ភ្នំពេញ៖យូរី តែងតែបង្ហាញអារម្មណ៍ឯកោខ្លាំងក្រោយចែកផ្លូវគ្នាជាមួយលោកថៅកែជា នី ជាច្រើនខែមកនេះស្រីស្រស់ត្រូវនឿយហត់តែម្នាក់ឯងដូចជាត្រូវកាន់ចង្កូតឡានដោយខ្លួនឯងទៅច្រៀងសម្ដែងនិងថតMV ដែលខុសពីមុនកិច្ចការបើកឡានជូននាងទៅមកនោះលោកនី ជាអ្នករ៉ាប់រងទាំងអស់។ប៉ុន្ដែពេលនេះអ្វីៗក្រឡាប់ចាក់អស់ទៅហើយព្រោះយូរី នៅតែមិនទាន់រកបានសង្សារថ្មីដដែលហើយនៅថ្ងៃបុណ្យទិវានៃក្ដីស្រលាញ់(Valentine’s Day )១៤កុម្ភៈ ខាងមុខនេះយូរី ក៍គ្មានសង្សារបណ្ដើរឬកៀកកើយដូចគេដែរ។អារម្មណ៍បែបនេះពិតជាធ្វើឲ្យស្រីស្អាតយូរី ប្រឈមតុកស៊ិចខ្លាំង ខណៈដែលការផ្សះផ្សារស្នេហារវាងយូរី និងលោកថៅកែជា នី គ្មានសញ្ញាណាមួយថាអាចទៅរួចឡើយ។
គូរបញ្ជាក់ថាយូរី ធ្លាប់ឈឺផ្សារបេះដូងម្ដងរួចទៅហើយព្រោះកាលពី១១ខែវិច្ឆិការឆ្នាំ២០១៨ នាងត្រូវបុរសម្នាក់ឈ្មោះរ៉េត ដែលជាអតីតអ្នកដឹកនាំសម្ដែងខារ៉ាអូខេនៅសាន់ដេ រៀបការចោលនាង ព្រោះតែលោកក្ដៅចិត្តយូរី ងាកទៅស្និតស្នេហ៍ជាមួយប្រុសរូបសង្ហារលោកប៊ីម៉ូ។ប៉ុន្ដែក្រោយមកក៍ផ្អើលថាយូរី ត្រូវលោកថៅកែជា នី ធ្វើខួបកំណើតឲ្យនៅហាងរបស់លោកហើយស្រាប់តែកាលពីថ្ងៃទី៩ខែមករា ឆ្នាំ២០២០ យូរី និងថៅកែជា នី បណ្ដើរគ្នាជាចំហទៅឡើងផ្ទះនាយចឺម នៅខេត្តកំពង់ស្ពឺ។ចាប់តាំងពីពេលនោះមកយូរី និងថៅកែ តែងតែទៅណាជិះរថយន្ដតែ២នាក់ហើយលោកនី ថាចិត្តគំនិតលោកនិងយូរី ត្រូវគ្នាច្រើនទើបដើរចូលគ្នាបាន ប៉ុន្ដែយូរី ថាចាត់ទុកថៅកែជាបងប្រុស ហើយស្រាប់តែនៅចុងខែវិច្ឆិការឆ្នាំ២០២១ មានសារព័តមានជាច្រើនបានផ្សព្វផ្សាយពីភាពប្រេះឆាស្នេហ៍របស់យូរី និងលោកថៅកែ តែសាមីខ្លួនទាំង២មិនព្រមចេញមកបញ្ជាក់ពីមូលហេតុនៃការចែកផ្លូវនោះឡើយ។
ប្រភពបានមឲ្យដឹងថាលោកថៅកែមានស្រីស្អាតសាច់សខ្ចីជាច្រើនចោមស្នេហ៍ ខណៈដែលយូរី វិញអ្នកណាៗក៍ដឹងថានាងជាតារាម្នាក់ដែលមានមន្ដស្នេហ៍ខ្លាំងណាស់ហេតុនេះហើយបើយូរី ព្រមបើកបេះដូងទទួលយកស្នេហ៍ថ្មីនោះមិនយូទេនាងនឹងរកបានសង្សារក្មេងសង្ហារភ្លែតជាមិនខាន។ដោយឡែកតាមព័តមានពីអ្នកស្និតយូរី បានបង្ហើបឲ្យដឹងថាបុរសដែលរងចាំស្អំរបួសបេះដូងយូរី នៅពេលនេះភាគច្រើនជាមន្រ្ដីធំៗដែលមានទ្រព្យស្ដុក ហេតុនេះហើយនៅពេលយូរី បញ្ចេញស្នេហ៍ថ្មីថៅកែអាចនឹងប្រឈមស្ដាយក្រោយ៕
