ភ្នំពេញ៖ នៅព្រឹកថ្ងៃទី០៧ ខែមិថុនា ឆ្នាំ២០១៩ គូស្នេហ៍សិល្បៈ កញ្ញាសួស វីសា និងលោកថមមី បានដឹកដៃគ្នាចូលរោងភ្ជាប់ពាក្យ ដែលមានឪពុកម្តាយ បងប្អូន ញាតិមិត្ត ចួលរួមទាំងសងខាងយ៉ាងច្រើនកុះករ។
កញ្ញាសួស វីសា និងលោកថមមី បានស្លៀកសម្លៀកបំពាក់បុរាណ មើលទៅពិតជាសមសួនខ្លាំងណាស់។
កាសម្រេចចិត្តភ្ជាប់ពាក្យជាមួយគ្នានេះ បន្ទាប់ពីពួកគេទាំង២ បានស្វែងយកចិត្តគ្នាជាច្រើនឆ្នាំមកហើយ រហូតទាល់តែពួកគេបានទិញផ្ទះវីឡាទ្រនំស្នេហ៍ និងរថយន្តទំនើប មានតម្លៃរាប់មុឺនដុល្លារទៀតផង។ មុននេះបន្តិចពួកគេទើបតែមកពីដើរកម្សាន្តរឹតចំណងស្នេហ៍នៅប្រទេសថៃ។
យ៉ាងណា ការចូលរោងភ្ជាប់ពាក្យនៅថ្ងៃនេះ អ្នកទាំងពីរមិនទាន់បានកំណត់ថ្អៃចូលរោងការពិតប្រាកដឡើយ។ ខណៈដែលអ្នកទាំងពីរ ធ្លាប់បាននិយាយថា នឹងចាប់ដៃចូលរោងការជាមួយគ្នាឆាប់ៗនេះ៕
