ភ្នំពេញ៖មាស សុខសោភា ធ្លាប់វ៉ាដាច់អស់តារាចម្រៀងស្រីទាំងឡាយអំឡុងពេលដែលនាងច្រៀងនៅMកាលពីឆ្នាំ២០០៨ ដែលកាលនោះច្រៀងបទអីក៍ល្បីធ្វើឲ្យតារាស្រីជើងខ្លាំងៗដ៍ទៃទៀតរួមទាំងឱក សុគន្ធកញ្ញា ផងពិបាកទប់ទល់។ប៉ុន្ដែក្រោយមកនាងផ្លាស់ចូលសាន់ដេបាន១ឆ្នាំ ហើយនៅឆ្នាំ២០២១១ក៍ទៅចូលថោន ដែលពេលនោះកេរ្ដិ៍ឈ្មោះរបស់សុខសោភា នៅតែខ្លាំងដដែល ប៉ុន្ដែឱក សុគន្ធកញ្ញា មានប្រៀបជាងនាងជិត១០ឆ្នាំមកហើយពោលគឺតាំងពីឆ្នាំ២០១០ រហូតដល់ថ្ងៃនាងរៀបការពាក់កណ្ដាលឆ្នាំ២០១៩ ដែលគ្មានតារាស្រីណាយកឈ្នះសុគន្ធកញ្ញា បានឡើយ។ប៉ុន្ដែអំឡុងពេលដែលសុគន្ធកញ្ញា ចុះខ្សោយជាងមុនក្រោយពីមានប្ដីនិងកូន១នោះបែជាសុខសោភា នៅតែមិនអាចវ៉ានាងបានដដែលព្រោះតែការចាកចេញពីថោន ទៅចូលរាមនោះបទចម្រៀងរបស់នាងមិនទាន់មានផ្ទុះដូចមុនទេ។
អ្នកជំនាញធ្វើភ្លេង(Composer) ម្នាក់នៅហង្សមាសបានប្រាប់ថាបើនិយាយពីការច្រៀងបទស្លូវនៅរយៈពេល១០ឆ្នាំចុងក្រោយនេះលោកស្ទើតែអាចនិយាយបានថាគ្មានតារាណាច្រៀងល្អជាងមាស សុខសោភា នោះទេ។ប៉ុន្ដែលោកថាបើមាស សុខសោភា ចង់បានលេ១គូតែមកហង្សមាស ទើបអាចក្ដាប់តំណែងនេះបាន។យ៉ាងណាComposerនោះថាសុខសោភា ពេលចេញពីថោន នោះប្រសិនបើនាងទៅចូលGalaxyនោះក៍គ្មានតារាស្រីណាអាចទប់ទល់ជាមួយនាងបានដែរ ប្រសិនបើសោភា ចាប់ដៃជាមួយលោកព្រាប សុវត្ថិ នោះគឺតារាស្រីទាំងអស់និងរង្គោះរង្គើរអស់ទៅហើយ។ដោយឡែកលោកមិញ សុធីវណ្ណ ធ្លាប់ប្រាប់ថាសម្ថភាពរបស់មាស សុខសោភា នៅលើឱក សុគន្ធកញ្ញា បន្ដិច ខណៈដែលលោកនូ ស៊ឹប ធ្លាប់និយាយថាតារាដូចសុខសោភា ទោះជានាងទៅដល់ផលិតកម្មណាក៍នៅតែល្បី ដែរ។
មាស សុខសោភា បានខកខានការចាប់ដៃគូជាមួយលោកខេមរៈ សិរីមន្ដ ក្រោយពីនាងចរចារមិនត្រូវគ្នាជាមួយហង្សមាស ខណៈដែលការប្រកែកចូលGalaxy ធ្វើឲ្យនាងបាត់ឱកាសច្រៀងឆ្លងឆ្លើយជាមួយលោកព្រាប សុវត្ថិ ក៍ដូចជាខកខនក្នុងការក្ដាប់តំណែងជាតារាចម្រៀងស្រីលេខ១វ៉ាដាចគេអស់នោះផងដែរព្រោះពេលនេះស្រីស្រស់តន់ ច័ន្ទសីម៉ា កំពុងតែបោះពួយទៅមុខ។ទោះជាយ៉ាណាការមកដល់រាម ជាង៨ខែរបស់សុខសោភា ធ្វើឲ្យនាងក្លាយទៅជាដៃគូប្រុសក្មេងដួង វីរៈសិទ្ធ ដែលជាតារាចម្រៀងម្នាក់មានសម្ថភាពហើយថែមទាំងនិពន្ធចម្រៀងឲ្យសោភា ច្រៀងទៀតផង។តែអ្នកជំនាញសិល្បៈបានលើកឡើងថាការផលិតបទចម្រៀងរបស់រាម មិនមែនដើម្បីប្រជែងាមួយហង្សមាស ឬGalaxy នោះទេគឺគេធ្វើជាលក្ខណៈព័ណសំបុររបស់ផលិតកម្មគេ ទើបនាំឲ្យតារាចម្រៀងសំនៀងផ្អែមរូបនេះពិបាកទប់ទប់ជាមួយតារាចម្រៀងផលិតកម្មទាំងនោះទាំងនៅពេលបច្ចុប្បន្ន និងពេលដែលស្ងាត់កូវីដទាំងស្រុងដែលផលិតកម្មទាំងឡាយនឹងផលិតបទចម្រៀងប្រជែងគ្នាកាន់តែស្វិតស្វាញបំផុតនោះ។
បើទោះជាមាស សុខសោភា នៅតែមិនទាន់មានបទផ្ទុះមែន តែអតីតតារាចម្រៀងរស្មីស្ទឹងសង្កែរ,U2 ,M ,សាន់ដេ និងថោន រូបនេះ ហាក់មានក្ដីសុខខ្លាំងណាស់ព្រោះនាងក្លាយទៅជាដៃគូរកស៊ីជាមួយថៅកែស្រីរបស់ខ្លួន។កាលពីពេលថ្មីៗនេះគេឃើញសុខសោភា ដែលមានវ័យជាង៤០ឆ្នាំទៅហើយនោះបានតុបតែងខ្លួនបែបយុវ័យនិងថតរូបCute មិនចាញ់តារាក្មេងៗទៀតផង ដើម្បីឲ្យFanចាប់អារម្មណ៍មកលើរូបនាងនិងចង់បញ្ជាក់ថាអាយុគ្រាន់តែជាតួលេខប៉ុណ្ណោះ។ដោយឡែកស្វាមីសោភា គឺលោកអ៊ឹត រ៉ាដា វិញសម្របខ្លួនតាមនាងគ្រប់ពេលវេលាទាំងអស់ដូចជាថ្មីៗនេះលោកបានគូមុខមាត់តុបតែងខ្លួនជាខ្មោចឆៅនៅថ្ងៃបុណ្យHalloween នាំឲ្យFanរបស់សោភា ព្រឺក្បាលគ្រប់គ្នាទៀតផង។ប៉ុន្ដែប្ដីសុខសោភា ហាក់មិនធ្វើសកម្មណាមួយលេចធ្លោនៅផលិតកម្មCamtrax ដូចអំឡុងពេលដែលសោភា ច្រៀងនៅថោន នោះទេតាំងពីសោភា ចូលរាម មកទើបធ្វើឲ្យអ្នកចម្រៀងស៊ីបទមនោសញ្ចេតនារូបនេះលែងសូវល្បីដូចមុន តែបែជាមកលេចធ្លោខាងលក់ផលិតផលទៅវិញ៕
