ភ្នំពេញ៖ សង្ស័យឈ្លោះប្រកែគ្នាបាញ់មួយគ្រាប់ហើយនាំគ្នារត់គេចខ្លួនអស់ សមត្ថកិច្ចចុះ ទៅដល់បានត្រឹមរកឃើញសំបកកាទុសេ្សមួយគ្រាប់ ដែលហេតុការណ៍នេះកើតឡើងនៅវេលាម៉ោង១២និង៤៥នាទីរំលងអធ្រាត្រឈានចូលថ្ងៃទី៣ ខែកញ្ញា តាមបណ្តោយផ្លូវលេខ៦៣កែងផ្លូវ២៧៨ ស្ថិតក្នុងសង្កាត់បឹងកេងកងទី១ ខណ្ឌចំការមន ។
តាមសាក្សីដែលជាសន្តិសុខយាមនៅហាងក្បែរនោះបានឲ្យដឹងថា មុនពេលកើតហេតុគាត់មិនបានដឹងថាមានរឿងអ្វីកើតឡើងទេ ស្រាប់តែលឺសូរសំលេងផ្ទុះអាវុធមួយគ្រាប់ បន្ទាប់មកឃើញយុវជនម្នាក់រត់តាមបណ្តោយផ្លូវលេខ៦៣ ក្នុងទឹសដៅពីត្បូងទៅជើង ភ្លាមៗនោះខ្មាន់កាំភ្លើងដែលមានគ្នា៦នាក់ បានជិះម៉ូតូ៤គ្រឿង ដេញតាមពីក្រោយចេញទៅបាត់ ។
ក្រោយពេលកើតហេតុ សមត្ថកិច្ចបានមកដល់និងបានរកឃើញសំបកកាទុស្សេមួយគ្រាប់ នៅកន្លែងកើតហេតុ ។
សម្ថកិច្ចបានសន្និដ្ឋានថា កាំភ្លើងដែលខ្មាន់កាំភ្លើងប្រើនោះគឺជាកាំភ្លើងខ្លីម៉ាកកា៥៤ ។ ទោះយ៉ាងណាក៏ដោយ ករណីនេះមិនមានមនុស្សរងរបួសទេ ហើយសមត្ថកិច្ចសន្និដ្ឋានជំហ៊ានដំបូងថា ករណីនេះអាចជារឿងគំនុំ ៕
ស៊ុន ប៊ុន្ធី