ភ្នំពេញ៖សឿ សុធារ៉ា នៅតែបន្ដថតភាពយន្ដឲ្យហង្សមាសដដែលបើទោះជាតារាកូន២រូបនេះត្រូវអ្នកនាងសូដា នីតា ចេញសារព្រមានធ្ងន់ៗរឿងជំពាក់លុយជិត៤ម៉ឺនដុល្លារមិនព្រមសងតេមិនខ្ចីលើកឆាតមិនឆ្លើយរហូតម្ចាស់បំណុលរូបនេះថានឹងអាចចាត់ការតាមផ្លូវច្បាប់ក្ដី ប៉ុន្ដែរហូតមកដល់ថ្ងៃទី៥ខែវិច្ឆិការនេះសុធារ៉ា មិនទាន់មានដំណោះស្រាយជាមួយសូដា នីតា ឡើយ តែនាងហាក់មិនខ្លាចការគម្រាមរបស់សូដា នីតា នោះទេ។អ្វីដែលស្ទើរតែមិនគូរឲ្យជឿរនោះសឿ សុធារ៉ា ថែមមិនក្វល់ពីសារគម្រាមធ្ងន់ៗរបស់សូដា នីតា នោះទេបើទោះជាម្ចាស់បំណុល បញ្ជាក់យ៉ាងច្បាស់ៗថានឹងមានដីការកោះហៅពីតុលាការដល់កន្លែងនាងថតរឿងថ្មីក្ដី ក៍គេនៅតែមិនទាន់ឃើញប្រតិកម្មពីសុធារ៉ា បន្ដិចឡើយ។
នៅលើហ្វេសបុករបស់អ្នកនាងសឿ សុធារ៉ា កាលពីថ្ងៃទី៤ខែវិច្ឆិការនេះគេឃើញសកម្មភាពរបស់នាងកំពុងតែថតភាពយន្ដថ្មីឲ្យហង្សមាសជារឿងបុរាណហើយនាងលេងជាតួម្ដាយ។ប៉ុន្ដែគេឃើញសុធារ៉ា ហាក់ចុះស្គមខ្លាំង ខណៈដែលមុនគេចវែសពីការសងបំណុលទៅសូដា នីតា នោះសុធារ៉ា បានប្រាប់ទៅម្ចាស់បំណុលរូបនេះថានាងគ្មានលទ្ធភាពសងលុយនោះទេព្រោះកំពុងកើតរោគចិត្តមានប័ណ្ណចេញពីពេទ្យបញ្ជាក់ទៀតផង ហេតុនេះសូមឲ្យនីតា បំភ្លេចលុយនោះទៅ ព្រោះនាងមានអារម្មណ៍ចង់សម្លាប់ខ្លួន…។នេះបើតាមការបញ្ចេញសាររបស់សូដា នីតា បកអាក្រាតរឿងសុធារ៉ា ជំពាក់លុយនាង។យ៉ាងណាសូដា នីតា បានស៊កសំដីទៅសុធារ៉ា វិញយ៉ាងចុកៗដូចជាពាក្យថាបើសុធារ៉ា ចង់សម្លាប់ខ្លួនព្រោះបំណុលមែននាងសូមចូលបុណ្យបន្ថែមចំនួន១០០០ដុល្លារ ហើយបើនាងដល់ថ្នាក់ឆ្កួតមែនដើរស្រាតតែម្ដងនាងនឹងមិនទារលុយជិត៤ម៉ឺនដុល្លារនោះវិញជាដើម។ប៉ុន្ដែសុធារ៉ា នៅតែមិនតបហើយតាមព័តមានថាពេលនេះសូដា នីតា កំពុងតែឲ្យមេធាវីរបស់នាងចាត់ការរឿងនេះតាមផ្លូវច្បាប់ហើយ។
សូមបញ្ជាក់ថាមុនសឿ សុធារ៉ា ត្រូវសូដា នីតា ទម្លាយរឿងជំពាក់លុយមិនព្រមសងនេះនាងជិះរថយន្ដទំនើបម៉ាកLexus Lx570 តម្លៃជាង២០ម៉ឺនដុល្លារយ៉ាងហ៊ឺហា តែកាលពីដើមឆ្នាំ២០២១មានព័តមានថាសុធារ៉ា និងស្វាមីសាពួន មីដាដា ចែកផ្លូវគ្នា។ប៉ុន្ដែថ្មីៗនេះលេចឭថាសុធារ៉ា-មីដាដា ត្រូវគ្នាវិញហើយសា្រប់តែផ្ទុះរឿងជំពាក់លុយសូដា នីតា មិនព្រមសងបែបនេះនាំឲ្យផ្អើលអស់មហាជននិងតារារួមអាជីពតែម្ដង៕
