ប្រធានាធិបតីតួកគីលោក អេឌូហ្គេន(Erdogan) បាននិយាយកាលពីថ្ងៃចន្ទថាខ្ញុំនឹងមិនអនុញ្ញាតិអោយប្រទេស ហ្វាំងឡង់ និងស៊ុយអែតចូលជាសមាជិករបស់អង្គការណាតូ ហើយបានព្រមានថាការប៉ុនប៉ងណាមួយដើម្បីបញ្ចុះបញ្ចូល ទីក្រុងអង់ការ៉ា ឱ្យផ្លាស់ប្តូរជំហររបស់ខ្លួននឹងគ្មានផ្លែផ្កានោះទេ។
ការរលើកឡើងរបស់លោកបែបនេះបន្ទាប់ពីប្រទេសទាំងពីរបានបានដាក់ពាក្យចូលអង្គការណាជាផ្លូវការកាលពីម្សិលមិញ។
តើមានហេតុផលអីបានជាតួកគីរារាំងមិនអោយហ្វាំងឡងនិង ស៊ុយអែតចូលអង្គការណាតូ?
លោក Erdogan បានហៅប្រទេសទាំងពីរនេះថា ផ្ទះសំណាក់សម្រាប់អង្គការភេរវករ។ លោកនិយាយសំដៅទៅគណបក្សបំបែកខ្លួនពលករឃើដ (PKK) និងរណសិរ្សរំដោះប្រជាជនបដិវត្តន៍ (DHKP/C) ដែលត្រូវបានហាមឃាត់ដោយទីក្រុងអង់ការ៉ា។
លោកបានបន្តថាប្រទេសទាំងនេះមិនមានជំហរច្បាស់លាស់ប្រឆាំងនឹងអង្គការភេរវករទេ។ប្រទេសស៊ុយអែតគឺជាមជ្ឈមណ្ឌលភ្ញាស់អង្គការភេរវករ។ពួកគេនាំភេរវករមកនិយាយនៅក្នុងសភារបស់ពួកគេ… ដូច្នេះយើងនឹងមិននិយាយថា “បាទ” ទេ ចំពោះចេតនារបស់ពួកគេក្នុងការចូលរួមជាមួយអង្គការណាតូ ។ពួកគេនឹងមកនៅថ្ងៃចន្ទ ដើម្បីបញ្ចុះបញ្ចូលយើង។ សុំទោស ពួកគេមិនចាំបាច់រំខានយើងទេ។
ក្រសួងការបរទេសស៊ុយអែតបាននិយាយកាលពីថ្ងៃចន្ទថា មន្ត្រីជាន់ខ្ពស់មកពីទីក្រុង Helsinki និង Stockholm នឹងធ្វើដំណើរទៅកាន់ប្រទេសតួកគី ដើម្បីពិភាក្សាអំពីបញ្ហានេះ។ យ៉ាងណាក៏ដោយ លោកបានបញ្ជាក់នៅក្នុងសន្និសីទសារព័ត៌មានថា ការពិភាក្សាបែបនេះនឹងគ្មានន័យអ្វីឡើយ។
ណាតូអន្តរាគមន៍បានអត់?
ឆ្លើយតបទៅនឹងកង្វល់នេះប្រធានអង្គការណាតួលោក Stoltenbergបាននិយាយថាកង្វល់សន្តិសុខរបស់ប្រទេសទួរគីចាំបាច់ត្រូវដោះស្រាយ។
បន្ទាប់ពីកិច្ចប្រជុំជាមួយរដ្ឋមន្ត្រីការបរទេសតួកគី លោកStoltenbergបានថ្លែងថា
ប្រទេសតួកគីគឺជាសម្ព័ន្ធមិត្តដ៏មានតម្លៃហើយរាល់បញ្ហាសន្តិសុខចាំបាច់ត្រូវដោះស្រាយ។យើងត្រូវតែឈរជាមួយគ្នាក្នុងពេលវេលាជាប្រវត្តិសាស្ត្រនេះ។
ដើម្បីចូលជាសមាជិកណាតូលុះត្រាតែទទួលបានការ បានអនុម័តជាឯកច្ឆ័ន្ទដោយសមាជិកទាំង ៣០ រូប។ ទំនងជាក្រុងអង់ការ៉ានឹងរងសម្ពាធដោយសហរដ្ឋអាមេរិកដើម្បីបដិសេធការជំទាស់របស់ខ្លួន។
អគ្គលេខាធិការរងអង្គការណាតូ លោក Mircea Geoana ធ្លាប់បាននិយាយថាលោកប្រាកដថាប្លុកយោធានឹងអាចយកឈ្នះលើប្រទេសតួកគីបាន៕