ភ្នំពេញ៖តារាចម្រៀងរ៉ាប៊ី(ផាន វីរ៉ាទី)ដែលពេញនិយមសម្រាប់ទីផ្សារចម្រៀងផ្នែកយុវវ័យនោះថ្មីៗនេះទើបបានបញ្ចេញបទ”ស្រារាំ”ដែលបទនេះផ្ទុះមិនចាញ់បទល្បីៗរបស់នាងនៅថោន ពីមុនៗឡើយព្រោះនៅលើបណ្ដាញសង្គមហ្វេសបុក និងTik Tok មានFan របស់នាងយកទៅចាក់ និងរាំតាមច្រើនដែលនេះដូចគ្នាទៅនិងគោលការណ៍របស់នាងដែលថាសុខចិត្តចេញបទចម្រៀងយឺត តែយកគុណភាពឬចេញ១ដឹង១នោះមិនខុសឡើយ។ប៉ុន្ដែរ៉ាប៊ី មិនមែនមានតែ១បទនេះទេសម្រាប់ឆ្នាំថ្មីពោលគឺនាងបានត្រៀមចេញបទថ្មីៗជាបន្ដបន្ទាប់ទៅតាមពេលវេលា ហើយសម្រាប់ពិធីបុណ្យប្រពៃណីចូលឆ្នាំខ្មែរនាពេលខាងមុខនេះនាងថាក៍មានត្រៀមបទចម្រៀងសម្រាប់អ្នកគាំទ្ររបស់ខ្លួនដែរដូចជាបទដែលនាងច្រៀងឆ្លងឆ្លើយជាមួយលោកពេជ្រ ថាណា “ស្វាដូចបងដែរ”និងបទមួយចំនួនទៀត។
អ្វីដែលគូរឲ្យកត់សម្គាល់អំឡុងពេលរ៉ាប៊ី កំពុងឡើងកូដមួយក្រឺតទៀតតាមរយៈបទ”ស្វារាំ”នេះនាងក៍ត្រូវបានក្រុមហ៊ុនមួយចំនួនជ្រើសធ្វើជាBA របស់គេជាបន្ដបន្ទាប់តែម្ដងជាមួយតម្លៃខ្លួនខ្ពស់ទៀតផង តែតារាថោន ថានាងមិនអាចនិយាយពីតម្លៃខ្លួនបាននោះទេព្រោះស្ថិតក្នុងល័ក្ខខណ្ឌនាងជាមួយក្រុមហ៊ុន។យ៉ាងណានាងថាពិតជាសប្បាយរីករាយដែលបានធ្វើជាទូតសុឆន្ទៈជាមួយក្រុមហ៊ុនធំៗហើយនាងបានត្រៀមបង្ហាញនូវអ្វីដែលថ្មីនិងប្លែកៗជាច្រើនទៀតនៅពេលខាងមុខនេះ។
ទាក់ទងការផ្ទុះកូវីដ បំលែងថ្មីអូមីក្រុងនេះថាតើរ៉ាប៊ី បានបាត់បង់Concerts ច្រើនដែរឬអត់នោះតារាថោន ថានាងក៍ដូចជាតារាផ្សេងៗទៀតដែរគឺបាត់កម្មវិធីខ្លះមិនខុសគ្នានោះទេ។តែរ៉ាប៊ី ថាមិនប៉ៈពាល់ធ្ងន់ធ្ងដល់ប្រាក់ចំណូលពីអាជីពសិល្បៈរបស់នាងខ្លាំងនោះទេ ព្រោះថាជាញឹកញាប់នាងត្រូវបានក្រុមហ៊ុនទាំងឡាយជ្រើសឲ្យធ្វើជាBA ជាបន្ដបន្ទាប់ទើបធ្វើឲ្យនាងនៅតែអាចរកប្រាក់បានពីការងារសិល្បៈជាប្រចាំ។
គូរបញ្ជាក់ថារ៉ាប៊ី ជាតារាដែលមានរូបសម្រស់និងសកម្មភាពសិល្បៈលេចធ្លោម្នាក់នៅថោន តែនាងថាបេះដូងមិនទាន់មានម្ចាស់ចិត្តនោះទេ ក្រោយបែកសង្សារក្មេងម្នាក់តាំងពីឆ្នាំ២០១៩ ។អ្នកចម្រៀងដែលមានក្បាច់រាំគូឲ្យក្នក់ក្នាញ់រូបនេះធ្លាប់សារភាពថានាងស្នេហាតែបុរសក្មេងទេ ព្រោះបើយកសង្សារចាស់ពិបាកបង្ហាញSweet ៕
