ភ្នំពេញ៖មាស សុខសោភា បានឈនៅផលិតកម្មរាម រយៈពេលជាង១ឆ្នាំទៅហើយដែលតាមការកុងត្រានៅតំណាក់កាលដំបូងរយៈពេល១ឆ្នាំនេះនាងបានផុតសុពលភាពទៅហើយនៅចុងខែ២នេះ តែសោភា បានតកុងត្រាថ្មី ទើបធ្វើឲ្យផលិតកម្មដល់ទៅ៣ដែលរងចាំត្រងនាងគឺហង្សមាស ,Galaxy និងថោន នោះខកចិត្តព្រមគ្នាតែម្ដង។យ៉ាងណាអំឡុងពេលដែលសោភា ជ្រកនៅរាម នៅឆ្នាំដំបូងនេះត្រូវបានអ្នកជំនាញសិល្បៈមើលឃើញថានាងបានធ្វើឲ្យមានការផ្លាស់ប្ដូរខ្លួន២យ៉ាងក្នុងពេលតែ១តែសម្រាប់ទីផ្សារចម្រៀងវិញគឺគ្មានអ្វីប្រែប្រួលច្រើនឡើយ។ការដែលសោភា ធ្វើរឿង២ឲ្យមានការខុសប្លែកពីមុនពេលទៅដល់រាម នោះគឺទី១៖នាងប្ដូរការស្លៀកពាក់ស្ទើតែទាំងស្រុងដែលចេះលេងខ្លួនទៅតាមពេលវេលា មិនដូចកាលពីឆ្នាំមុនៗពេលដែលសោភា ឡើងឆាកតន្រ្ដីធំៗនាងស្លៀកពាក់យ៉ាងសាមញ្ញបំផុតនោះទេ ប៉ុន្ដែពេលនេះគេអាចមើលឃើញថាសោភា ប្ដូរទាំងម៉ូដសក់ និងសម្លៀកបំពាក់ស្ទើគ្រប់កម្មវិធីទាំងអស់។ទី២៖សោភា ដែលធ្លាប់តែចេញមុខឃោសនាឲ្យគេតាមរយៈការថតស្ពតទាំងឡាយនោះពេលនេះនាងបានឡើងធ្វើជាថៅកែដោយខ្លួនឯងដោយបើកហាងដល់ទៅ២នៅរដូវកូវីដនោះគឺហាងលក់ផលិតផលនៅក្រុងតាខ្មៅ និងហាងការហ្វេនៅខេត្តព្រះសីហនុ ដែលចំណាយទុនរាប់ម៉ឺនដុល្លារឯណ្ណោះដែលនេះមានន័យថាអតីតតារារស្មីស្ទឹងសង្កែររូបនេះចាប់ផ្ដើមហក់ចូលទៅជាអ្នកជំនួញម្នាក់ហើយ ព្រោះថ្មីៗនេះនាងបានក្លាយទៅជាBA របស់បុរីមួយទៀតផង។
ទោះជាមាស សុខសោភា ធ្វើសម្រេចរឿង២យ៉ាងក្នុងពេលតែ១មែន ប៉ុន្ដែនាងជាប់គាំងរឿង១នោះគឺទីផ្សារចម្រៀង។ការទៅដល់រាម របស់សុខសោភា មិនធ្វើឲ្យនាងឡើងកូដថែមទៀតនោះទេ ប៉ុន្ដែសោភា ហាក់នៅទ្រឹង ខណៈតារាស្រីជូរមុខមានដូចជាឱក សុគន្ធកញ្ញា ,ពេជ្រ សោភា និងសុគន្ធ និសា ជាដើមនោះក៍គ្មានសន្ទុះខ្លាំងក្លាជាងនាងដែរតាំងពីផ្ទុះកូវីដ ជាង២ឆ្នាំមកនេះ ។យ៉ាងណាសុខសោភា បានប្រកាសដោយតាំងចិត្តយ៉ាងមុតមាំថានៅឆ្នាំ២០២២ នេះនាងនឹងបង្ហាញសកម្មភាពសិល្បៈឲ្យកាន់តែខ្លាំងក្លា ហើយនឹងបញ្ចេញនូវអ្វីដែលគេមិនធ្លាប់ឃើញពីមុនសោះនោះឲ្យទស្សនិកជនបានទស្សនាទាំងអស់គ្នា។តែការសន្យារបស់សុខសោភា នោះហាក់ជួបឧបស័ក្កសារជាថ្មីព្រោះថាពេលនេះកូវីដ ផ្ទុះឡើងវិញទើបធ្វើឲ្យនាងពិបាកក្នុងការបញ្ចេញអ្វីដែលបានត្រៀមមកនោះឲ្យអស់ពីខ្លួន ខណៈដែលតារាស្រីនាពេលបច្ចុប្បន្នមានតែនាងតន់ ច័ន្ទសីម៉ា និងរ៉េត ស៊ូហ្សាណា ប៉ុណ្ណោះដែលមានសន្ទុះ។ប៉ុន្ដែអតីតតារាហង្សមាសលោកនូ ស៊ឹប ធ្លាប់ប្រាប់ថាសម្ថភាពដូចសុខសោភា ទោះជាទៅដល់ផលិតកម្មណាច្រៀងនៅកន្លែងណាក៍នាងនៅតែល្បីដដែល ព្រោះថាតារាស្រីរូបនេះមិនធម្មតាឡើយ។
មាស សុខសោភា ដែលសាកល្បងនៅរាម អស់ជាង១២ខែនោះពេលនេះនាងអាចបន្ដនៅផលិតកម្មថ្មីមួយនេះជាច្រើនខែតទៅទៀតជាមិនខានព្រោះថាទំនាក់ទំនងរវាងនាងនិងថៅកែស្រីកាន់តែស្អិតល្មូត ទើបធ្វើឲ្យឱកាសដែលសោភា ចង់ទៅរួមជាមួយហង្សមាសនោះកាន់តែរួមតូចទៅៗឬស្ទើតែមិនអាចកើតឡើង ព្រោះថាកំពូលតារាចម្រៀងព្រាប សុវត្ថិ ដែលគ្រប់គ្នាចង់ឃើញនាងនិងលោកស្នាយ ក្លាយទៅជាដៃគូគ្នាបំផុតនោះពេលនេះលោកក៍មិនមែនជាអ្នកចម្រៀងហង្សមាសទៀតដែរ។អ្វីដែលគូរឲ្យកត់សម្គាល់ទោះជាពេលនេះសុខសោភា ថានឹងបុកទីផ្សារចម្រៀងឲ្យអស់ពីសម្ថភាពមែន តែគេឃើញជាក់ស្ដែងថាការទៅទ្រនុំថ្មីនេះសោភា ផ្ដោតលើការកស៊ីសំខាន់ជាងច្រៀង ព្រោះសូម្បីតែផលិតកម្មផ្ទាល់ខ្លួនរបស់នាងឈ្មោះCamtrax ដែលគ្រប់គ្រងដោយប្ដីនាងលោកអ៊ឹត រ៉ាដា នោះពេលនេះក៍មិនដំណើរការទៀតដែរ៕
