ភ្នំពេញ៖តារាចម្រៀងឃីន ស្រីនាថ ហៅអ៊ីវ៉ា បានបង្ហើបថាអាជីពចម្រៀងរបស់នាងសព្វថ្ងៃនេះគឺដោយចៃដន្យទេ ព្រោះការពិតនាងស្រលាញ់ផ្នែកកីឡារ តែលោកអ៊ូ វ៉ាវ ដែលជាប៉ារបស់នាងឲ្យធ្វើជាតារាចម្រៀង។យ៉ាងណានាងថាដោយសារចិត្តនៅតែស្រលាញ់ផ្នែកកីឡារនេះនាងបង្ហើបថាអនាគតនឹងយកប្ដីអ្នកពាក់ព័ន្ធវិស័យកីឡារនេះដោយជៀសមិនផុតនោះទេ ។ភ្លាមៗនោះមានFan ជាច្រើនបានខមិនសួរនាំអ៊ីវ៉ា ដោយចង់ឲ្យនាងបង្ហាញតម្រុយថាគូស្នេហ៍របស់នាងដែលធ្វើការនៅផ្នែកកីឡារនោះជាអ្នកណាទៅ?ជាម្ចាស់ក្លឹប១,គ្រូបង្វឹក ឬក៍កីឡារបាល់ទាត់?ប៉ុន្ដែអ៊ីវ៉ា មិនឆ្លើយតបទេទើបមានម្ចាស់ហ្វេសបុកឈ្មោះMun GD បានចូលទៅសួរអ៊ីវ៉ា នូវសំណួរខុសពីអ្នកខមិនខាងលើថា”មិនមែនអ្នកចាក់បាល់ណាហី?”។
អ៊ីវ៉ា នៅតែមិនព្រមប្រាប់អត្តសញ្ញាណគូស្នេហ៍ដដែល ខណៈដែលការបង្ហើបរបស់នាងថានឹងយកប្ដីជាអ្នកនៅក្នុងរង្វង់កីឡារនេះហាក់ស្របគ្នាទៅនិងដំណឹងកាលពីឆ្នាំមុនដែលមានព័តមានថាអ៊ីវ៉ា ច្រើនតែលេចមុខនិងទៅលេងជាញឹកញាប់ម្ចាស់ក្លឹបបាល់ទាត់មួយនៅកម្ពុជាដែលបុរសនោះមានងារជាឧកញ៉ាទើបនាំឲ្យមានការលេចឭថាស្រីនាថ ត្រូវម្ចាស់ក្លឹបនោះពេញចិត្តខ្លាំងទៀតផង។ប៉ុន្ដែក្នុងជំនួបផ្ទាល់ទាំងអ៊ីវ៉ា និងឪពុកនាងលោកអ៊ូ វ៉ាវ កន្លងមកមិនដែលបង្ហើបរឿងម្ចាស់បេះដូងថ្មីរបស់អ៊ីវ៉ា ថាជាអ្នកណាឡើយ។តែអ៊ីវ៉ា ធ្លាប់បានតាំងចិត្តថានាងនឹងរៀបការនៅអាយុ៣០ឆ្នាំពោលគឺនៅឆ្នាំ២០២៣ ខាងមុខនេះហើយព្រោះថាឆ្នាំនេះស្រីនាថ មានអាយុ២៩ឆ្នាំ។
គូររំលឹកថាអ៊ីវ៉ា ធ្លាប់បានភ្ជាប់ស្នេហ៍ជាមួយលោក”ប”ដែលជាថៅកែក្លឹប និងហាងបញ្ចាំនៅក្រុងសៀមរាប តែចំណងស្នេហខុសវ័យនេះបានចែកផ្លូវគ្នានៅឆ្នាំ២០១៣ តែរយៈពេលជាង៧ឆ្នាំមកនេះប្អូនមន្រ្ដីផ្កាយ៣ រូបនោះនៅតែស្នេហ៍អ៊ីវ៉ា ដោយគ្មានការផ្លាស់ប្ដូរចិត្តឡើយ។ប៉ុន្ដែអ៊ីវ៉ា មានៈមិនព្រមផ្សះផ្សារស្នេហ៍ជាដាច់ខាត ព្រោះថាបើនាងព្រមទទួលសំណើរស្នេហ៍ជាថ្មីនោះច្បាស់ជាធ្វើឲ្យនាងប្រឈមបញ្ចប់អាជីពសិល្បៈជាតារាចម្រៀងជាមិនខានដោយសារប្អូនមន្រ្ដីធំប្រចណ្ឌនិងហួងហែងនាងខ្លាំងណាស់ ដូចជាហាមទាំងការលេងក្បាច់រាំ និងមិនអនុញ្ញាត្តិឲ្យនាងថតសម្ដែងដែលមានតារាប្រុសណាអោបថើបជាដាច់ខាត។ចំណុចនេះហើយដែលធ្វើឲ្យអ៊ីវ៉ា និងថៅកែក្វែងគំនិតគ្នា បើទោះជាលោកវ៉ាវ ធ្លាប់អះអាងថាលោកចង់បានកូនប្រសារជាអ្នកមានវ័យចំណាស់បន្ដិច និងមិនត្រូវការឲ្យអ៊ីវ៉ា យកប្ដីក្មេងស្ទាវក្ដី៕
