ភ្នំពេញ៖កាលពីដើមខែកញ្ញាឆ្នាំ២០២១អ្នកនាងខាត់ សុឃីម បានទម្លាយថាដោយសេចក្ដីលោភលន់រឿងលុយ១ម៉ឺនដុល្លារស៊ីការ២ពាន់ដុល្លារនោះនាងបានចាញ់បោកឧកញ៉ាម្នាក់អស់ប្រាក់សរុបចំនួន៩០០០០០ដុល្លារ ទើបធ្វើឲ្យនាងធ្លាក់ចូលទៅក្នុងស្ថានភាពបំណុលជំពាក់ធនាគារ និងគេតាមទារលុយឡើងវិលក្បុងព្រោះតែនាងបានធានារឲ្យអ្នកផ្សេងទៀតមករកស៊ីជាមួយនាងដែរ។ប៉ុន្ដែសុឃីម ថានាងបានកាត់កេរ្ដិ៍កាត់ខ្មាសដោយទម្លាយបទពិសោធន៍ផ្ទាល់ខ្លួនប្រាប់ទៅមហាជនដើម្បីកុំឲ្យមានអ្នកផ្សេងៗទៀត ចាញ់បោកគេដូចជារូបនាងដែរ។តែអ្វីដែលនាងខកចិត្តនោះគឺត្រូវគេពេបជ្រាយនិងដៀលនាងមកវិញថាដោយសារតែអាឃីម ល្ងង់ទើបគេបោកបាន…។
សុឃីម ថាបើនៅតែមាននៈទៀតប្រយ័ត្នអ្នកសើចចំអកឲ្យនាងនៅលេខរៀងបន្ទាប់ពីនាង…។ប៉ុន្ដែខាត់ សុឃីម មិនបានស្វែងរកលោកគ្រូជោគជ័យឲ្យជួយអន្ដរាគមន៍ដោះបំណុលនាងឡើយ គឺនាងមានតែប្រកាសលក់សម្អាងការ និងផ្ទះជាបន្ទាប់ដើម្បីយកលុយទៅបង់ឲ្យធនាគារ ហើយពេលនេះនាងអាចក្រោកឈវិញបានដោយខ្លួនឯងតាមរយៈការបើកហាងCosmeticដោយសំណាយអស់ប្រាក់ជាច្រើនម៉ឺនដុល្លារ និងទិញLexus Lx570ជិះយ៉ាងកាលីពដើម្បីឆ្លើយតបទៅអ្នកដែលថានាងកំពុងធ្លាក់ខ្លួននោះ។អ្វីដែលគូរឲ្យកត់សម្គាល់សុឃីម ជាតារាដែលមហាជនគ្រប់ស្រទាប់គាំទ្រនោះនាងមិនបានហាមាត់សុំលុយពីទស្សនិកជននោះទេ អំឡុងពេលដែលធ្លាក់ខ្លួនហ៊ុំព័ទ្ធទៅដោយបំណុលជុំទិសនោះ។
ដោយឡែកបើយើងក្រឡែកមកមើលអ្នកនាងស្រេង សុកាន់ដា ហៅខ្ញុង វិញនាងបានប្រកាសកាលពីថ្ងៃទី១៧ខែតុលាឆ្នាំ២០២១ថានាងជំពាក់ម្ចាស់បំណុលជិត៣០នាក់ហើយចំនួនទឹកលុយដែលខ្ចីគេដល់ទៅ៥៧២០០០ដុល្លារ។នាងបានយំខ្សឹបខ្សួលនៅមុខតុលាការសុំសប្បុរសជនឲ្យបាញ់លុយឲ្យនាងតាមកុងAbaដើម្បីឲ្យនាងបានយកទៅសងគេជៀសវាងការចូលដេកគុគនាំឲ្យកូនៗកំព្រាម្ដាយ។ក្រោយមានការអំពាវនាវពីសំណាក់អតីតតារាកំប្លែងល្បីឈ្មោះរូបនេះមានសប្បុរសជនជាច្រើនបាញ់លុយឲ្យនាងព្រោះធ្លាប់គាំទ្រ និងសេចក្ដីអាណិតអាសូរ។ប៉ុន្ដែអំឡុងពេលទូរស័ព្ទខ្ញុង ចង់គាំងព្រោះតែគេបាញ់លុយឲ្យមិនឈប់នោះស្រាប់តែលោកគ្រូបង្រៀនជោគជ័យសៀវ សុផល បានទម្លាយអាថ័កំបាំងសម្ងាត់ថាខ្ញុង មកជួបលោករយៈពេលជាង១ម៉ោងទើបលោករៀបផែនការណ៍ឲ្យខ្ញុង អនុវត្តន៍វិធីប្ដឹងខ្លួនឯងតាមរយៈការសុំឲ្យសប្បុរសជនជួយម្នាក់១ដុល្លារដើម្បីបានលុយដោះបំណុល…។គ្រាន់តែឭបែបនេះមហាជនដែលជួយខ្ញុង នោះធ្លាក់ថ្លើមក្ដុកព្រោះមានអារម្មណ៍ថាចាញ់បោកខ្ញុង ហើយព្រោះនេះជាផែនការណ៍រៀបចំទុកមុនជាស្រេច។ខ្ញុង ទួញយំទឹកភ្នែកហូជោគថ្ពាល់ព្រោះក្ដៅចិត្តលោកគ្រូជោគជ័យទម្លាយការណ៍នោះហើយនាងបានធ្វើសន្និសីទកាសែតព្រឹកថ្ងៃទី២០ខែតុលាដោយប្រាប់អ្នកសារព័តមានថាលោកគ្រូដោះបំណុលសៀ សុផល បានទាមទារទឹកលុយចំនួន១ម៉ឺនដុល្លារពីនាងបើសិនចង់ជួបលោក។ប៉ុន្ដែរដោយសារតែនាងគ្មានលុយព្រោះកំពុងតែវ័នករឿងបំណុលនោះទើបនាងលក់ទូស័ព្ទ២គ្រឿងបានលុយ៥០០ដុល្លារទើបអាចជួបលោកសុផល បានហើយដោយសារតែចង់ឲ្យរួចបំណុលទើបនាងអនុវត្តិន៍ផែនការណ៍លោកគ្រូណែនាំ ។ប៉ុន្ដែពេលនេះនាងឈឺចាប់បំផុតដែលគេចោទថានាងត្រូវរ៉ូវគ្នាជាមួយលោកគ្រូម្នាក់នេះដើម្បីស្វែងរកលាភសក្ការៈក្លាយជាអ្នកមានដោយសារលុយសប្បុរសជន…។ខ្ញុង បានបង្ហាញកុងAbaនៅទូរស័ព្ទដៃរបស់នាងដើម្បីឲ្យអ្នកកាសែតបានឃើញនិងធ្វើជាសាក្សីថាទឹកលុយដែលនាងទទួលបានពីសប្បុរសជនសរុបទាំងអស់មានចំនួន$56,542,37 ហើយនាងសម្រេចចិត្តបរិច្ចាគទៅមន្ទីពេទ្យគន្ធបុប្ផា៥០%សល់ប៉ុន្មាននាងត្រូវរកអ្នកជំនាញប្រាប់ពីវិធីដោះស្រាយបំណុលករណីដូចរូបនាងនេះ…។
សំណួរដែលមហាជនបានលើកឡើងថាហេតុអីពេលដែលខាត់ សុឃីម ធ្លាក់ខ្លួនជំពាក់គេដល់ជិត១លានដុល្លារនោះបែជានាងមិនហាមាត់សុំលុយពីមហាជនដូចខ្ញុង?អ្នកនាងសុឃីម ធ្លាប់និយាយថានាងសំណាងហើយដែលសល់ទ្រព្យខ្លះដែលរកបានពីមុនហើយសារ៉េលក់សងគេកុំអីមិនដឹងជាធ្វើយ៉ាងណាទេ។ចំណែកខ្ញុង ថានាងគ្មានទ្រព្យអ្វីជាប់ខ្លួនទេព្រោះផ្ទះនាងទិញបង់រំលស់ ហើយមិនយូរទេម្ចាស់បុរីនឹងរឹបអូសជាមិនខានព្រោះគ្មានលុយបង់ទៀត។ចំណែកឡានប្ដីនាងកៃដកំពុងជិះម៉ាកFord នោះនាងមិនទាន់លក់ព្រោះបើនាងជាប់គុកទៅទុកឲ្យប្ដីលក់យកលុយចិញ្ចឹមកូន។សរុបសេចក្ដីមកមហាជនលើកឡើងថាអ្នកនាងសុឃីម ដែលជាមនុស្សឆ្លាតបំផុតនៅតែចាញ់បោកគេនោះនាងនៅសល់ទ្រព្យពីមុនដែលបានសន្សំអាចទប់ទល់ស្ថានការណ៍អាក្រក់នេះបាន ចំណែកខ្ញុង វិញនាងថាខ្ចីលុយគេដល់ទៅជាងកន្លះលានដុល្លារមិនឲ្យប្ដីដឹងព្រោះរកស៊ីខាតហើយឥឡូវធ្លាយរឿងលោកគ្រូដោះបំណុលរៀបផែនការណ៍ធំឲ្យធ្វើទៀតទើបធ្វើឲ្យទស្សនិកជនកាន់តែឈឺក្បាលជំនួសខ្ញុង…៕
