ថ្ងៃរៀបការបានទេ គ្រាន់តែអាចនិយាយថាមិនយូនោះទេនឹងមានកម្មវិធីពិសេសនោះកើតឡើងហើយ។ខេម ទទួលស្គាល់ដែរថាលោកពិតជាបញ្ចេញរូបភាពជាមួយប្រពន្ធច្រើននៅរយៈពេលចុងក្រោយនេះ នោះគឺដោយសារតែដល់ពេលវេលាដែលត្រូវបង្ហាញ។ដោយឡែកទាក់ទងអាជីពចម្រៀងរបស់ខេម វិញអ្នកជំនាញសិល្បៈបានលើកឡើងថាទោះជាលោកសុណារិន នៅក្រោមព្រាប សុវត្ថិ មែនតែការច្រៀងស្អកហើយពិរោះរបស់ខេម នោះគ្មានតារាណានៅGalaxy អាចយកតំណែងលោកបានឡើយ ខណៈខេម ធ្លាប់ប្រាប់ថាលោកមិនដែលចាត់ទុកលោកព្រាប សុវត្ថិ ជាឆ្អឹងទទឹងកនោះទេ៕
