ភ្នំពេញ៖ស្រីស្រស់ផាន វីរ៉ាទី ហៅរ៉ាប៊ី បានចាប់អាជីពចម្រៀងទៅតាមការស្រលាញ់និងក្ដីស្រម៉ៃរបស់ខ្លួន ខណៈដែលក្រុមគ្រួសារឪពុកម្ដាយនាងមិនចង់ឲ្យរ៉ាទី ធ្វើជាតារាចម្រៀងឡើយ។តារាវ័យ២៩ឆ្នាំរូបនេះធ្លាប់ប្រាប់អ្នកយកព័តមានយើងថាមុនចូលចូលសិល្បៈនាងបានរៀនចប់មហាវិទ្យាល័យមួយ ហើយឪពុកម្ដាយចង់ឲ្យនាងចូលធ្វើការខាងផ្នែកធនាគារណាមួយទោះជាបានប្រាក់ខែប៉ុន្មានក៍ពួកគាត់សប្បាយចិត្តដែរ។ប៉ុន្ដែដោយសារតែចិត្តនាងស្រលាញ់សិល្បៈទើបនាងលួចទៅហាត់រៀនជំនាញនេះនៅក្លឹបជប៉ុនមួយហើយក៍ឈានទៅធ្វើជាពិធីការិនីនៅប៉ុស្ដិ៍ហង្សមាស និងចុងក្រោយឈានមកធ្វើតារាចម្រៀងនៅថោន ដល់បច្ចុប្បន្ន។នាងថាពីដំបូងឪពុកម្ដាយនាងពិតជាមិនពេញចិត្តឬមិនគាំទ្រឲ្យនាងច្រៀងសម្ដែងមែន ប៉ុន្ដែដោយការព្យាយាមរបស់នាងតាមរយៈការថតភាពយន្ដ និងធ្វើMC ហើយឈានមកធ្វើតារាចម្រៀងដល់តំណាក់កាលមួយដែលគេស្គាល់ច្រើន ទើបក្រុមគ្រួសារនាងបណ្ដោយនិងមិនប្រឆាំងចំពោះការចាប់អាជីពចម្រៀងរបស់នាងនៅពេលនេះទៀតទេ។តែអ្វីនាងចម្លែកគឺក្រោយមានឈ្មោះបោះសម្លេងនេះពេលទៅដល់ស្រុកកំណើតរបស់នាងនៅទីរួមខេត្តព្រៃវែងនោះប្រុសៗដែលពីមុនធ្លាប់តែតាមញ៉ែនាងរហូតមានពេលខ្លះពេលកំពុងរៀនគេសរសេរសំបុត្រសុំស្រលាញ់រាប់ភ្លេចនោះស្រាប់តែពេលនេះលែងមានអ្នកតាមចែចង់ដូចមុនទៀតហើយ។នាងថានេះគឺជាភាពប្រែប្រួលមួយរបស់នាងមុននិងក្រោយចូលសិល្បៈ។
រ៉ាប៊ី មុនផ្ទុះកូវីដនាងរកបានប្រាក់ចំណូលពីអាជីពចម្រៀងបានជាច្រើនម៉ឺនដុល្លារក្នុង១ឆ្នាំៗព្រោះនាងថាបើនៅរដូវក្ដៅវិញខែខ្លះគេកក់ពេញអស់តែម្ដងហើយនាងច្រៀង១កម្មវិធីស៊ីថ្លៃ១៥០០ដុល្លារ។តែរយៈពេល២ឆ្នាំចុងក្រោយនេះនាងក៍ដូចជាតារាផ្សេងៗទៀតដែរគឺបាត់បង់ប្រាក់ចំណូលស្ទើតែទាំងស្រុងពីសិល្បៈព្រោះតែកូវីដ ប៉ុន្ដែនាងមិនជួបវិបត្ដិសេដ្ឋកិច្ចនោះទេ ព្រោះថានៅតែមានប្រាក់ចំណូលពីការថតស្ពតនិងធ្វើBA ឲ្យក្រុមហ៊ុនមួយចំនួនជាហូហែមក។
តាមព័តមានមថារ៉ាប៊ី មិនត្រឹមតែគ្មានហានិភ័យសេដ្ឋកិច្ចនៅរដូវកូវីដនេះទេ តែនាងថែមទាំងមានប្រាក់ទិញខុនដូ១បន្ទប់នៅជាប់មាត់ទន្លេ តម្លៃជិត១០ម៉ឺនដុល្លារ រួមទាំងបើកហាងCosmetics មួយតម្លៃខ្ទង់៥ម៉ឺនដុល្លារ បន្ថែមពីលើផ្ទះវីឡារ១តម្លៃ១៥ម៉ឺនដុល្លារ,ផ្ទះ២ល្វែងតម្លៃជាង២០ម៉ឺនដុល្លារ រួមទាំងរថដយន្ដ៣គ្រឿងទៀតគឺLexus Nx200t ,Starex និងLexus Rx300 ។ជុំវិញការមានទ្រព្យលឿនជ្រុលនេះធ្វើឲ្យគេសង្ស័យថារ៉ាប៊ី មានប្រុសចិញ្ចឹម តែតារាពូកែរាំគូឲ្យក្នក់ក្នាញ់រូបនេះថាតាំងពីបែកសង្សារក្មេងមកពេលនេះនាងរកតែក្ដឹបសង្សារ១ធ្វើថ្នាំមិនបានផង៕
