ភ្នំពេញ៖កែវ ពេជ្រពិសី បានឲ្យដឹងថានៅថ្ងៃទី៦ខែមីនាឆ្នាំ២០២២ ខាងមុខនេះនាងនឹងចេញដើរបង្ហាញម៉ូដជាលើកដំបូងក្រោយសម្រាលកូនដែលពិធីនោះធ្វើនៅផ្សារទំនើបអ៊ីអន១ ហើយម្ចាស់កម្មវិធីគឺជាអតីតតារាសម្ដែងដាញ់ ម៉ូនីកា ។ពិសី ថាទោះជាពេលនេះនាងនៅសសៃខ្ចីមែន តែមិនអាចប្រកែកបានឡើយទើបត្រូវតែធ្វើជាតារាម៉ូឌែលឲ្យពួកម៉ាក។យ៉ាងណាពេជ្រពិសី បន្ថែមថាចំពោះការងារសិល្បៈទាំងឡាយនាងអាចនឹងចាប់ផ្ដើសារជាថ្មីដូចមុនវិញគឺនៅពេលដែលកូនប្រុសរបស់នាងមានអាយុចាប់ពី១ឆ្នាំឡើងទៅដែលពេលនោះជាពេលវេលាអំណោយផលអាចឲ្យនាងធ្វើការវិញបានហើយ។ប៉ុន្ដែពេជ្រពិសី នៅតែប្រកាន់ជំហថានាងវិលរកអាជីពចាស់នេះបានលុះត្រាតែផលិតករទាំងឡាយផ្ដល់តម្លៃឲ្យនាងដែរទើបអាចទៅរួចព្រោះនាងបានតស៊ូក្នុងជីវិតជាសិល្បៈរយៈពេលជាង១០ឆ្នាំមកហើយ ហេតុនេះមិនអាចចាប់ផ្ដើមដូចពីចំណុចដំបូងបំផុតនោះទេ។
ពេជ្រពិសី សង្កត់ថាគ្រប់តារាសិល្បករទាំងអស់គេបារម្ភណាស់រឿងការដែលគេដល់ចំណុចមួយទៅហើយ តែធ្លាក់ទៅវិញនៅពេលដែលគេមកវិញ អីចឹងនាងក៍ដូចគ្នាដែរព្រោះនាងមិនមែនជាតួថ្មី ហើយក៍មិនប្រកាន់ខ្លួនថាទាល់តែតួឯកបានលេងនោះទេ គឺសូមឲ្យផលិតករឲ្យតម្លៃលើតួទៅតាមសម្ថភាពរបស់គេផង ។អតីតតារាសម្ដែងរូបនេះថ្លែងថាទោះជាពេលនេះនាងមានស្វាមីនិងកូនមែន តែជីវិតនាងនៅតែស្រលាញ់សិល្បៈដដែលហើយស្វាមីនាងយល់ថានាងជាអ្វី?អីចឹងគាត់មិនហាមឃាត់នាងក្នុងការបន្ដអាជីពមួយនេះទេ គឺនៅលើចិត្តរបស់ពិសី ផ្ទាល់ ហើយនាងអាចវិលមកសម្ដែងម្ដងទៀតឲ្យតែរឿងនោះសាកសមជាមួយនាងអាចលេងបាន។
កែវ ពេជ្រពិសី បានផ្អាកអាជីពសិល្បៈជាច្រើនឆ្នាំដោយងាកទៅបើកហាងសម្អាងការជិត១០ឆ្នាំមកហើយ តែចុងក្រោយនេះហាងតំណើរការមិនសូវល្អ ព្រោះតែកូវីដ ខណៈដែលពិសី ថាការកស៊ីជាជំហ៊ានទី១ អាជីពសិល្បៈជាជម្រើសទី២ សម្រាប់នាង។ពេជ្រពិសី ដែលធ្លាក់ខ្លួនក្លាយទៅជាស្រីមេម៉ាយជាង១០ឆ្នាំក្រោយចែកផ្លូវគ្នាជាមួយបុរសអាណិកជនខ្មែរអូស្រា្ដលីលោកចន្ថា ស្រី នោះបានបដិសេធទទួលសំណើរស្នេហ៍ថ្មីជាបន្ដបន្ទាប់ព្រោះនាងខ្លាចដើរជាន់ដានចាស់គឺទើបតែនៅថ្ងៃទី១៧ខែឧសភាឆ្នាំ២០២០ ពិសី ព្រមបើកបេះដូងទលស្នេហ៍ថ្មីតាមរយៈការភ្ជាប់ពាក្យជាមួយអាណិកជនខ្មែរមកពីកាណាដាលោកពៅ សម្បត្តិ ដែលជាពោះម៉ាយវ័យ៥១ឆ្នាំ។ ដោយសារតែកូវីដផ្ទុះជាប់គ្នាមិនស្ងាត់នោះពិសី ក៍បានលុបចោលមង្គលការជាមួយលោកសម្បត្តិ នៅពាក់កណ្ដាលឆ្នាំ២០២០ តែអ្នកទាំងពីរបានចុះអេតាស៊ីវិលរួចហើយ ទើបពិសី សម្រេចយកកូនមុនរៀបការហើយនៅថ្ងៃទី១៤ខែកញ្ញាឆ្នាំ២០២១ ពិសី សម្រាលបានកូនប្រុសម្នាក់ដោយដាក់ឈ្មោះថា”Dura” ដែលពេលនេះមានអាយុជិត៥ខែហើយ។ពេជ្រពិសី ថាក្រោយមានកូន១នេះនាងគ្មានផែនការណ៍រៀបការជាលើកទី២ទេ តែចង់បានកូនថែម១ទៀត៕
