ភ្នំពេញ៖តារាសម្ដែងនិងចម្រៀងលោកអៀង ចេនឡា ដែលជាបងប្រុសបង្កើតពិធីករលោកសុខ រ៉ាស៊ី នោះបានដឹកចូលពេទ្យសង្រ្គោះបន្ទាន់នៅមន្ទីពេទ្យកាល់ម៉ែត្រ កាលពីថ្ងៃទី១៥ខែកុម្ភៈឆ្នាំ២០២២ ដែលពេលនេះស្ថានភាពជំងឺលោកកាន់តែមានសភាពធ្ងន់ធ្ងររហូតលែងនិយាយដឹងអ្វីទៅហើយ។ពិធីករលោកសុខ រ៉ាស៊ី បានចេញសារថា”បងប្រុសខ្ញុំឈ្មោះអៀង ចេនឡា គាត់ជាតារាចម្រៀងពេលនេះ ឈឺធ្ងន់ ជំងឺរលាកស្រោមខួក្បាល លែងនិយាយដឹងអីហើយ រវើររវាយបាត់បង់ការចងចាំ សូមអធ្យាស្រ័យសម្រាប់បងប្អូនអ្នកហៅគាត់ធ្វើការងារទាំងប៉ុន្មាន ពេលនេះគាត់កំពុងសង្រ្គោះបន្ទាន់នៅមន្ទីពេទ្យកាល់ម៉ែត្រ”។
សូមបញ្ជាក់ថាមុននេះលោកអៀង ចេនឡា បានធ្លាក់ចុះស្គមស្លេកស្លាំងខ្លាំងនៅរយៈពេលចុងក្រោយនេះដោយសារតែលោកមានជំងឺសួតរដ៍ធ្ងន់ធ្ងររហូតដឹកចូលពេទ្យជាបន្ទាន់ដោយក្រុមគ្រូពេទ្យធ្លាប់បូបទឹកចេញពីសួតលោកដាក់ដបទៀតផង។លោកក៍ធ្លាប់ទទួលបានជំនួយសប្បុរធ័មរបស់សម្ដេចតេជោហ៊ុន សែន នូវទឹកប្រាក់ចំនួន១០០០០ដុល្លារដើម្បីព្យាបាលជំងឺផងដែរទើបធ្វើឲ្យលោកមានសុខភាពល្អប្រសើរជាងមុនបន្ដិចរហូតទទួលធ្វើការងារសិល្បៈសារជាថ្មីឡើងវិញ។ប៉ុន្ដែពេលនេះលោកចេនឡា កាន់តែស្ថិតក្នុងស្ថានភាពគ្រោះថ្នាក់ព្រោះកើតជំងឺថ្មីថែមទៀតគឺរលាកស្រោមខួក្បាល រហូតបាត់បង់ការចងចាំ ដែលធ្វើឲ្យទាំងក្នុងនិងក្រៅសិល្បៈមានការអាណិតអាសូរដល់លោកជាខ្លាំង។ជាមួយគ្នានេះដែរគេឃើញតារារួមអាជីពក៍បានឧបត្ថម្ភថវិការជួយដល់លោកអៀង ចេនឡា ដើម្បីសង្រ្គោះជីវិតទៅតាមលទ្ធភាពជាបន្ដបន្ទាប់។តែសុខភាពរបស់លោកគឺនៅតែធ្ងន់ធ្ងរនិងហាក់ដុនដាបទៅៗ ពិសេសគឺចុះស្គមកាន់តែខ្លាំងទើបធ្វើឲ្យក្រុមគ្រួសារមានការបារម្ភកាន់តែខ្លាំង។
គូរកត់សម្គាល់ថាលោកអៀង ចេនឡា មានទេពកោសល្យសិល្បៈចម្រុះដូចជាអាចច្រៀង,លេងកំប្លែង ,ធ្វើពិធីករ និងច្រៀងភ្លេងការផងដែរ។អំឡុងពេលដែលលោកកំពុងតែមានជំងឺនេះដែរមានការងារសិល្បៈជាច្រើនបានរត់រកលោក តែគូឲ្យស្ដាយពេលនេះលោកចេនឡា កំពុងស្ថិតក្នុងតំណាក់កាលសង្រ្គោះបន្ទាន់ហើយចាំបាច់នូវការទាមទារជួយជ្រោមជ្រែងពីតារតារួមអាជីពទៅតាមលទ្ធភាពដើម្បីសង្រ្គោះជីវិតលោកពីជំងឺដ៍សាហាវទាំង២ខាងលើនេះ៕
