ភ្នំពេញ៖អ្នកជំនាញរកស៊ីតាមOnline បានខ្សឹបខ្សៀវគ្នាថាការទៅដល់រាម របស់មាស សុខសោភា ទោះជាពេលនេះនាងមិនទាន់មានបទចម្រៀងផ្ទុះមែនតែអតីតតារាថោន រូបនេះបានធ្វើឲ្យថៅកែស្រីរបស់ខ្លួនកាន់តែល្បីឈ្មោះនឹងរកសីកាក់កបខ្លាំងរហូតធ្វើឲ្យម្ចាស់ប្រេនធំៗជាច្រើនទៀតពិបាកទប់ទល់ជាមួយអ្នកស្រីអូន ទៀតផង។ព័មមានបានឲ្យដឹងថាជាក់ស្ដែងថៅកែពេជ្រ ម្នាក់បានចាប់ដៃជាមួយតារាចម្រៀងជាបន្ដបន្ទាប់ព្រោះបារម្ភខ្លាចថៅកែរបស់សុខសោភា វ៉ាខ្លួន ហេតុនេះហើយគេអាចនិយាយបានថាសុខសោភា ដែលនឹងផុតកំណត់កុងត្រាជាមួយរាមនៅខែកុម្ភៈឆ្នាំ២០២២ ខាងមុខនេះនឹងទទួលបានកុងត្រាថ្មីបន្ថែមទៀតជាមិនខាន។អ្វីដែលគូរឲ្យកត់សម្គាល់មិនត្រឹមតែថៅកែពេជ្រម្នាក់នោះទេ ប៉ុន្ដែបណ្ដារអ្នករកស៊ីOnline ធំៗជាច្រើនទៀតក៍ចាប់ផ្ដើមងាកមកទាញតារាល្បីៗទាំងចម្រៀងនិងសម្ដែងមកធ្វើជាBA របស់ខ្លួនកាន់តែច្រើនជាងមុនផងដែរ ក្រោយសុខសោភា ទៅជួយថៅកែស្រីរបស់ខ្លួនឲ្យកាន់តែល្បីឈ្មោះថែមទៀតរយៈពេលជាង៨ខែមកនេះ។
មាស សុខសោភា មិនសូវមានសន្ទុះខ្លាំងនោះទេក្រោយពីនាងដើរចេញពីថោន ជាង១ឆ្នាំមកនេះព្រោះនៅមិនទាន់មានបទចម្រៀងល្បីៗដូចមុន។ប៉ុន្ដែតារាចូលចិត្តផ្លាស់ប្ដូរផលិតកម្មច្រៀងជាបន្ដបន្ទាប់រូបនេះបានក្លាយទៅជាថៅកែស្រីដូចក្ដីស្រម៉ៃនៅរដូវកូវីដនេះតាមរយៈការបើកហាងដល់ទៅ២ព្រមគ្នាចំណាយទុនអស់ជាច្រើនម៉ឺនដុល្លារនោះគឺហាងលក់ផលិតផលនៅក្រុងតាខ្មៅ និងហាងកាហ្វេនៅក្រុងព្រះសីហនុ។តារាវ័យជាង៤០ឆ្នាំតែចូលចិត្តលេងស្ទីលយុវវ័យបែបCute រូបនេះត្រូវបានគេចាត់ទុកថានាងជាតារាដែលពូកែរក្សារចំណងស្នេហាបំផុតព្រោះទោះជាមិនទាន់បានរៀបការមែន ប៉ុន្ដែស្នេហានាងជាមួយលោកគ្រូពេទ្យអ៊ឹត រ៉ាដា ដែលជាអាណិកជនខ្មែរមកពីកាណាដានោះរក្សារបានរយៈពេល១៤ឆ្នាំ(២០០៧-២០២១)មកហើយ។សុខសោភា ធ្លាប់ផ្ដល់ចម្លើយប្រែប្រួលទាក់ទងរឿងសំណួររបស់អ្នកកាសែតថាតើពេលណាទើបនាងព្រមរៀបការតាមប្រពៃណីខ្មែរដូចសុគន្ធ និសា និងឱក សុគន្ធកញ្ញា នោះដោយជូនកាលនាងថាចង់ការនៅ២ទៅ៣ឆ្នាំទៀត និងពេលខ្លះថាចង់ធ្វើឲ្យគេភ្ញាក់ផ្អើលនៅឆ្នាំ២០២១ ហើយថ្ងៃខ្លះនាងថាមិនដែលចង់រៀបការជាចំហម្ដងណាឡើយ…។ការវាចាមិនទៀងទាត់បែបនេះត្រូវបានគេសង្ស័យថាសោភា ខ្លាចធ្លាក់ហៅលែងឭក្រោយពេលរៀបការរួច តែនាងធ្លាប់ប្រាប់អ្នកយកព័តមានយើងថាមិនមែនជារឿងមួយនេះទេ ព្រោះរាល់ថ្ងៃទស្សនិកជនដឹងគ្រប់គ្នាទៅហើយថានាងកំពុងតែរស់នៅជាមួយអ្នកណានោះ។នាងធ្លាប់សារភាពថាបានរៀបការម្ដងរួចទៅហើយកាលពីឆ្នាំ២០០៨ តែធ្វើតាមសាសនាគ្រឹះដោយគ្រាន់តែចូលព្រះវិហារមួយនៅកាណានិងបំពាក់ជញ្ជៀនឲ្យគ្នារួចរាល់។ក្រោយការពារស្នេហាបានគង់វង្សជិត១ទសវត្សន៍កន្លះមកនេះសុខសោភា ក៍តែងតែចេញសារសរសើរប្ដីពេញៗមាត់ផងដែររៀងរាល់ថ្ងៃខួបកំណើតស្នេហារបស់នាងដោយអះអាងថាលោករ៉ាដា ជាបុរសល្អហើយហ៊ានលះបង់គ្រប់បែបយ៉ាងទាំងអស់ដើម្បីនាង។
ថ្វីត្បិតមាស សុខសោភា ពេលនេះក្លាយទៅជាថៅកែស្រីដែលមានហាងដល់ទៅ២ក្នុងកណ្ដាប់ដៃក្ដី ប៉ុន្ដែក្នុងបទសម្ភាសន៍កន្លងមកសោភា ធ្លាប់បង្ហើបថានាងស្រលាញ់និងមានក្ដីស្រម៉ៃចង់បើកយានដ្ឋានផ្ទាល់ខ្លួន១ផងដែរ។គេជឿរថាមិនយូទសុខសោភា នឹងសម្រេចក្ដីប្រាថ្នានេះមួយទៀតដោយស្វាមីនាងជាអ្នកបំពេញហើយពេលនោះនាងនឹងក្លាយទៅជាថៅកែស្រីដែលមានអាជីវកម្មដល់ទៅ៣ព្រមគ្នាជាមិនខាន។
មជ្ឈដ្ឋានមហាជនរងចាំមើលថាការដែលមាស សុខសោភា ផ្ដោតលើការរកស៊ីជាមួយថៅកែស្រីជាងបុកបទចម្រៀងនេះតើនាងនៅតែអាចរក្សារតំណែងជាតារាជូរមុខទៀតឬយ៉ាងណា ?ឬមួយសុខសោភា ចង់បន្ធូដៃឲ្យគូប្រជែងវ៉ានាងតទៅទៀត?យ៉ាងណាអ្នកជំនាញសិល្បៈបានលើកឡើងថាប្រសិនបើសុខសោភា ចង់នាំមុខតារាស្រីទាំងឡាយមែនម្លេះនាងទៅGalaxy ចាប់ដៃជាមួយលោកព្រាប សុវត្ថិ តាំងពីចេញពីថោន ភ្លាមៗម្លេះតែពេលនេះនាងបែជាទៅរាម វិញគឺដោយសារតែសោភា ចង់ចាប់ដៃថៅកែស្រីធ្វើជំនួញធំនោះឯង៕
