ភ្នំពេញ៖រ៉េត ស៊ូហ្សាណា ដែលត្រូវឪពុកម្ដាយតាមគ្រប់វិនាទីទាំងអស់តាំងពីនាងឈានជើងចូលសិល្បៈនោះពេលនេះស្រីស្រស់ហាក់បង្ហាញអារម្មណ៍ពេញចិត្តបំផុតចំពោះម្ដាយនាងដែលផ្ដល់សុវត្ថិភាពឲ្យនាងតាំងពីតូចរហូតពេញវ័យ២២ឆ្នាំ។ហ្សាណា បានចេញសារថានាងមានបំណងប្រាថ្នាសូមកើតជាតិណាណាៗធ្វើជាកូនរបស់ម្ដាយនាងគ្រប់ជាតិទាំងអស់។ការបួងសួងបែបនេះបញ្ជាក់ថាការមានម្ដាយតាមការពារក្នុងនាមនាងជាកូនស្រីគឺជាភាពកក់ក្ដៅបំផុតមួយពិសេសទាក់ទងអាជីពសិល្បៈដូចនាងព្រោះហ្សាណា ត្រូវបានគេចាត់ទុកថានាងជាមុខសញ្ញានាំការតាមប្រម៉ាញ់ស្នេហ៍ពីសំណាក់មន្រ្ដីធំៗដោយសារតែនៅហង្សមាសតារារូបនេះមានសម្រស់លេចត្រដែតជាងគេ និងខ្លះទៀតថានាងមានត្រេមុខដូចកូនកាត់ជប៉ុនទៀតផង។
រ៉េត ស៊ូហ្សាណា មិនទាន់ប៉ៈរឿងអាស្រូវស្នេហាណាមួយធ្ងន់ធ្ងរនោះទេក្រោយនាងចាប់អាជីពចម្រៀងជាង៤ឆ្នាំមកនេះនៅហង្សមាស ព្រោះសូម្បីតែទូរស័ព្ទក៍នាងត្រូវម្ដាយលើកជំនួស ហេតុនេះហើយប្រុសៗដែលចង់លេងផ្លូវកាត់នោះគឺមិនអាចទៅរួចជាដាច់ខាត។ទោះជាយ៉ាងណាគេចាំបានថាកាលពីពាក់កណ្ដាលឆ្នាំ២០២០ ហ្សាណា ធ្លាប់បង្ហាញសញ្ញានាងមានគូស្នេហ៍ តែបុរសដែលនាងកាន់ដៃនិងសូមមិនឲ្យព្រលែងដៃនាងកណ្ដាលទីនោះ មិនត្រូវបាននាងហ្សាណា ហ៊ានបង្ហាញមុខគូស្នេហ៍ដោយបណ្ដើរជាសាធារណៈនិងកៀកកើយគ្នាជាចំហម្ដងណាឡើយ។ប៉ុន្ដែអ្វីដែលគូរឲ្យកត់សម្គាល់ក្នុងពេលតែ១ហ្សាណា បានចំណាយលុយជិតកកន្លះលានដុល្លារនៅរដូវកូវីដនេះតាមរយៈការទិញផ្ទះ២ល្វែងជាប់គ្នាតម្លៃខ្ទង់ជាង២០ម៉ឺនដុល្លារកាលពីខែមករា និងរថយន្ដទំនើបម៉ាកJeep Rubicon តម្លៃ៨៧០០០ដុល្លារនៅខែឧសភាឆ្នាំ២០២១ ពោលគឺនៅឆ្នាំដដែលគ្រាន់តែលំលងជាង៤ខែហ្សាណា បញ្ចេញកញ្ចប់លុយ២ដុំធំតែម្ដង។យ៉ាងណាហ្សាណា មិនសូវត្រូវបានគេម៉ៃថានាងមានគូស្នេហ៍ជួយឧបត្ថម្ភដូតារាផ្សេងទៀតនោះទេ ព្រោះសម្អាងថាក្រុមគ្រួសារស្រីស្អាតរូបនេះមានជីវភាពល្អប្រសើរតាំងពីមុននាងរៀបការម្លេះ។
រ៉េត ស៊ូហ្សាណា ក្លាយទៅជាតារាចម្រៀងផ្នែកយុវវ័យដែលប្រជែងទីផ្សារចម្រៀងជាមួយនាងរ៉ាប៊ី និងតន់ ច័ន្ទសីម៉ា ។តែហ្សាណា មានប្រៀបជាងតារាទាំងពីរខាងលើដោយសារតែនាងច្រៀងបទជាភាសារអង់គ្លេសបានល្អជាង ខណៈដែលការច្រៀងបទខ្មែរសម្ថភាពរបស់នាងមានកម្រិតបើទោះជាមុននេះគេទទួលស្គាល់ថាបទ”សង្ស័យ”នាងអាចប្រើសម្លេងបានប្រហាក់ប្រហែលនាងពេជ្រ សោភា ក្ដី៕
