យ៉ាងហោចណាស់មនុស្ស២៧នាក់បានស្លាប់ និងជាង៣០នាក់ផ្សេងទៀតបានរងរបួសនៅក្នុងហេតុការណ៍ អគ្គីភ័យឆាបឆេះអគារកម្ពស់៤ជាន់មួយកន្លែងក្នុងរដ្ឋធានីញូវដែលីរបស់ប្រទេសឥណ្ឌាកាលពីថ្ងៃសុក្រ១៣ ឧសភាឆ្នាំ២០២២។ នេះបើយោងតាមការចេញផ្សាយរបស់សារព័ត៌មានបារាំងAFP។
លោកSatpal Bharadwajទទួលបន្ទុកប្រតិបត្តិការសេវាពន្លត់អគ្គីភ័យក្រុងដេលីបានប្រាប់ AFP ថា សាកសពដែលឆេះចំនួន២៧ត្រូវបានគេរកឃើញខណៈ អ្នករបួសទាំង១២នាក់កំពុងទទួលការព្យាបាល។លោក Bharadwaj បានបន្តថា មានមនុស្សប្រហែល៧០នាក់នៅក្នុងអគារពេលភ្លើងបានឆាបឆេះ។ លោកបានមានប្រសាសន៍ថា មិនមានច្រករំដោះមនុស្សចេញទេ ហើយមនុស្សភាគច្រើនបានស្លាប់ដោយសារការថប់ដង្ហើម។ លោកបានបន្ថែមថាអ្វីៗនឹងដឹងបន្ថែមទៀតបន្ទាប់ពីការធ្វើកោសល្យវិច័យអាចត្រូវបានធ្វើឡើង។មូលហេតុនៃការឆេះមិនត្រូវបានគេដឹងនៅឡើយទេ។រដ្ឋធានីនៃប្រទេសឥណ្ឌាដែលមានប្រជាជនចំនួន២០លាននាក់បច្ចុប្បន្នកំពុងរងគ្រោះដោយសាររលកកំដៅ ជាមួយនឹងសីតុណ្ហភាពឡើងដល់៤៦ អង្សាសេ នៅកន្លែងខ្លះ។
កាលពីខែមុន រលកកម្ដៅបានបណ្ដាលឲ្យមានគំនរសំរាមដ៏ធំមួយឆេះ។វាបានឆេះអស់ជាច្រើនថ្ងៃដោយបន្ថែមការបំពុលបរិយាកាសដ៏សាហាវរបស់ទីក្រុងនេះ។
រថយន្តពន្លត់អគ្គីភ័យប្រហែល ២០ គ្រឿងត្រូវបានប្រើប្រាស់ដើម្បីពន្លត់ភ្លើងនៅជិតស្ថានីយ៍រថភ្លើងក្រោមដី Mundkaភាគខាងលិចនៃរដ្ឋធានីនៃប្រទេសឥណ្ឌា។
ដោយមានការចូលរួមរំលែកទុក្ខចំពោះការបាត់បង់ជីវិត លោកនាយករដ្ឋមន្ត្រីនរិន្ទ្រមូឌីបានសន្យាផ្តល់ប្រាក់សំណងចំនួន ២០០.០០០ រូពីស្មើនឹង ២៥៨០ដុល្លារសម្រាប់សព្វម្នាក់ដល់សាច់ញាតិជនរងគ្រោះ ៕