ភ្នំពេញ៖អតីតតារាសម្ដែងស៊ុក សុភា ដែលកំពុងរស់នៅប្រទេសអូស្រា្ដលីជាមួយភរិយាអ្នកនាងសារីណា និងកូនបុ្រសស្រីចំនួន៥នាក់នោះបានសម្ដែងការខកចិត្តដែលហង្សមាសបានប្រគល់ពានBeat The Best ទៅឲ្យបេក្ខភាពសួ វិចិត្រ ក្នុងវគ្គផ្ដាច់ព្រ័ត្រកាលពីរាត្រីថ្ងៃទី៦ខែមីនាឆ្នាំ២០២២ ដោយមើលរំលងឈាន ជាលឿយ ។ស៊ុក សុភា ចាត់ទុកថាជារឿងអយុត្តិធ័មមួយសម្រាប់ឈាន ជាលឿយ ព្រោះលោកបានតាមដានរៀងរាល់សប្ដាហ៍នោះមើលឃើញថាជាលឿយ មានទឹកដមសម្លេងខ្លាំងជាងគេ ស្ទាយច្រៀងមិនដែលៗទេ ខណៈដែលរូបសម្រស់ក៍ស្រស់ស្អាត កម្ពស់ខ្ពស់ សម្លេងដូរបានគ្រប់ទម្រង់ ពិសេសគឺអាយុទើប១៨ឆ្នាំទៀត។តែលោកសុភា ហាក់មិនអស់ចិត្តចំពោះហង្សមាសដែលផ្ដល់ពិន្ធុឲ្យអ្នកជាប់ដោយលោកថាមិនដឹងថាអ្នករៀបចំកម្មវិធីអោយ ឬអ្នកបោះឆ្នោតឲ្យពិតទេ ព្រោះលោកថាមើលមិនឃើញ។
ក្រោយឃើញប្ដីកើតទុកមិនសុខចិត្តរឿងឈាន ជាលឿយ មិនបានលើកពានបែជាសួ វិចិត្រ ជាអ្នកឈ្នះនោះទើបអ្នកនាងសារីណា ភរិយារបស់លោកសុភា បានចេញសារមកលួងលោមប្ដីថានាងក៍ចង់ឲ្យលោកជាលឿយ ជាប់ណាស់ដែរ តែនាងមើលមិនឃើញភាពអយុត្តិធ័មនោះទេ ព្រោះអ្នកនាងមើលឃើញថាជាលឿយ ធ្វើមិនសូវបានល្អ ដែលអាចមកពីភ័យពេក ហើយអស់កំលាំងទៀតទើបធ្វើឲ្យបាត់ឱកាសនៅវគ្គសំខាន់ចុងក្រោយ ។យ៉ាងណាភរិយាលោកសុភា បានលើកទឹកចិត្តឲ្យជាលឿយ តស៊ូទៅមុខទៀតនឹងបានល្បីជាមិនខាន ព្រោះមាសសុទ្ធ មិនខ្លាចភ្លើង។
ដោយសារតែឃើញស៊ុក សុភា កើតទុក្ខមិនសុខចិត្តរឿងIdol របស់លោកឈាន ជាលឿយ មិនបានឈ្នះពានBeat The Best 2022 ព្រោះសួ វិចិត្រ បានយកផ្ដួលនៅវគ្គចុងក្រោយនោះទើបFan លោកសុភា ដែលមានហ្វេសបុកឈ្មោះSok Thai នោះខមិនថា”ជាលឿយ គាត់ច្រៀងញ័រៗ ស្ដាប់ដំបូងពិរោះមែន តែយូៗទៅសម្ថភាពនៅដដែល សម្លេងគាត់ពិរោះមែន តែសម្លេងវិចិត្រ ពិរោះជាង”។
ក្រោយឃើញការបញ្ចេញយោបល់បែបនេះលោកស៊ុក សុភា តបភ្លាមថា”តែប្អូនវិចិត្រ សម្លេងដដែល មិនសម្លេងប្រុសចំ”។
គូរបញ្ជាក់ថាស៊ុក សុភា ត្រូវបានភរិយាកូន៥អ្នកនាងសារីណា បានប្រកាសលែងលះកាលពីខែសីហាឆ្នាំ២០២១ និងសន្យាមិនយកសុភា ធ្វើជាប្ដីវិញនោះទេ ព្រោះសុភា មិនចេះបែងចែកអ្វីជាគ្រួសារ និងអ្វីជាឪពុកម្ដាយនាំឲ្យសាំញាំច្រើន។ តែបែកគ្នាបានតែជាង៥ខែស្រាប់តែអ្នកទាំងពីរព្រមផ្សះផ្សារស្នេហ៍ហើយ ព្រមត្រូវរ៉ូវគ្នាជាថ្មីដែលលើកនេះផ្អែមល្ហែមលើសដើម និងមានព័តមានថាពួកគេត្រៀមយកកូនទី៦ទៀតផង៕