ភ្នំពេញ៖តារាចម្រៀងសាន់ដេឃីន ស្រីនាថ ហៅអ៊ីវ៉ា បានបិទច្រកស្នេហ៍ថៅកែហាងបញ្ចាំនិងក្លឹបម្នាក់នៅក្រុងសៀមរាប អស់រយៈពេល៨ឆ្នាំមកហើយ ខណៈដែលប្អូនលោកផ្កាយ៣នោះនៅតែបន្ដតាមប្រម៉ាញ់បេះដូងស្រីស្រស់រូបនេះដោយគ្មានការប្ដូរចិត្តបន្ដិចឡើយ។យ៉ាងណាមិនមែនតែអ៊ីវ៉ា ម្នាក់ទេដែលព្យាយាមគេចចេញពីថៅកែនោះ ប៉ុន្ដែលោកអ៊ូ វ៉ាវ ដែលជាឪពុកតារាចម្រៀងរូបនេះកន្លងមកថែមទាំងមិនចង់និយាយរឿងពាក់ព័ន្ធជាមួយលោកថៅកែភ្ជាប់ជាមួយកូនក្រមុំសំណព្វចិត្តរបស់លោកឡើយ ដោយលោកអះអាងថារឿងនេះមួយគឺលោកសូមមិនធ្វើអត្ថាធិប្បាយនោះទេ។
ថ្វីត្បិតតែទាំងអ៊ីវ៉ា និងលោកវ៉ាវ ហាក់មិនផ្ដល់ភ្លើងខៀវឲ្យថៅកែទៀតក្ដី តែតាមព័តមានពីអ្នកដែលស្និតម្នាក់ជាមួយលោកថៅកែ”ប”ដែលធ្លាប់បម្រើរការនៅក្លឹបរបស់លោកនៅសៀមរាប នោះបានបង្ហើបឲ្យដឹងថាមូលហេតុដែលប្អូនមន្រ្ដីធំរូបនោះអត់ប្ដូរចិត្តរឿងស្នេហ៍អ៊ីវ៉ា នោះគឺដោយសារតែលោកចាត់ទុកតារាចម្រៀងសាន់ដេរូបនេះថាមានចំណុចពិសេសិងពិបាករកជាងតារាផ្សេងៗទៀត។ប្រភពនោះថាលោកថៅកែពេញចិត្តអ៊ីវ៉ា បំផុតរឿងនាងមិនកែកុនសម្រស់ដូចតារាផ្សេងៗទៀតដែលរឿងនេះហើយធ្វើឲ្យលោក”ប”ពិបាកងាកទៅស្នេហាតារាផ្សេងទៀតជំនួសរូបនាងបើទោះជាឋានៈ ទ្រព្យសម្បត្តិ និងចំណេះដឹងលោកអាចស្នេហ៍តារាណាធ្វើឲ្យពួកគេពិបាកបដិសេធក្ដី។
សូមបញ្ជាក់ថាអ៊ីវ៉ា ត្រូវបានឪពុកនាងបើកផ្លូវថាឲ្យតែបុរសណាដែលចង់បាននាងធ្វើជាភរិយាគឺអាចចូលចែចូវបានដោយលោកផ្ដល់សិទ្ធិឲ្យនាងជាអ្នកសម្រេចចិត្តដល់ទៅ៦០% ខណៈដែលលោកសុំត្រឹមតែ៤០% គិតគូតាមក្រោយ។មិនត្រឹមតែប៉ុណ្ណោះលោកវ៉ាវ ថែមទាំងថាលោកចង់ឲ្យអ៊ីវ៉ា យកប្ដីជាបុរសមានវ័យចំណាស់បន្ដិច ព្រោះចាស់ទុំទាំងគំនិតនិងមាយាទ ហើយលោកមិនដែលចង់បានកូនប្រសារជាប្រុសក្មេងស្ទាវម្ដងណាឡើយ។ការបង្ហើបបែបនេះគូរណាស់តែលោកថៅកែ”ប”មានប្រៀបជាងគេ តែបែជាឈ្មោះរបស់លោកត្រូវបានទាំងអ៊ីវ៉ា និងឪពុកផាត់ចោលទៅវិញ។
អ៊ីវ៉ា ធ្លាប់ប្រាប់អ្នកយកព័តមានយើងថាពេលនេះនាងមានអាយុ២៨ឆ្នាំអីចឹងត្រូវការតែពេល២ឆ្នាំទៀត ប៉ុណ្ណោះនឹងគិតគូរឿងរៀបការហើយពោលគឺនាងចង់បញ្ចប់ភាពនៅលីវមិនឲ្យលើសពីអាយុ៣០ឆ្នាំគឺបានន័យថាអ៊ីវ៉ា នឹងយកប្ដីនៅឆ្នាំ២០២៤ ខាងមុខនេះ។ដោយឡែកលោកវ៉ាវ ខ្លាចកូនស្រីចេះតែថាឲ្យតែរួចពីមាត់ទើបលោកជម្រុញស្រីនាថ ថែមថាជីវិតមនុស្សយើងប្រៀបដូចជាផ្ការីកលំអងកាលណាក៍រុះរោយទៅវិញអីចឹងកុំទុកភាពនៅលីវយូមិនល្អនោះទេគឺនាំតែខាតពេលអត់ប្រយោជន៍។អ៊ីវ៉ា ធ្លាប់វាចារថានាងពិតជាមានបុរសទាំងក្នុងនិងក្រៅស្រុកធ្លាប់តាមស្នេហាមែន ប៉ុន្ដែដោយសារមិនទាន់មានភាពច្បាស់លាស់ ហេតុនេះហើយនាងមិនអាចបង្ហាញមុខគូស្នេហ៍ឆាប់ៗបានទេ។
តាមព័តមានថារឿងដែលអ៊ីវ៉ា មិនអាចវិលត្រឡប់ទៅផ្សារភ្ជាប់ស្នេហ៍ជាមួយលោក”ប”វិញនោះគឺដោយសារតែថៅកែទ្រព្យស្ដុករូបនោះទោះជានៅតែតាមស្នេហ៍នាងជាង៨ឆ្នាំមែន ប៉ុន្ដែប្អូនមន្រ្ដីធំរូបនោះនឹងមិនកែប្រែចិត្តរឿងប្រចណ្ឌនិងហួងហែងនាងនោះទេ ពិសេសគឺការថតMVមានឈុតអោបថើប ឬនាងរាំលើឆាកក៍លោកថៅកែមិនអនុញ្ញាត្តិ ហេតុនេះហើយបើនាងស្នេហ៍ថៅកែមានតែបោះបង់អាជីពចម្រៀង ទើបចុងក្រោយស្រីនាថ សុខចិត្តដើរគេចមុខពីលោកថៅកែរហូតប្រកាសបិទច្រកស្នេហ៍បុរសចំណាស់រូបនោះតាមរយៈការតាំងចិត្តថានាងនឹងរៀបការនៅ២៤ខែខាងមុខនេះទៀត បើទោះជានាងព្យាយាមលាក់មុខអនាគតស្វាមីក្ដី៕