តារាសម្តែងគៀត សុវណ្ណាឡាង ដែលព្យាយាមលាក់ស្នេហ៍ប្រុសសង្ហា លឹម ជាឡាយ ជាយូរខែមកហើយនោះ ស្រាប់តែពេលថ្មីៗនេះ សុវណ្ណាឡាង បានធ្លោយមាត់និយាយប្រាប់មិត្តភក្តិថា ជាឡាយ គឺជាគូដណ្តឹងរបស់នាង ដែលធ្វើឱ្យគ្រប់គ្នាស្រឡាំងកាំងនឹងសុវណ្ណាឡាង ថាចុះម៉េចបានជាពីមុនចេះតែលាក់ តែស្រីស្អាតមិនព្រមឆ្លើយតបឡើយ ។
តាមរយៈការព្រមទទួលស្គាល់ថា លឹម ជាឡាយ ជាអនាគតស្វាមីរបស់នាង គៀត សុវណ្ណាឡាង នៅពេលនេះ បានន័យថា ស្រីស្អាតរូបនេះចង់បំពេញបំណងធំរបស់លោកថៅកែទឹកកកទ្រព្យស្តុកម្នាក់ នៅក្រុងកំពង់ចាម ដែលមានបំណងឱ្យសុវណ្ណាឡាង និង ជាឡាយ រៀបការជាមួយគ្នា ហើយលោកថៅកែនឹងចេញលុយលើការចំណាយគ្រប់យ៉ាងទាំងអស់ ចំពោះមង្គលការនោះ។
សុវណ្ណាឡាង ដែលហៅជាឡាយ ថា ជាគូដណ្តឹងរបស់នាងពេញៗមាត់នោះ ច្បាស់ណាស់ថា នាងធ្វើឱ្យប្រុសៗទាំងឡាយ ដែលធ្លាប់តាមស្នេហានាងបានខកចិត្ត ហើយអ្វីដែលគួរឱ្យកត់សម្គាល់នោះ ស្រីស្រស់កូនកាត់ចិនរូបនេះ ប្រឈមការមើលមុខគ្នាមិនត្រូវជាមួយអ្នកមេម៉ាយ កែវ និសា ទៀតផង ព្រោះតែជាឡាយ ធ្លាប់រួមស្នេហ៍ជាមួយនិសា ជាង5ឆ្នាំហើយ ទីបំផុត បានងាករេចិត្តមកភ្ជាប់ស្នេហ៍ជាមួយសុវណ្ណាឡាង អំឡុងពេលដែល និសា ត្រូវបានលោកផ្កាយ4ម្នាក់ តាមស្នេហ៍។
ថ្វីត្បិតតែគៀត សុណ្ណាឡាង ហៅលឹម ជាឡាយ ថា ជាគូណ្តឹងៗមែន តែនាងមិនទាន់កំណត់វេលាចូលរោងការជាមួយ ជាឡាយ ឱ្យបានច្បាស់លាស់ឡើយ ខណៈដែលលោកថៅកែទឹកកក ចង់ឱ្យពួកគេទៅរៀបការនៅក្រុងកំពង់ចាម ទើបមកកាត់ចំណងដៃនៅភ្នំពេញ។
ប្រភពបានឱ្យឹងថា រឿងស្នេហាគៀត សុវណ្ណាឡាង និងលឹម ជាឡាយ ត្រូវបានក្រុមគ្រួសារទាំងសងខាងដឹងឮអស់ទៅហើយ និងគ្មានអ្នកណាជំទាស់ឡើយ ព្រោះថាពេលនេះ ជាឡាយ បានបញ្ចប់ស្នេហ៍ជាមួយអ្នកមេម៉ាយកែវ និសា អស់ទៅហើយ ហេតុនេះហើយពួកគេមានសិទ្ធិរកអ្នកថ្មីបានរៀងខ្លួនដូចគ្នា៕
