ភ្នំពេញ៖តារាពហុជំនាញអ្នកនាងខាត់ សុឃីម នៅតែបង្ហាញទឹកមុខស្រស់ថ្លាទោះជាកន្លងមកនាងធ្លាប់បញ្ចេញសារថាជំពាក់លុយធនាគារច្រើនហើយសងមិនទាន់រួចក្ដី តែពេលនេះនាងកំពុងត្រៀមសម្ពោធហាងរក្សារសម្រស់ដ៍ធំមួយ។
សុឃីម បានតុបតែងខ្លួនប្លែកជាងមុនផងដែរពេលជិតក្លាយទៅ ជាថៅកែស្រីហាងថ្មីនោះតែនាងមិននិយាយរឿង ជំពាក់ លុយ ធនាគារទៀតទេ ព្រោះតែមុននេះនាងថាក្រោយបង្ហាញបទពិសោធន៍រឿងចាញ់ល្បិចកលគេរហូតដល់ជំពាក់ ធនាគារ ទៀតនោះស្រាប់តែមានអ្នកខ្លះបានសើចចំអកនិងពេកជ្រាយឲ្យនាងទៅវិញបើទោះជាអ្នកនាងកាត់កេរ្ដិ៍កាត់ខ្មាសដើម្បីផ្ដល់មេរៀន ទាំងនោះក្នុងចេតនាកុំឲ្យមានអ្នកចាញ់បោគេបន្ទាប់ពីនាងក្ដី។
គូរបញ្ជាក់ថាទោះជាអ្នកនាងខាត់ សុឃីម ហាក់មានយ៊ីអ៊ុនដាក់ដោយចាញ់បោកថៅកែក្រុមហ៊ុនអ៊ីណារីតា អស់លុយរាប់សែនដុល្លារ ព្រោះតែនាយកក្រុមហ៊ុននេះឈ្មោះឌីម សួនណាត ត្រូវបានសម្ថកិច្ចចម្រុះធ្វើការឃាត់ខ្លួនតាំងពីថ្ងៃទី១៦ខែកក្កដាឆ្នាំ២០១៩ តាមពាក្យបណ្ដឹងរបស់ជនរងគ្រោះពីបទឆបោកនិងចេញសែលស្អុយនោះក្ដី តែអ្នកនាងសុឃីម ហាក់នៅតែរឹងមាំដោយចំណាយលុយជាច្រើនម៉ឺនដុល្លារសម្រាប់ការចាប់ផ្ដើមអាជីវកម្មថ្មី ទោះជាមុននេះនាងបានសេងហាងសម្អាងការនិងប្រកាសលក់ផ្ទះជាបន្ទាន់យកលុយទៅសងធនាគារក៍ដោយ។
ប៉ុន្ដែតារាពហុជំនាញអ្នកនាងសុឃីម មិនប្រាប់ថានាងជំពាក់លុយធនាគារនោះចំនួនប៉ុន្មាននោះទេ បើទោះជាមានការប្រម៉ាណ ថាទឹកលុយនោះមិនក្រោមកន្លះលានដុល្លារក្ដី។សុឃីម តែងតែបញ្ចេញសារថាដ៍រាបណាសងលុយធនាគារមិនទាន់រួច ត្រូវតែ រឹងមាំ ហើយមានពេលខ្លះនាងថាចង់ប្រើជីវិតបែបសាមញ្ញនៅពេលដោះបំណុលរួច។ដោយឡែកគម្រោងយកកូន ថែម១ទៀត នោះសុឃីម ត្រូវបានលុបចោលទៅហើយបន្ទាប់ពីនាងបានដឹកដៃលោកអ៊ិន សុបញ្ញា ហៅផាណូ រៀបការកាលពី ថ្ងៃទី១២ ខែធ្នូ ឆ្នាំ២០១២ ដែលចំណងស្នេហ៍ជិត៩ឆ្នាំនេះពួកគេទទួលបានកូនប្រុសម្នាក់ឈ្មោះបញ្ញា ហ្វូតូស្អាត អាយុជាង៧ឆ្នាំ និងកូនប្រុស ឈ្មោះស្កាយ ដែលគេសង្ស័យថាជាកូនលោកចា រិទ្ធី ពេញវ័យកំលោះទៅហើយ។សុឃីម ធ្លាប់ថាការមានស្វាមីនិង កូន២ នាក់ នេះសម្រាប់ គ្រួសារនាងគ្រប់គ្រាន់ទៅហើយ៕
