ភ្នំពេញ៖មាស សុខសោភា បានភ្ជាប់ស្នេហ៍ជាមួយលោកអ៊ឹត រ៉ាដា ដែលមានជំនាញជាគ្រូពេទ្យម្នាក់និងជាអាណិកជនខ្មែរមកពីកាណាដានោះរយៈពេល១៥ឆ្នាំមកហើយ តែអ្នកទាំង២ទើបបានធ្វើខួបអាពាហ៍ពិពាហ៍គម្រប់១២ឆ្នាំកាលពីថ្ងៃទី២៨ខែធ្នូឆ្នាំ២០២២ ។ក្រោយធ្លាយរឿងរូបរៀបការដែលប្រៀបដូចជាសែនព្រេននោះសោភា ដែលធ្លាប់ត្រូវបានគេផ្ដល់រហ័សនាមថាជារាជនីសម្លេងផ្អែម នោះទទួលបានងារថ្មីមួយទៀតនោះគឺជា”កំពូលតារាពូកែ លាក់រឿងរៀបការ”។ប៉ុន្ដែសោភា និងស្វាមីមិនក្វល់រឿងគេរិះគន់រឿងរៀបការភ្នែកកញ្ចឹងកកាលពី១២ឆ្នាំមុននោះឡើយ តែអ្វីដែលធ្វើឲ្យគេកាន់តែវិលក្បុងថែមទៀតនោះគឺនាងទើបរៀបការ១២ឆ្នាំសោះបែជាបញ្ចេញរូបក្មេងប្រុសម្នាក់ឈ្មោះBovee Hundly ដែលមានអាយុ១៤ឆ្នាំនោះថាជាកូនរបស់នាងទៅវិញទើបធ្វើឲ្យមានការលើកឡើងថាសោភា កំពុងតែធ្វើឲ្យអ្នកគាំទ្រឈឺក្បាលដោយសារតែរឿងស្នេហារបស់កាន់តែច្របូកច្របល់នេះ បើទោះជាមានបុរសម្នាក់ចេញមកអះអាងថាយុវវជនរូបនោះជាក្មួយរបស់សោភា ក្ដី។
ទោះជាយ៉ាងណាក្រោយមាស សុខសោភា ជ្រើសស្នេហ៍ឆ្លងទ្វីពតាមរយៈការប្រគល់បេះដូងទៅឲ្យកលោកអ៊ឹត រ៉ាដា នោះគេអាចមើលឃើញច្បាស់ថាបុរសមុខស្ងួតលេងពុកមាត់រូបនោះសាកសមជាមនុស្សដែលសោភា ជ្រើសយកជាស្វាមីមែនព្រោះរយៈពេល១ទសវត្សន៍កន្លះមកនេះលោករ៉ា ធ្វើអ្វីៗគ្រប់បែបយ៉ាងដើម្បីសផ្គាប់ចិត្តសោភា ទាំងអស់។អាណិកជនខ្មែរកាណាដារូបនេះបានបោះបង់អាជីពជាគ្រូពេទ្យមកតាមសោភា នឹងលែងចង់វិលទៅកាណាដាវិញហើយជាញឹកញាប់គេឃើញលោកយូសម្លៀកបំពាក់,ថតរូប និងធ្វើជាតៃកុងឡានឲ្យសោភា ទៅណាមកណាគ្រប់កន្លែងទាំងអស់។អ្វីដែលគូរឲ្យសរសើរថែមទៀតនោះស្វាមីរបស់សោភា មិនដែលមាមឃាត់ឬហួងហែងនាងស៊ិចស៊ី ក៍ដូចជាថតMVដែលមានតារាប្រុសអោបថើបនោះឡើយ។
សកម្មភាពបែបនេះហើយបានជាឲ្យតែនៅថ្ងៃខួបអាពាហ៍ ពិពាហ៍របស់ខ្លួនសោភា តែងតែងចេញសារលើកទឹកចិត្តប្ដី និងថាលោករ៉ាដា ពិតជាហ៊ានធ្វើគ្រប់បែបយ៉ាងដើម្បីរូបនាងមែន។យ៉ាងណាអ្នកគាំទ្រមាស សុខសោភា ចង់ឃើញនាងរៀបការជាមួយប្ដីជាចំហដូចមង្គលការសុគន្ធ និសា,ឱក សុគន្ធកញ្ញា និងសួស វីសា ជាដើមបើទោះជានាងធ្លាប់រៀបការតាមបែបលាក់លៀមនេះចំនួន២លើកមកហើយក្ដី។ ក្រៅពីមាស សុខសោភា តារាយកប្ដីប្រុសអាណិកជនខ្មែរកាណាដាមានដូចជាអ្នកនាងសៀម ស្រីណុច ,ម៉ុក អានីត,រស់ ម៉ូនីកា និងឡាយ លក្ខិណា ជាដើម៕
