បើទោះជាជំងឺឆ្លងកូវីដ-១៩កំពុងរាតត្បាតពាសពេញផ្ទៃប្រទេសយ៉ាងណាក៏ដោយមេដឹកនាំប្រទេសកូរ៉េខាងជើង នៅតែមិនព្រមទទួលយកជំនួយវ៉ាក់សាំងរបស់ពិភពលោកជាពិសេសប្រទេសរួមផ្ទៃតែមួយកូរ៉េខាងត្បួង។ផ្ទុយទៅវិញប្រទេសអាវុធនុយក្លេអ៊ែរមួយនេះបានប្រើឱសថបុរាណសម្រាប់ការពារនិងព្យាបាលអ្នកជំងឺទៅវិញ។
ប្រទេសកូរ៉េខាងជើងបានបដិសេធយកទទួលយកវ៉ាកសាំងចំនួន ៣លានដែលផលិតដោយចិនកាលពីឆ្នាំមុន និងបដិសេធទទួលយកជំនួយប្រទេសផ្សេងទៀតក្រោម Covaxដែលជាគម្រោងចែករំលែកវ៉ាក់សាំងសកលតែកាលពីម្សិញមិញប្រទេសនេះត្រូវបានគេរាយការណ៍ថា បានបញ្ជូនយន្តហោះចំនួនបីគ្រឿងដើម្បីប្រមូលសម្ភារៈពេទ្យពីទីក្រុង Shenyang ប្រទេសចិន។
យោងតាមការចុះផ្សាយរបស់សារព័ត៌មានប៊ីប៊ីស៊ីកាលពីថ្ងៃសុក្រទី២០ឩសភា ២០២២បានអោយដឹងថាទីក្រុងព្យុងយ៉ាងបានប្រើឱសថបុរាណមួយចំនួនដូចខាងក្រោមនេះ៖
ទឹកក្តៅៈមេដឹកនាំកូរ៉េខាងជើងបានណែនាំអោយប្រជាជនប្រើឱសថបុរាណរួមមានទឹកខ្ញីតែផ្កាក្រអូប(honeysuckle)និងស្លឹកគ្រៃ។ភេសជ្ជៈក្តៅអាចជួយសម្រាលរោគសញ្ញាកូវីដ-១៩បានមួយចំនួនដូចជាឈឺបំពង់ក ឬក្អកនិងជួយជាតិទឹកនៅពេលដែលអ្នកជំងឺបាត់បង់ជាតិទឹកច្រើនជាងធម្មតា។ខ្ញីក៏អាចជួយបំបាត់ការរលាកនិងកាត់បន្ថយការឈឺចាប់ផងដែរ។
ទឹកអំបិលៈ
ប្រព័ន្ធផ្សព្វផ្សាយរដ្ឋKCNA ថ្មីៗនេះបានសម្ភាសគូស្នេហ៍មួយគូដែលបានណែនាំឱ្យខ្ពុរមាត់ជាមួទឹកអំបិលពេលព្រឹកនិងយប់ខណៈអំបិលរាប់ពាន់តោនត្រូវបានបញ្ជូនទៅទីក្រុងព្យុងយ៉ាងដើម្បីធ្វើថ្នាំសំលាប់មេរោគ។
ការសិក្សាខ្លះបានណែនាំឱ្យលាងសម្អាតច្រមុះដោយទឹកអំបិលប្រឆាំងនឹងមេរោគដែលបង្កឱ្យកើតជំងឺផ្តាសាយ។ប៉ុន្តែមានភស្តុតាងតិចតួចដែលពួកគេពន្យឺតការរីករាលដាលនៃកូវីដ។
ថ្នាំបំបាត់ការឈឺចាប់ និងថ្នាំអង់ទីប៊ីយោទិច(Antibiotics)
ទូរទស្សន៍រដ្ឋបានណែនាំអ្នកជំងឺឱ្យប្រើថ្នាំបំបាត់ការឈឺចាប់ដូចជា៖ ibuprofen អាម៉ុកស៊ីលីន(amoxicillin) និងថ្នាំអង់ទីប៊ីយោទិច(Antibiotics)ផ្សេងទៀត។
គួររំឭកថាកាលពីថ្ងៃសុក្រកូរ៉េខាងជើងមានអ្នកឆ្លងថ្មីជាង២៦ម៉ឺននាក់ស្លាប់ចំនួន២នាក់ដែលធ្វើអោយតួលេខឆ្លងសរុបជាង២លាននាក់និងស្លាប់៦៥នាក់។នេះបើយោងតាមទីភ្នាក់ងារសារព័ត៌មានរដ្ឋ KCNA ៕