ភ្នំពេញ៖អតីតបេក្ខភាពCambodian Idol រដូវកាលទី១លោកសៅ ឧត្តម បានលេចមុខនៅផលិតកម្មថ្មីB&P Entertainment Production ដែលបទបើកឆាកលើកដំបូងរបស់លោកកំពុងត្រូវបានត្រូវចិត្តអ្នកគាំទ្រតារារូបនេះមានចំណងជើងថា”កំពង់ចាមអើយគេទៅចោល ខ្ញុំហើយ”។តាមរយៈការបង្ហាញខ្លួននៅទ្រនុំថ្មីនេះធ្វើឲ្យទស្សនិកចាប់អារម្មណ៍លោកឧត្តម ព្រោះមុននេះគ្រប់គ្នាបានដឹងថាលោកជាតារាដែលមានកុងត្រានៅថោន ប៉ុន្ដែពេលនេះបុរសរូបសង្ហារបែជាលេចមុខនៅផលិតកម្មថ្មីផ្សេងទៅវិញ។
ក្នុងជំនួបតាមទូរស័ព្ទកាលពីថ្ងៃទី១៤ខែកុម្ភៈ លោកសៅ ឧត្តម បានឲ្យដឹងថាតាមពិតកុងត្រារបស់លោកនៅថោន គឺបានផុតជាយូមកហើយ ក្រោយធ្វើការនៅទីនោះបានរយៈពេលជាង២ឆ្នាំ។លោកឧត្តម បន្ថែមថាការចេញពីថោន របស់លោកគ្មានបញ្ហានោះទេគឺជាការចប់កុងត្រាហើយលោកនិងថ្នាក់ដឹកនាំថោន រួមទាំងតារានៅទីនោះនៅបន្ដរាប់អានគ្នាដូចធម្មតា។តារាមកពីខេត្តស្វាយរៀង ដែលបានឈានទវគ្គផ្ដាច់ព្រ័ត្រកម្មវិធីCambodian Idol រដូវកាលទី១តែមិនបានលើកពានដូចម៉ៅ ហាជី ព្រោះនី រតនា មានរាសីល្អជាងរូបនេះថាការចូលផលិតកម្មB&P លោកបានចុះកុងត្រារយៈពេល៣ឆ្នាំហើយមូលហេតុដែលលោកទៅផលិតកម្មថ្មីនេះគឺដោយសារតែលោកនិងម្ចាស់ផលិតកម្មស្គាល់គ្នា ,មានការរាប់អានគ្នាហើយ ម្យាង នៅទីនោះក៍មានការចូលរួមរបស់លោកងួន សុបិន និងDj កាកា ផងដែរ។លោកថានៅក្នុងកុងត្រានោះមានល័ក្ខខណ្ឌផ្សេងៗដែលភ្ជាប់ទៅជាមួយផងដែរដូចជាក្នុង១ខែបទចម្រៀងរបស់លោកមានចេញពី២ទៅ៣បទ ប៉ុន្ដែពេលនេះលោកទើបចេញបានបទថ្មីតែ១បទប៉ុណ្ណោះគឺបទ”កំពង់ចាមអើយគេទៅចោលខ្ញុំហើយ”។តែនៅមុនចូលឆ្នាំខ្មែរនេះលោកក៍បានត្រៀមចេញបទថ្មីៗជាប្រពៃណីរជាតិផងដែរ ខណៈដែលជាធម្មតាបទចម្រៀងរបស់លោកផលិតឡើងគឺតម្រូវតាមទស្សនិកជនគ្រប់វ័យទាំងអស់មិនដែលរើសវ័យនោះទេ។
ទោះជាសៅ ឧត្តម ថាទំនាក់ទំនងលោកនិងថៅកែផលិតកម្មល្អ និងយល់ចិត្តគ្នាមែន ប៉ុន្ដែលោកថាមិនហ៊ាននិយាយទុកជាមុនថាបទចម្រៀងរបស់លោកមានការគាំទ្រកម្រិតណាឡើយ គឺសូមទុកឲ្យទស្សនិកជនជាអ្នកវាយតម្លៃទៅចុះ ហើយថ្មីៗនេះលោកក៍លើកយកបទថ្មីរបស់ខ្លួនទៅច្រៀងនៅឆាកតន្រ្ដីតាមប៉ុស្ដិ៍ទូរទស្សន៍ផងដែរ។
គូរបញ្ជាក់ថាសៅ ឧត្តម បានរៀបការជាមួយតារាម៉ូដែលអ្នកនាងចាន់ កែវវង កាលពីថ្ងៃទី២៤ខែកុម្ភៈឆ្នាំ២០១៩ ដែលចំណងស្នេហាជិត៣ឆ្នាំនេះអ្នកទាំងពីរតែងតែបង្ហាញភាពផ្អែមល្ហែមស្នេហ៍ធ្វើឲ្យមនុស្សមិនតិចទេច្រណែនតារាគូស្នេហ៍១គូនេះ។
ឆ្លើយតបសំណួរថាសៅ ឧត្តម ជាតារាមានសម្ថភាពទាំងសម្លេង និងរូបសម្រស់ហេតុអ្វីលោកនិងទៅឈនៅផលិតកម្មធំៗនោះម្ចាស់បទ”សុំទោស”រូបនេះថាអាជីពចម្រៀងពេលខ្លះក៍មិនស្រួលដែរព្រោះជូនកាលត្រូវបានគេមើលរំលងសម្ថភាព។លោកថាបច្ចុប្បន្នលោកពេញចិត្តធ្វើការជាមួយB&P ហើយក្រៅពីច្រៀងលោកក៍បានចូលរួមធ្វើការរកស៊ីនិងធ្វើការជាមួយថៅកែដែរផ្នែកផ្សេងៗទៀតដែរ តែលោកគ្មានភាគហ៊ុនជាមួយមេឡើយ៕
