ភ្នំពេញ៖តារាចម្រៀងឃីន ស្រីនាថ ហៅអ៊ីវ៉ា បានប្រារពខួបគម្រប់វ័យ២៨ឆ្នាំកាលពីថ្ងៃទី១០ខែតុលាឆ្នាំ២០២១ ដែលមានFanជាច្រើនបានផ្ញើរសារជូនពរនាងជាបន្ដបន្ទាប់ហើយសារច្រើនជាងគេគឺសូមឲ្យនាងមានសម្រស់កាន់តែស្អាត និងល្បីថែមទៀត។ប៉ុន្ដែសម្រាប់តារារួមទ្រនុំជាមួយអ៊ីវ៉ា នាងវីរៈ និច្ច ដែលត្រៀមខ្លួនចូលរោងការជាមួយលោកខៀវ ពេជ្រ ថៅកែផ្ទះសំណាក់នៅក្រុងកំពង់សោមនៅថ្ងៃទី១៦ខែតុលា នោះវិញបានជូនពរអ៊ីវ៉ា នៅថ្ងៃពិសេសរបស់នាងយ៉ាងខ្លីថា”ជូនពរចែឆាប់បានប្ដីឃីន ស្រីនាថ”។បើទោះជាអ៊ីវ៉ា មិនបានចេញសារតបទៅវីរៈ និច្ច វិញជាចំហក្ដីតែពាក្យជូនពររបស់វីរៈ និច្ច ចំពោះនាងនេះប្រាកដជាធ្វើឲ្យតារាសាច់សខ្ចីរូបនេះញញឹមបិទមាត់មិនជិតជាមិនខានព្រោះថាសារខ្លីតែខ្លឹមហើយពាក្យទាំងនោះមិនខុសពីលោកអ៊ូ វ៉ាវ ដែលជាឪពុករបស់ស្រីនាថ ជូនពរកូនក្រមុំសំណព្វចិត្តរបស់គាត់ឡើយ។
អ៊ីវ៉ា ធ្លាប់ប្រាប់ថាជាទម្លាប់នាងមិនដែលធ្វើខួបកំណើតធំហៅភ្ញៀវរាប់រយនាក់ដូចតារាផ្សេងៗទៀតនោះទេគឺមានតែFanធ្វើឲ្យនៅឆាកតន្រ្ដីនិងប៉ារបស់នាងលើកនំខេកឲ្យនៅផ្ទះហើយញាំអាហារជុំគ្នាជាមួយគ្រួសារប៉ុណ្ណោះ។តារាចម្រៀងមានស្រុកកំណើតនៅខេត្តកំពង់ស្ពឺរូបនេះក៍ធ្លាប់ប្រាប់អ្នកយកព័តមានយើងដែលពាក្យពេជន៍ទាំងនោះក៍ដូចជាចម្លើយតបទៅវីរៈ និច្ច ដែរថានាងត្រូវការរយៈពេល២ឆ្នាំទៀតពោលគឺពេលវ័យឈានចូលគម្រប់អាយុ៣០ឆ្នាំទើបគិតគូរឿងរៀបការប្ដី។នាងសារភាពថាមានគេស្រលាញ់តែដោយសាររមិនទាន់ច្បាស់លាស់ទើបនាងមិនអាចបង្ហាញមុខបុរសពិសេសបានទេ។
ចំពោះការតាំងចិត្តរបស់អ៊ីវ៉ា ថាត្រូវការពេល២ឆ្នាំទៀតពោលគឺនៅឆ្នាំ២០២៣ទើបយកប្ដី នោះប្រាកដជាធ្វើឲ្យលោកវ៉ាវ ឈឺក្បាលជាមិនខានព្រោះលោកថាចង់ឲ្យកូនស្រីយកប្ដីកាន់តែឆាប់កាន់តែល្អ ព្រោះលោកយល់ថាការទុកភាពនៅលីវយូពេកមិនល្អទេគឺមានតែខាតពេលវេលាឥតប្រយោជន៍ដោយសារតែមនុស្សស្រីប្រៀបបានដូចជាផ្ការីកកាលណាក៍រោយលំអងទៅវិញ។តែអ៊ីវ៉ា ថាវ័យនាងមិនទាន់ដល់ពេលប្រញ៉ាប់ចូលរោងការពេកទេហើយមុនផ្ទុះកូវីដមានតារាជាច្រើនសម្រុករៀបការនោះនាងយល់ថាដោយសារតែរៀមច្បងដល់ពេលវេលាត្រូវរៀបការទើបមិនអាចចាំតទៅទៀតបាន។ដោយឡែកសម្រាប់រូបនាងវិញគិតថាអាយុ៣០ឆ្នាំចាំរៀបការគឺមិនទាន់យឺតពេលឬបារម្ភរឿងត្រូវចូលសារមន្ទីព្រោះនៅលីវយូពេកឡើយ។
មហាជនរងចាំមើលថាតើបុរសម្នាក់ណាទៅនឹងត្រូវបានអ៊ីវ៉ា ជ្រើសធ្វើជាគូស្នេហ៍ក្រោយពីនាងបានបដិសេធផ្សះផ្សារស្នេហ៍ជាមួយលោក”ប”ដែលជាថៅកែក្លឹបនិងហាងបញ្ចាំនៅក្រុងសៀមរាបជាង៧ឆ្នាំមកនេះ៕
