ភ្នំពេញ៖ឆន សុវណ្ណារាជ ឆ្នាំនេះមានអាយុ៣៧ឆ្នាំទៅហើយតែជីវិតស្នេហារបស់អតីតតារាU2 រូបនេះនៅតែបន្ដអាថ័កំបាំងព្រោះលោកមិនដែលបណ្ដើរស្រីស្នេហ៍ជាចំហដូចមិត្តរួមក្រុមនោះឡើយ ខណៈដែលកាលពីឆ្នាំ២០០៩ អំឡុងពេលដែលលោករាជ កំពុងតែល្បីល្បាញខ្លាំងនៅហង្សមាសនោះធ្លាប់បែកធ្លាយរូបលោកកៀកកើយគ្នាជាមួយនិស្សិតស្រីនៅអាមេរិកឈ្មោះ”អរិយ៉ា”ដែលពេលនោះតារាចម្រៀងរោមទ្រួងច្រើនរូបនេះធ្លាប់សារភាពថាលោកនិងនារីម្នាក់នោះគឺពិតជាគូសង្សារនិងគ្នាមែន។ប៉ុន្ដែរយៈពេលជាង១២ឆ្នាំនេះដំណឹងស្នេហ៍របស់លោកសុវណ្ណារាជ និងនិស្សិតស្រីបរទេសនោះស្ងាត់សូន្យឈឹង ខណៈដែលលោកសុវណ្ណារាជ ក៍មិនព្រមយកប្រពន្ធដូចមិត្តរួមក្រុមដែរបើទោះជាពេលនេះលោកខេម ប៊ុនថៃ ,នីរតនា ,ថែល ថៃ ,ហ្សូណូ ,វង្ស តារារតនា ជាដើមនោះពួកគេសុទ្ធតែមានប្រពន្ធរៀងៗខ្លួនអស់ទៅហើយក្ដី ។ការពន្យាពេលយកប្រពន្ធរបស់លោកសុវណ្ណារាជ នេះដែរធ្វើឲ្យរឿងដែលគេធ្លាប់តែសង្ស័យថាលោកជាបុរសស្រលាញ់ភេទដូចគ្នានោះនៅតែស្ថិតក្នុងរឿងរ៉ាវដ៍អាថ័កំបាំងតទៅទៀត បើទោះជាកន្លងមកលោកធ្លាប់ច្រានចោល និងអះអាងថាជាបុរសពេញលក្ខណៈក្ដី។
គូរបញ្ជាក់ថាថាឆន សុវណ្ណារាជ ធ្លាប់ប្រកាសសារភាពស្នេហ៍ឱក សុគន្ធកញ្ញា នៅលើឆាកតន្រ្ដីមួយបន្ទាប់ពីពួកគេបានច្រៀងបទឆ្លងឆ្លើយហើយដាក់អារម្មណ៍ដល់ក៍អោបគ្នាតែម្ដង។ប៉ុន្ដែក្រោយឱក សុគន្ធកញ្ញា រៀបការជាមួយលោកអ៊ឹង សុខលី កាលពីថ្ងៃទី១៦ខែឧសភាឆ្នាំ២០១៩ នោះសុវណ្ណារាជ មិនត្រឹមតែគ្មានការខូចចិត្តនោះទេ តែថែមទាំងឡើងច្រៀងអបអរទៀតផងព្រោះស្វាមីសុគន្ធកញ្ញា ជាមេរបស់លោក។តែក្រោយសុគន្ធកញ្ញា មានកូន១នេះសុវណ្ណារាជ នៅតែស្និតស្នាលជាមួយដៃគូចាស់នេះ ស្របពេលស្វាមីរបស់កញ្ញា មិនប្រចណ្ឌលោកឡើយ ។
ឆន សុវណ្ណារាជ បានឡើងកូដមួយក្រឺតតាមរយៈការឆក់បានតំណែងជាគណៈកម្មាការBeat Best ខណៈដែលលោកត្រៀមចេញមុខតាមកម្មវិធីចាស់ៗ ក្នុងតួនាទី១នេះតាមកម្មវិធី Cambodian Idol និងThe Voice Cambodia នៅរដូវកាលថ្មីនាពេលខាងមុខនេះផងដែរ។ដោយឡែកសម្រាប់ទីផ្សារចម្រៀងវិញលោកសុវណ្ណារាជ មិនសូវមានសន្ទុះល្អនោះទេនៅរយៈពេលចុងក្រោយនេះព្រោះតែតារាកូន៣លោកខេម ប៊ុនថៃ មានប្រៀបជាង។
ទស្សនិកជនរងចាំមើលថាតើលោកឆន សុវណ្ណារាជ នឹងព្រមបង្ហាញមុខអនាគតប្រពន្ធនៅពេលណាទៅព្រោះពេលនេះតារានៅក្បែរខ្លួនលោកពួកគេសុទ្ធតែមានភរិយានិងខ្លះមានកូនបីប្រលែងលេងអស់ទៅហើយ៕
