ភ្នំពេញ៖ស្រីស្អាតសុខ ពិសី ត្រូវបានគេព្យាករណ៍ថានឹងដើរលើផ្លូវតែមួយដូចឱក សុគន្ធកញ្ញា ដែរជាមិនខានតាមរយៈការបញ្ចប់អាជីពនៅផលិតកម្មឪក្មេក និងបងថ្លៃរបស់ពួកគេរៀងៗខ្លួននាពេលខាងមុខនេះ។សុខ ពិសី ចាប់ពីពេលនេះតទៅអាជីពចម្រៀងរបស់នាងគឺគ្មានការផ្លាស់ប្ដូរផលិតកម្មឡើយព្រោះទ្រនុំនេះដូចជាកម្មសិទ្ធិផ្ទាល់ខ្លួនរបស់នាងដែរព្រោះគេជឿរថាលោកឡាយ សុខចំរើន ដែលជាអ្នកគ្រប់គ្រងសាន់ដេនឹងរៀបការជាមួយនាងនាពេលខាងមុខដែលពេលនោះលោកឡាយ សុខហុក ជាថៅកែនឹងក្លាយទៅជាឪក្មេករបស់នាង ខណៈដែលឱក សុគន្ធកញ្ញា ក៍ត្រូវបានគេព្យាករណ៍ថានាងនឹងចូលនិវត្តន៍ពីអាជីពចម្រៀងនៅផលិតកម្មហង្សមាសដែលមានលោកឧកញ៉ាអ៊ឹង ឆៃងួន ជាម្ចាស់និងជាបងថ្លៃរបស់នាង។
សុខ ពិសី ធ្លាប់ប្រាប់អ្នកយកព័តមានយើងថាមានផលិតកម្មជាច្រើនធ្លាប់ទាក់ទងនាងចង់ឲ្យទៅធ្វើជាសមាជិករបស់គេតែនាងសុំមិននិយាយថាជាផលិតកម្មណាទេ ដើម្បីកុំឲ្យប៉ៈពាល់គេ។យ៉ាងណាតារាសាច់សខ្ចីដូចបណ្ដូលចេករូបនេះថានាងគ្មានបំណងប្ដូរផលិតកម្មនោះទេព្រោះនៅសាន់ដេមានសេចក្ដីសុខគ្រប់គ្រាន់ទៅហើយ។
ថ្វីត្បិតតែមានការព្យាករណ៍ស្ទើតែ១០០%ថាសុខ ពិសី នឹងក្លាយទៅជាភរិយារបស់លោកឡាយ សុខចំរើន នាពេលអនាគតក្ដី ប៉ុន្ដែតាំងពីផ្ទុះរឿងស្នេហា១នេះជិត១០ឆ្នាំមកអ្នកទាំង២មិនដែលសារភាពស្នេហ៍ម្ដងណាឡើយ។តែជាញឹកញាប់គេឃើញពិសី និងលោកចំរើន តែងតែជិះរថយន្ដតែ២នាក់ជាមួយគ្នា ខណៈដែលពិសី ក៍ធ្លាប់ទទួលស្គាល់រឿងមួយនេះដែរដោយនាងអះអាងថានោះដោយសារតែការជៀសមិនរួចនៅពេលធ្វើការងារសិល្បៈជាមួយគ្នាគឺថៅកែនិងតារាចម្រៀងប្រាកដជាមានភាពស្និតស្នាលគ្នាហើយ។យ៉ាងណាគេជឿរថាមិនយូនោះទេ ប្រាកដជាពិសី និងលោកចំរើន នឹងព្រមលាតត្រដាងរឿងស្នេហា១នេះជាសាធារណៈជាមិនខាន ព្រោះបើទុកយូតទៅទៀតច្បាស់ជាលោកចំរើន ប្រឈមមានគូប្រជែងស្នេហ៍កាន់តែច្រើនដោយសារតែមានបុរសទ្រព្យស្ដុកជាច្រើនចាំត្រងស្នេហាពិសី។
គូរបញ្ជាក់ថាសុខ ពិសី ត្រូវបានគេចាត់ទុកជារាជនីយសម្រស់នៅក្នុងសិល្បៈព្រោះគិតត្រឹមឆ្នាំ២០២២ នេះមិនទាន់មានតារាចម្រៀងស្រីណាស្អាតស៊ីដាច់នាងឡើយ។តែភាពស្រស់ស្អាតរបស់ពិសី ដូចពេលនេះគឺធ្លាប់មានព័តមានថានាងបានកែកុនសម្រស់ជាច្រើនកន្លែង ប៉ុន្ដែស្រីស្រស់មិនដែលទទួលស្គាល់ទេ៕
