អាជ្ញាធរវៀតណាមបាននិយាយកាលពីថ្ងៃព្រហស្បតិ៍ទី 2 ខែធ្នូថា ភ្លៀងធ្លាក់ខ្លាំងបានបង្កជាទឹកជំនន់ និងការរអិលបាក់ដីនៅភាគកណ្តាលប្រទេសវៀតណាមបានធ្វើឱ្យមនុស្សយ៉ាងហោចណាស់ 18 នាក់បាត់ខ្លួន ដែលធ្វើអោយមានការព្រួយបារម្ភ ខ្លាចថាបានបាត់បង់ជីវិត ខណៈផ្ទះសម្បែងជាច្រើនត្រូវបានបំផ្លាញ និងផ្លូវថ្នល់រងការខូចខាត។
នៅក្នុងសេចក្តីថ្លែងការរបស់រដ្ឋាភិបាលបានអោយដឹងថា ទោះជាយ៉ាងណាក៏ដោយ ភ្លៀងបានស្រកចុះ ហើយកិច្ចខិតខំប្រឹង ប្រែងសង្គ្រោះកំពុងដំណើរការដើម្បីស្វែងរកអ្នក បាត់ខ្លួន។ ផ្លូវជាតិមួយចំនួន ផ្លូវឆ្លងកាត់ខេត្ត និងផ្លូវក្នុងស្រុកត្រូវបានបិទ ដោយផ្នែក។ទឹកជំនន់បានជន់លិចវាលស្រែចំនួន780ហិកតាបើទោះបីជាមិនទាន់មានរបាយការណ៍អំពីការខូចខាតដល់ កសិដ្ឋានកាហ្វេក៏ដោយ។វៀតណាមងាយនឹងមានព្យុះនិងទឹកជំនន់ដោយសារឆ្នេរសមុទ្រវែង។ គ្រោះធម្មជាតិ ដែលភាគច្រើន ជាទឹកជំនន់ និងការរអិលបាក់ដីពីព្យុះ បានសម្លាប់មនុស្ស 378 នាក់កាលពីឆ្នាំមុន៕
