ភ្នំពេញ ៖ ស្ត្រីរូបស្រស់ម្នាក់ នៅសុខៗក៏បានបាត់ខ្លួនចេញពីផ្ទះដោយគ្មានដំណឹង ធ្វើឱ្យក្រុមគ្រួសារភ័យឆោឡោ ចែកផ្លូវគ្នាតាមរកអស់រយៈពេល ៣ថ្ងៃមកហើយ នៅតែមិនមានដំណឹងអ្វីបន្តិចសោះ ទើបក្រុមគ្រួសារដាច់ចិត្តប្រកាសហៅឱ្យវិលត្រឡប់មកផ្ទះវិញ។
ស្ត្រីរូបស្រស់ដែលបាត់ខ្លួនចេញពីផ្ទះអស់រយៈពេល៣ថ្ងៃនោះ មានឈ្មោះអ៊ាត ស្រីនិច អាយុ២៦ឆ្នាំ មានស្រុកកំណើតនៅភូមិស្រះ ឃុំជ្រៃធំ ស្រុករមាសហែក ខេត្តស្វាយរៀង សព្វថ្ងៃស្នាក់នៅផ្ទះម្តាយក្មេក ម្តុំភូមិសំបួរ សង្កាត់ដង្កោ ខណ្ឌដង្កោ។
យោងតាមប្រភពពីបុរសជាឪពុករបស់ស្ត្រីដែលបាត់ខ្លួនខាងលើ ដែលបានបង្ហោះឱ្យដឹងតាមបណ្តាញសង្គមហ្វេសប៊ុក ថា “ខ្ញុំបាទមានឈ្មោះរាជ ផៅ ភេទប្រុស អាយុ៥០ឆ្នាំ ត្រូវជាឪពុក បានបាត់កូនស្រីម្នាក់ មានឈ្មោះ អ៊ាត ស្រីនិច ២៦ឆ្នាំ មានស្រុកកំណើត ភូមិស្រះ ឃុំជ្រៃធំ ស្រុករមាស់ហែក ខេត្តស្វាយរៀង បានបាត់ខ្លួនចេញពីផ្ទះ ចំនួន៣ថ្ងៃ ដោយគាត់បានចេញពីផ្ទះម្តាយក្មេក នៅម្តុំភូមិសំបួរ សង្កាត់ដង្កោ ខណ្ឌដង្កោ។
ដូច្នេះហើយ បើបងប្អូនណាបានឃើញភិនភាគដូចរូបខាងលើ សូមទំនាក់ទំនងមកលេខ ០៨៨ ៧២២៧៣០៨, ០១២ ៣៤៥ ៣៦០, ០៨៥ ៦៦០ ៥៤០ និង០៦៩ ៩៥៩០០៣ យើងខ្ញុំនឹងមាន ជូនសគុណផងដែរ…”៕
